<p><span style="color: #000000;"><strong>(ភ្នំពេញ)៖</strong> មន្ត្រីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា នៅឆ្នាំ២០១៧ខាងមុខនេះ រាជរដ្ឋាភិបាលកម្ពុជាគ្រោងនឹង អនុគ្រោះពន្ធ លើប្រាក់បៀវត្សរ៍សម្រាប់មន្ត្រីរាជការ គ្រូបង្រៀន កម្មករ និយោជិត ដែលទទួលបានប្រាក់បៀវត្សន៍ ១លានរៀល។</span></p>
<p><span style="color: #000000;">បានសេចក្តីថា មន្ត្រីរាជការ-និយោជិក ដែលមានប្រាក់បៀវត្សរ៍ត្រឹម១លានរៀលចុះ មិនត្រូវបានគិតពន្ធលើប្រាក់បៀវត្សរ៍ឡើយ ប៉ុន្តែអ្នកដែលមានប្រាក់បៀវត្សរ៍ លើសពី១លានរៀល នឹងត្រូវគិតពន្ធតាមធម្មតា។</span></p>
<p><span style="color: #000000;">អគ្គនាយកនៃអគ្គនាយកដ្ឋានពន្ធដា ក្រសួងសេដ្ឋកិច្ច និងហិរញ្ញវត្ថុ លោក គង់ វិបុល បានបញ្ជាក់ប្រាប់អង្គភាព Fresh News នៅថ្ងៃទី១១ ខែវិច្ឆិកា ឆ្នាំ២០១៦នេះ ក្នុងគោលដៅជួយលើកកម្ពស់ជីវភាព និងការរស់នៅរបស់មន្ត្រីរាជការ កម្មករ និយោជិត រាជរដ្ឋាភិបាលកម្ពុជា ក្រោមការដឹកនាំរបស់សម្តេចតេជោ បានគិតគូរយ៉ាងខ្លាំង ដោយនៅឆ្នាំ២០១៧ខាងមុខនេះ រាជរដ្ឋាភិបាលនឹងអនុគ្រោះពន្ធលើប្រាក់ បៀវត្សរ៍ សម្រាប់មន្ត្រីរាជការ កម្មករ-និយោជិត ដែលមានប្រាក់បៀវត្សរ៍១លានរៀល ឬប្រហាក់ហែលនឹង២៥០ដុល្លារ។</span></p>
<p><span style="color: #000000;">មន្ត្រីជាន់ខ្ពស់ក្រសួងសេដ្ឋកិច្ចរូបនេះ បានលើកឡើងថា ការអនុគ្រោះពន្ធលើប្រាក់បៀវត្សរ៍នេះ នឹងជួយរួមមចំណែកបានមួយកម្រិត ក្នុងការលើកស្ទួយ ជីវភាពមន្ត្រីរាជការ កម្មករ និយោជិត បន្ថែមលើសរាចរ ស្តីពី «ការអនុវត្តកាតព្វកិច្ចកាត់ទុកពន្ធ លើអត្ថប្រយោជន៍ បន្ថែម» សម្រាប់កម្មករនិយោជិត ទាំងអស់នៅក្នុងប្រទេសកម្ពុជា ដោយសារាចរនោះបញ្ជាក់ថា ប្រាក់ឧបត្ថម្ភមួយចំនួន ដែលកម្មករនិយោជិត ទទួលបានពីការបំពេញការងារ ត្រូវបានអនុគ្រោះដោយមិនគិតបញ្ជូល ក្នុងមូលដ្ឋានគិតពន្ធ លើប្រាក់បៀវត្សរ៍ និងមិនមែនជាកម្មវត្ថុនៃពន្ធ លើអត្ថប្រយោជន៍បន្ថែមនោះទេ។</span></p>
<p><span style="color: #000000;">សូមជម្រាបថា នៅបច្ចុប្បន្នកម្មករ និយោជិត មន្ត្រីរាជការ ដែលមានប្រាក់បៀវត្សរ៍ ចាប់ពី៨០ម៉ឺនរៀលឡើង នឹងត្រូវជាប់ពន្ធ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xft1/v/t1.0-9/14925468_1141624175886078_1191177258836128200_n.jpg?oh=a54d12d840fc072dc649a4f1864a5e07&oe=58D289D8&__gda__=1489035193_1d71b5d6f4012955728ee9cf5c02a9b2" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14908401_1141624002552762_7349758888009946455_n.jpg?oh=24aabe7ca12485eeab2cc78d35f98a30&oe=5898134E" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>