<p>លង់ទឹកគឺជាគ្រោះថ្នាក់មួយក្នុងចំណោមគ្រោះថ្នាក់ដែលនាំឱ្យមនុស្សស្លាប់ច្រើន និងពិបាកក្នុង<br />ការជួយសង្គ្រោះ សូម្បីតែអ្នកចេះហែលទឹក ចុះជួយសង្គ្រោះក៏អាចប្រឈមនឹងការបាត់បង់ជីវិត ប្រសិនមិនបានយល់ដឹងអំពីវិធីសាស្ដ្រសង្រ្គោះត្រឹមត្រូវ។</p>
<p><em>ខាងក្រោមនេះគឺជាវិធីសាស្ដ្រមួយចំនួនដែលចាំបាច់បំផុត ក្នុងការជួយសង្គ្រោះមនុស្សលង់ទឹក ៖</em><br /> <br /><strong>១/ ជួយសង្រ្គោះ ពេលជនរងគ្រោះកំពុងលង់ទឹក</strong></p>
<p><strong>ក/ ហុចដៃ ៖</strong> ប្រសិនអ្នករងគ្រោះនៅក្បែរច្រាំង ក្បែរដៃអ្នក ចូរដេកត្រង់ខ្លួនលើដី និងហុចដៃទៅ<br />កាន់ជនរងគ្រោះ។ បើសិននៅក្បែរនោះ មានមែកឈើ ខ្សែ ឬកន្សែង។ល។ ចូរប្រើវាដើម្បីបោះទៅ<br />ឱ្យជនរងគ្រោះតោង។ នៅពេលចាំបាច់ ចូរយកដៃម្ខាង តោងនឹងអ្វីមួយឱ្យជាប់ ហើយហុចដៃម្ខាង<br />ទៅរកជនរងគ្រោះ។</p>
<p style="text-align: center;"><a class="thickbox" title="" href="/FileManager/Commons/2013/11/29/ចប-29-11-2013--17-35-12.jpg"><img src="/FileManager/Articles/mce/2013/11/29/ចប-29-11-2013--17-35-12.jpg" alt="" /></a></p>
<p><br /><strong>ខ/ បោះវត្ថុសង្គ្រោះ ៖</strong> ប្រសិននៅកន្លែងកើតហេតុ មានរបស់ដែលអាចអណ្ដែត ដូចជាពោងជា<br />ដើម គឺត្រូវប្រញាប់បោះឱ្យចាំគោលដៅ។<br /><br /><strong>គ/ ប្រើទូក ៖</strong> ប្រសិនមានទូកនៅក្បែរ ចូរចែវទូកទៅជួយសង្គ្រោះជាបន្ទាន់។<br /><br /><strong>ឃ/ ហែលទៅសង្គ្រោះ ៖</strong> ហែលទៅជួយសង្គ្រោះគឺជាវិធីចុងក្រោយ។ ប្រសិនជាអាច ចូរយក<br />ពោងទៅជាមួយ។ អ្នកត្រូវចូលទៅជួយជនរងគ្រោះពីក្រោយខ្នង ហើយក្នុងករណីចាំបាច់ អ្នកអាច<br />ប្រើដៃ ទះទៅលើមុខរបស់ជនរងគ្រោះ ដើម្បីធ្វើឱ្យបាត់បង់ស្មារតី ឬវិលមុខ បន្ទាប់មកទើបចូល<br />ទៅជួយពីក្រោយ ដោយឱបជនរងគ្រោះ ហែលមកច្រាំង។ អ្នកលង់ទឹក ជាទូទៅគឺតែងមានភាព<br />ស្លន់ស្លោ ប្រសិនអ្នកចូលទៅសង្គ្រោះមិនត្រូវតាមវិធី ជនរងគ្រោះអាចបង្កគ្រោះថ្នាក់ដល់អ្នក។<br /><br /><strong>២/ ធ្វើឱ្យជនរងគ្រោះ ក្អួតទឹកចេញក្រៅ និងបញ្ចូលខ្យល់</strong></p>
<p>នៅពេលអ្នកបាននាំជនរងគ្រោះឡើងគោក ហើយជនរងគ្រោះនៅតែមិនដឹងខ្លួន ចូរមើលថា តើ<br />គេនៅដង្ហើម ឬអត់។ ប្រសិននៅដង្ហើម គឺគ្រាន់តែធ្វើឱ្យក្អួតទឹកមកក្រៅ។ ប្រសិនបាត់ដង្ហើម គឺ<br />ត្រូវធ្វើចលនាបញ្ជូលខ្យល់ភ្លាម។ <br /><br /><em>ក/ ធ្វើឱ្យក្អួតទឹកមកក្រៅ</em></p>
<p>លើកជនរងគ្រោះឡើងខ្ពស់ រួចរលាក់រហូតដល់ទឹកក្អែរចេញ ប្រើដៃខ្វេះយកវត្ថុនានា ចេញពីមាត់<br /> ដែលជនរងគ្រោះលេបចូល។<br /> <br /><em>ខ/ បញ្ចូលខ្យល់ សង្គ្រោះបន្ទាន់</em></p>
<p>១/ វិធីផ្លុំខ្យល់តាមមាត់ ៖</p>
<p>ទាញក្បាលជនរងគ្រោះមកក្រោយ ទាញ និងរុញចង្កា ឱ្យមាត់ហា ក្រោយមកប្រើដៃម្ខាង ច្រាន<br />ក្បាលបណ្ដើរ បិទច្រមុះដោយម្រាមដៃមេ និងម្រាមចង្អុល ចំណែកដៃម្ខាងទៀត សម្រាប់បើក ឬ<br />បិទមាត់ជនរងគ្រោះ។ បន្ទាប់មក ដងដង្ហើមឱ្យវែង និងផ្លុំខ្យល់ចូលតាមមាត់ជនរងគ្រោះ។ ផ្លុំខ្យល់<br />ឱ្យខ្លាំង រហូតដល់ឃើញទ្រូងរបស់ជនរងគ្រោះឡើងប៉ោង។ ក្រោយមក ស្ដាប់សម្លេងដង្ហើមរបស់<br />ជនរងគ្រោះ។ ធ្វើដូច្នេះឱ្យបាន ១២ដង ក្នុងមួយនាទីសម្រាប់មនុស្សធំ និង ២០ដង សម្រាប់ក្មេង។</p>
<p style="text-align: center;"><a class="thickbox" title="" href="/FileManager/Commons/2013/11/29/ថថថ-29-11-2013--17-37-06.jpg"><img src="/FileManager/Articles/mce/2013/11/29/ថថថ-29-11-2013--17-37-06.jpg" alt="" width="466" height="215" /></a></p>
<p> <br />២/ វិធីផ្លុំខ្យល់ និងសង្កត់ទ្រូង ៖</p>
<p>ចូរអង្គុយនៅក្បែរអ្នករងគ្រោះ ដាក់បាតដៃទាំងពីរ ត្រួតគ្នាទៅលើទ្រូង ត្រង់ចុងដង្ហើមរបស់ជនរង<br />គ្រោះ។ សង្កត់ដៃទៅលើទ្រូងជនរងគ្រោះ ហើយដកដៃចេញតិចៗ ធ្វើបែបនេះទៅតាមវដ្ដ ប្រហែល<br />ពី ១៤ ទៅ ១៥វិនាទីម្ដង ហើយ ចូរសង្កត់ទ្រូងប្រហែល ១៥ដង និងផ្លុំខ្យល់ ២ដង។ បន្ទាប់ពីធ្វើដូច<br />ខាងលើបាន ៤ដង អ្នកត្រូវពិនិត្យចង្វាក់បេះដូង និងដង្ហើមរបស់ជនរងគ្រោះ ម្ដង។<br /><br />៣/ កំដៅរាងកាយ ៖</p>
<p>នៅពេលបាននាំជនរងគ្រោះឡើងគោក ហើយជនរងគ្រោះនៅមានស្មារតី ឬដឹងខ្លួន ក្រោយពីបាន<br />ធ្វើចលនាសង្គ្រោះបន្ទាន់ អ្នកត្រូវប្ដូរសម្លៀកបំពាក់ឱ្យជនរងគ្រោះ និងប្រើកន្សែងក្រាស់ៗ ដណ្ដប់<br />កាយ រួចឱ្យផឹកទឹកតែ ឬកាហ្វេក្ដៅៗ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/12840/aliens-in-the-eyes-of-scientists"><span style="color: #3366ff;">មនុស្សភពក្រៅ និងការយល់ឃើញរបស់អ្នកវិទ្យាសាស្ដ្រ</span></a></span></p>
<p><span style="color: #3366ff;"><a href="/News/Detail/87509/8-things-you-never-knew-about-sperm"><span style="color: #3366ff;">មេជីវិតរបស់បុរស មានការប្រព្រឹត្តទៅ យ៉ាងដូចម្ដេច?</span></a></span></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/75839/red-face-may-reveal-drinking-dangers"><span style="color: #3366ff;">ហូបស្រាមុខឡើងក្រហម គួរតែប្រយ័ត្ន អំពីសម្ពាធឈាម</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ KH<br /><br /></p>