<p><span style="color: #000000;"><strong>(កូរ៉េ)៖</strong> ក្រុមតារាចម្រៀងស្រីវ័យក្មេងរបស់កូរ៉េ ដែលទើបនឹងរះកំពុងធ្វើឲ្យ មហាជនមានការភ្ញាក់ផ្អើល យ៉ាងខ្លាំងបន្ទាប់ពី ខាងក្រុមហ៊ុនរបស់ពួកគេប្រកាស ត្រៀមចំណាយប្រាក់ រាប់សិបលានដុល្លារ ដើម្បីបញ្ចេញ អាល់ប៊ុមចម្រៀងលើកដំបូងខណៈដែល ពួកគេមិនទាន់ទាំងបាន ឡើងសម្តែងលើឆាកម្តងផង។</span></p>
<p><span style="color: #000000;">តារាចម្រៀងដែលទើបបង្កើតថ្មីនេះមានឈ្មោះថា LOONA បានចំណាយប្រាក់យ៉ាង ច្រើនសន្ធឹកសន្ធាប់ដល់ទៅ រាប់កោដិវ៉ុន ឬប្រហែល៣ ៣២៧ ៦០០លានដុល្លារ ដោយការផលិតជាឈុត ឆាកសម្តែងក្នុងអាល់ប៊ុម ចម្រៀងដែលនឹងទៅថតនៅក្រៅប្រទេសដូចជា បារាំង ជប៉ុន ទីក្រុងឡុងដ៏ និងប្រទេសខ្លះ ទៀត។</span></p>
<p><span style="color: #000000;">HeeJin តារាស្រីម្នាក់ក្នុងក្រុមនេះគ្រាន់តែ ការផលិតវីដេអូដែលនាងសម្តែង ត្រូវចំណាយអស់ ប្រមាណ១០០លានវ៉ុន ហើយផូស្ទ័រប្រូម៉ូសិននៅ ឯចំណតរថយន្តក្រុងនានា ចំណាយប្រាក់អស់៥០លានវ៉ុន នេះមិនទាន់គិតដល់ ការចំណាយផ្សេងៗទៀតផងសរុប គឺប្រមាណ ៤០០០លានវ៉ុនឯណោះ។</span></p>
<p><span style="color: #000000;">ក្រុម LOONA មានសមាជិកទាំងអស់ ១២នាក់កំពុងត្រៀមខ្លួនបញ្ចេញ ឲ្យអស់សមត្ថភាពខណៈ ដែលមិនទាន់ចេញមុខ សម្តែងជាសាធារណៈបង្ហាញ មហាជននៅឡើយធ្វើឲ្យមនុស្សជាច្រើនឆ្ងល់ថា ហេតុអ្វីក្រុមតារាចម្រៀង ថ្មីនេះហ៊ាន ចំណាយប្រាក់ច្រើនបែបនេះព្រោះ បើប្រៀបធៀបតារា ចម្រៀងស្រីក្នុងក្រុម TWICE របស់ JYP Entertainment តម្លៃចំណាយត្រឹមតែ៥០០ លានវ៉ុនប៉ុណ្ណោះ៕</span></p>
<p><span style="color: #000000;"><img class="attachment-boombox_image720 size-boombox_image720 wp-post-image" src="http://cdn.koreaboo.com/wp-content/uploads/2017/01/loona.jpg" alt="loona" width="1000" height="563" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>