<p><span style="color: #000000;"><strong>(អេហ្ស៊ីប)៖</strong> វាស្ថិតនៅមិនឆ្ងាយ ពីអតីតរាជវាំងរបស់អតីតស្តេច ជាច្រើនជំនាន់ ក្នុងតំបន់ Luxor ប្រទេសអេហ្ស៊ីបនោះទេ ដោយរ៉ែមាស ដែលត្រូវបានលាក់កំបាំង អស់រាប់ពាន់ឆ្នាំមកនេះ ទំនងជាស្ថិតនៅពីក្រោមស្រទាប់ដី គ្របដោយ វាលខ្សាច់នៃតំបន់អាហ្វ្រិក ខាងជើងនោះហើយ។ នេះបើតាមការចេញផ្សាយមុននេះបន្តិច ដោយសារព័ត៌មាន CNN នារសៀលថ្ងៃពុធ ទី១៥ ខែមិថុនា ឆ្នាំ២០១៦។</span></p>
<p><span style="color: #000000;">កំណប់មាសខាងលើនេះ ត្រូវបានក្រុមអ្នកវិភាគ ទៅសម័យបុរាណជឿជាក់ថា ត្រូវបានលាក់ទុកតាំងពីសម័យ ចក្រភព រ៉ូមាំង និងអេហ្ស៊ីបុរាណទៅទៀត។ បច្ចុប្បន្ន រដ្ឋាភិបាលអេហ្ស៊ីប កំពុងតែកំណត់ទិសដៅថ្មី ក្នុងការរុករក គឺស្ថិតនៅ តំបន់វាលខ្សាច់ភាគខាងកើត ប្រទេសតែម្តង។ លោក Mark Campbell នាយកប្រតិបត្តិការ នៃក្រុមហ៊ុន Alexander Nubiia រុករករ៉ែអេហ្ស៊ីប បានឲ្យដឹងថា «យើងកំពុងសម្លឹងរកកន្លែង ដែលយើងធ្លាប់គិតថា មានរ៉ែមាសច្រើនកាលពីមុន។ យើងកំពុងតែស្វែងរកតំរុយ ដើម្បីជីករក ដោយប្រើប្រាស់បច្ចេកវិទ្យា ទំនើបចុងក្រោយ»។</span></p>
<p><span style="color: #000000;">គួរបញ្ជាក់ថា តាមការប៉ាន់ស្មាននោះ យ៉ាងហោចណាស់ ក៏មានកន្លែងបង្កប់រ៉ែមាសចំនួន ១២ទីតាំងដែរ នៅវាលខ្សាច់ ភាគខាងកើតប្រទេសតែឯង។ វាប្រាកដជារ៉ែមាស ដែលជួយឲ្យសេដ្ឋកិច្ចអេហ្ស៊ីប មានការរីកចំរើនយ៉ាងរហ័ស។ រដ្ឋាភិបាលអេហ្ស៊ីប បានរំពឹងថា វានឹងអាចឲ្យប្រាក់ចំណូល ក្នុងស្រុកសរុប GDP កើនឡើងរហូតដល់ ៥ភាគរយ បន្ថែមទៀត នារយៈពេល ១០ឆ្នាំខាងមុខ៕</span></p>
<p><span style="color: #000000;"><img src="http://www.sci-tech-today.com/images/super/larger-09-EGYPT-03.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>