<p>គិលានុបដ្ឋាយិកាអាមេរិក ដើមកំណើត វៀតណាម នាង Nina Pham ដែលជាមនុស្សដំបូង ត្រូវ<br />ឆ្លងមេរោគ Ebola នៅលើទឹកដីអាមេរិក កាលពីម្សិលមិញ ឱ្យដឹងថា នាងមានសុខភាពល្អ។</p>
<p>ទំព័រ AFP ដកស្រង់សេចក្ដីប្រកាសរបស់ Nina Pham ឱ្យដឹងថា ៖ “ខ្ញុំនៅមានសុខភាពល្អ និងចង់<br /> សម្ដែងការអរគុណ ដល់អ្នកដែលបានបន់ សូមឱ្យនាងខ្ញុំឆាប់សះស្បើយ។ នាងខ្ញុំ មានសំណាង<br />ណាស់ ដែលបានទទួលការយកចិត្តទុកដាក់ពីគ្រួសារ និងមិត្តភ័ក្ដិ រួមនឹងក្រុមគ្រូពេទ្យល្អបំផុត<br />ក្នុងពិភពលោក មើលថែនាងខ្ញុំ នៅមន្ទីរពេទ្យ Presbyterian Dallas”។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolavn3-15-10-2014--15-30-09.jpg"><img src="/FileManager/Articles/mce/2014/10/15/ebolavn3-15-10-2014--15-30-09.jpg" alt="" /></a></p>
<p>នាង Nina Pham មានអាយុ ២៦ឆ្នាំ បានឆ្លងមេរោគ Ebola នៅពេលនាងថែទាំអ្នកជម្ងឺ Thomas<br /> Eric Duncan ជនជាតិ Liberia ដែលបានស្លាប់កាលពីសប្ដាហ៍មុន ដោយជម្ងឺឆ្លងដ៏កាចសាហាវ<br />នេះ។</p>
<p>Barclay Berdan អ្នកគ្រប់គ្រងមន្ទីរពេទ្យ Presbyterian Dallas ឱ្យដឹងថា ៖ “យើងខ្ញុំ កំពុងតែធ្វើ<br />ការ ដោយប្រឹងអស់ពីលទ្ធភាព ដើម្បីព្យាបាលជម្ងឺនេះ ឱ្យនាង។ ក្រុមគ្រូពេទ្យដែលបានចូលរួម <br />ជួយសង្គ្រោះនាង នៅតែមានសង្ឃឹមនៅឡើយ”។</p>
<p>មជ្ឈមណ្ឌលគ្រប់គ្រង និងការពារជម្ងឺឆ្លងអាមេរិក CDC យល់ថា នាង Nina Pham ដែលបានឆ្លង<br />ជម្ងឺនេះ គឺមកពីនាងបានរំលោភលើលក្ខខណ្ឌនៃការការពារចាំបាច់។ ប៉ុន្ដែ CDC មិនទាន់បានរក<br />ឃើញកំហុសឆ្គងណាមួយជាក់លាក់ ទាក់ទិននឹងការពាក់ និងដោះសម្លៀកបំពាក់ការពារ របស់<br />នាង Nina Pham នៅឡើយដែរ។</p>
<p>Dallas News ឱ្យដឹងថា Nina Pham បានទទួលឈាមរបស់វេជ្ជបណ្ឌិត Kent Brantly ជាអ្នកជម្ងឺ<br />ដំបូង ដែលបានយកឈ្នះទៅលើ Ebola នៅអាមេរិក។ ចំណែកមនុស្សម្នាក់ដែលបាននៅក្បែរ <br />Nina Pham ពេលនាងមានសញ្ញានៃជម្ងឺនេះ ក៏កំពុងត្រូវបានក្រុមគ្រូពេទ្យតាមដាន ប៉ុន្ដែ មកដល់<br />ពេលនេះ មនុស្សម្នាក់នេះ មិនទាន់មានសញ្ញានៃជម្ងឺ Ebola នៅឡើយ។ Kent Brantly និងកូន<br />សុនករបស់ Nina Pham ត្រូវបានគេនាំទៅកាន់កន្លែងសម្ងាត់មួយ ដើម្បីតាមដានរោគសញ្ញា។</p>
<p style="text-align: center;"><a class="thickbox" title="" href="/FileManager/Commons/2014/10/15/ebolavn2-15-10-2014--15-40-09.jpg"><img src="/FileManager/Articles/mce/2014/10/15/ebolavn2-15-10-2014--15-40-09.jpg" alt="" /></a></p>
<p style="text-align: center;">គិលានុបដ្ឋាយិកាអាមេរិក ដើមកំណើត វៀតណាម នាង Nina Pham<br /><br /></p>
<p>គួររំលឹកថា មហារោគអាសន្ន Ebola ឆ្នាំនេះ បានសម្លាប់មនុស្សជាង ៤.០០០នាក់ អ្នករងគ្រោះ<br />ភាគច្រើន នៅក្នុងប្រទេស Guinea, Sierra Leone និង Liberia ។ Ebola គឺជាប្រភេទវីរូសដ៏គ្រោះ<br />ថ្នាក់ ហើយអ្នកជម្ងឺ ពី ៥០ ទៅ ៨០% នឹងត្រូវស្លាប់ បន្ទាប់ពីបានឆ្លងជម្ងឺនេះ។ Ebola ត្រូវបានគេ<br />រកឃើញថា ឆ្លងតាមការប៉ះពាល់អ្នកជម្ងឺ ដោយមិនបានពាក់របស់ការពារ ហើយថ្មីៗនេះ ក្រុម<br />អ្នកជំនាញក៏បានឱ្យដឹងថា មេរោគនេះ ក៏អាចឆ្លងតាមខ្យល់បរិយាកាសផងដែរ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ vnexpress/ibt<br /><br /></p>