<p><span style="font-size: 12px; color: #000000;">ការដាច់រហែករន្ធទ្វារធំ ពិតជាធ្វើឱ្យពិបាកក្នុងខ្លួន និងឈឺចាប់ខ្លាំងណាស់ ពេលបន្ទោរបង់លាមកម្ដងៗ។ សូមហាត់រៀនពីរបៀប ដែលជួយឱ្យអ្នកអាចព្យាបាលការឈឺចាប់នេះ ដោយវិធីធម្មជាតិដ៏មានប្រសិទ្ធភាពទាំងនេះ៖</span></p>
<p><span style="color: #000000;"><strong>ប្រេងអូលាវ៖ </strong>ប្រេងអូលាវសម្បូរទៅដោយប្រភេទខ្លាញ់ល្អ ដែលផ្ដល់នូវភាពរំអិលដល់ប្រព័ន្ធពោះវៀនធំរបស់អ្នក ដូច្នេះវាជួយឱ្យអ្នកបន្ទោរបង់លាមកបានស្រួល ដោយគ្មានការឈឺចាប់។ ក្រៅពីនេះ វាមានផ្ទុកគុណសម្បត្ដិប្រឆាំងនឹងការរលាក ដែលមានប្រសិទ្ធភាពបន្ថយការឈឺចាប់ ដោយសារការដាច់រហែករន្ធទ្វារធំ។ យោងតាមការសិក្សាស្រាវជ្រាវចុះផ្សាយ នៅក្នុងទស្សនាវដ្ដី Scientific World អ្នកជំងឺដាច់រហែករន្ធទ្វារមាស បានរាយការណ៍ថា ពួកគេ បានធូរស្រាលការឈឺចាប់ ការហូរឈាម និងរមាស់ក្រោយពីប្រើរូបមន្ដធម្មជាតិ ធ្វើឡើងដោយការលាយបញ្ចូលគ្នានូវគ្រឿងផ្សំ ៣ មុខគឺ ប្រេងអូលាវ ទឹកឃ្មុំ និងក្រមួនឃ្មុំនេះ។ ប្រសិនបើអ្នក ក៏រងការឈឺចាប់ដោយសារការដាច់រហែកសាច់ត្រង់រន្ធទ្វារធំដែរនោះ អ្នកអាចផ្សំនូវរូបមន្ដនេះបានយ៉ាងងាយស្រួល នៅឯផ្ទះ។ អ្វីដែលអ្នកត្រូវធ្វើ គឺត្រូវលាយប្រេងអូលាវ ទឹកឃ្មុំ និងក្រមួនឃ្មុំ ក្នុងបរិមាណស្មើគ្នា នៅក្នុងចានគោមមួយ។ បន្ទាប់មក ដាក់កម្ដៅចានគ្រឿងផ្សំនោះ នៅក្នុងម៉ាស៊ីន Microwave រហូតដល់ក្រមួនឃ្មុំ ដែលប្រើផ្សំជាមួយគ្នានេះរលាយល្អ។ ទុកគ្រឿងផ្សំនេះឱ្យត្រជាក់ ហើយបន្ទាប់មក លាបវានៅត្រង់កន្លែង ដែលដាច់រហែក។ វាកាន់តែមានប្រសិទ្ធភាព ប្រសិនបើអ្នកប្រើវាឱ្យបានពីរ ទៅបីដងក្នុងមួយថ្ងៃ។ សូមព្យាយាមប្រើរូបមន្ដនេះ ឱ្យបានពីរបីសប្ដាហ៍។</span></p>
<p><span style="color: #000000;"><a class="thickbox" title="" href="/FileManager/Commons/2018/8/16/10-16-08-2018--16-30-53.png"><img src="/FileManager/Articles/mce/2018/8/16/10-16-08-2018--16-30-53.png" alt="" /></a><br /></span></p>
<p><span style="color: #000000;"><strong>ប្រទាលកន្ទុយក្រពើ៖ </strong>យើងគ្រប់គ្នាបានដឹងមកហើយអំពី គុណសម្បត្ដិព្យាបាលរោគ និងបន្ថយការឈឺចាប់នៃប្រទាលកន្ទុយក្រពើ ប៉ុន្ដែតើអ្នកធ្លាប់ដឹងទេថា ប្រទាលនេះ ក៏អាចប្រើដើម្បីព្យាបាលការដាច់រហែករន្ធទ្វារធំ និងជួយជួសជុលជាលិកា ដែលដាច់រហែកផងដែរ។ គុណសម្បត្ដិប៉ុណ្ណេះ មិនទាន់អស្ចារ្យនោះទេ ពីព្រោះការសិក្សាមួយចុះផ្សាយ នៅក្នុងទស្សនាវដ្ដីអឺរ៉ុបស្ដីពីវិទ្យាសាស្រ្ដឱសថ ក៏បានគាំទ្រចំពោះការអះអាងខាងលើដែរ។ យោងតាមការសិក្សាដដែល បានឱ្យដឹងថា ការលាបក្រែម ដែលមានលាយបញ្ចូលទឹកប្រទាលកន្ទុយក្រពើ អាចព្យាបាលរបួសដាច់រហែករន្ធទ្វារធំធ្ងន់ធ្ងរ បានយ៉ាងមានប្រសិទ្ធភាព។ សូមយកកូនកាំបិតកាត់ប្រទាលកន្ទុយក្រពើពីគុម្ពរបស់វា ហើយពុះវាជាពីរ បន្ទាប់មកយកស្លាបព្យាកោសជែលរបស់វាមកប្រើ។ សូមលាបជែលនេះ នៅត្រង់កន្លែង ដែលដាច់រហែកឱ្យបាន ២-៣ ដងក្នុងមួយថ្ងៃដើម្បីទទួលបានប្រសិទ្ធភាពកាន់តែប្រសើរ។ </span></p>
<p><span style="color: #000000;"><a class="thickbox" title="" href="/FileManager/Commons/2018/8/16/8-16-08-2018--16-31-58.png"><img src="/FileManager/Articles/mce/2018/8/16/8-16-08-2018--16-31-58.png" alt="" /></a><br /></span></p>
<p><span style="color: #000000;"><strong>ប្រេងដូង៖ </strong>ការលាបប្រេងដូងត្រង់រន្ធទា្វរធំឱ្យបានពីរទៅបីដង ក្នុងមួយថ្ងៃ គឺល្អប្រសើរសម្រាប់ព្យាបាលការដាច់រហែករន្ធទ្វារធំ។ ប៉ុន្ដែទោះជាយ៉ាងណា ប្រសិនបើអ្នករបួសដាច់រហែកធ្ងន់ធ្ងរ អ្នកត្រូវលាបឱ្យបានច្រើនដងក្នុងមួយថ្ងៃ ដើម្បីទទួលបានលទ្ធផលដូចចិត្ដប្រាថ្នា ៕</span></p>
<p><span style="color: #000000;"><a class="thickbox" title="" href="/FileManager/Commons/2018/8/16/9-16-08-2018--16-31-05.png"><img src="/FileManager/Articles/mce/2018/8/16/9-16-08-2018--16-31-05.png" alt="" /></a></span></p>
<p><br /><a class="thickbox" title="" href="/FileManager/Commons/2018/8/16/11-16-08-2018--16-31-18.png"><img src="/FileManager/Articles/mce/2018/8/16/11-16-08-2018--16-31-18.png" alt="" /></a></p>
<p><span style="color: #000000;"><a class="c_tab" href="http://facelinecambodia.com/" target="_blank"><img src="/FileManager/Articles/mce/2018/8/16/faceline-16-08-2018--16-32-24.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>
<p style="text-align: right;"><span style="color: #000000;">ប្រភព៖ onlymyhealth</span></p>