<p>ជ្រើសរើសសហស្ថាបនិកដែលមិនស៊ីខ្សែគ្នា ព្យាយាមបង្កើតនូវផលិតផលដែលបំពេញចិត្ត តាម<br />អតិថិជនទូទៅ ភ័យខ្លាចអំពីការប្រកួតប្រជែង និងយកមនោសញ្ចេតនាជាធំក្នុងការការងារជាដើម គឺបណ្ដាលឱ្យអ្នកដែលទើបតែចេញរកស៊ីថ្មី ត្រូវបរាជ័យយ៉ាងឆាប់រហ័ស។</p>
<p style="text-align: center;"><a class="thickbox" title="" href="/FileManager/Commons/2014/1/20/the-9-most-common-mistakes-of-first-time-entrepreneurs-20-01-2014--22-49-20.jpg"><img src="/FileManager/Articles/mce/2014/1/20/the-9-most-common-mistakes-of-first-time-entrepreneurs-20-01-2014--22-49-20.jpg" alt="" width="438" height="328" /></a></p>
<p><br />ការបង្កើតក្រុមហ៊ុនមួយថ្មី គឺមិនដែលជាការងារងាយស្រួល នេះក៏ជាមូលហេតុដែលអ្នករកស៊ីថ្មី<br />ថ្មោង ត្រូវជួបកំហុសឆ្គងជាបន្ដបន្ទាប់ ពិសេសគឺអ្នកដែលទើបចេញរកស៊ីដំបូង។ យោងតាមទំព័រ<br /> Business Insider ឱ្យដឹងថា អត្រានៃបរាជ័យរបស់ក្រុមអ្នកទើបចេញធ្វើជំនួញដំបូង គឺមានកម្រិត<br />ខ្ពស់ ប្រហែល ៥០-៧០% ក្នុងរយៈពេល ១៨ខែដំបូង។ ខាងក្រោមនេះ គឺជាកំហុសដែលក្រុមអ្នក<br />ជំនួញថ្មី ជួបប្រទះច្រើនបំផុត។<br /><br /><strong>១/ ជ្រើសរើសដៃគូខុស</strong><br /><br />ជ្រើសរើសសហស្ថាបនិក គឺជាកិច្ចការសំខាន់ដំបូងដែលអ្នកត្រូវតែធ្វើ នៅពេលចាប់ផ្ដើមបង្កើត<br />មុខជំនួញ។ ការសម្រេចចិត្តនេះនឹងមានឥទ្ធិពលដល់ភាគហ៊ុន និងការពេញចិត្តរបស់អ្នក នាពេល<br />អនាគត។ ដូច្នេះ ដើម្បីជ្រើសរើសដៃគូរកស៊ីល្អ អ្នកត្រូវតែពិចារណាឱ្យបានគ្រប់ជ្រុងជ្រោយ និង<br />ជ្រើសរើសយកមនុស្សដែលអាចជួយបំពេញចំណុចខ្វះខាតរបស់អ្នក។<br /><br /><strong>២/ មិនយល់អំពីជំនាញចាំបាច់ដើម្បីធ្វើជា CEO</strong></p>
<p>ជំនាញដើម្បីបង្កើតក្រុមហ៊ុនមួយ គឺខុសគ្នាទៅនឹងជំនាញអភិវឌ្ឍក្រុមហ៊ុន។ អ្នកត្រូវតែជាមនុស្សដែលមានគោលការណ៍ច្បាស់លាស់ ជំនាញ ការប្ដេជ្ញាខ្ពស់ ឡូហ្សិក ស្រឡាញ់ការងារ និងមាន<br />ចក្ខុវិស័យច្បាស់លាស់។ ក្រៅពីនេះ ពួក CEO ក៏ត្រូវតែយល់អំពីដំណើរការ នីតិវិធី គោលនយោ<br />បាយសម្រាប់បុគ្គលិក និងទំនាក់ទំនងជាមួយដៃគូជំនួញ។ល។<br /><br /><strong>៣/ ព្យាយាមបង្កើតផលិតផល សេវាកម្មទូទៅ</strong></p>
<p>Michal Ugor ជាអ្នកជំនួញម្នាក់នៅអាមេរិក និយាយថា ៖ “អ្នកព្យាយាមបំពេញចិត្តអ្នករាល់គ្នា ប៉ុន្ដែ<br />ចុងក្រោយ អ្នកមិនអាចបំពេញបំណងអ្នកណាទាំងអស់”។ ចូរផ្ដោតទៅលើផលិតផល សេវាកម្ម<br />របស់ខ្លួន ធ្វើឱ្យវាមានលក្ខណៈពិសេសដោយឡែក ហើយចូរកុំយកតម្រាបធ្វើតាមនូវអ្វីដែលមាន<br />រួចហើយ។<br /><br /><strong>៤/ ភ័យខ្លាចជ្រុល អំពីការប្រកួតប្រជែង</strong></p>
<p>មានឃ្លាមួយនិយាយថា ៖ “ប្រសិនអ្នកចេះតែសម្លឹងមើលទៅលើគូប្រជែង ផលិតផល សេវាកម្ម<br />របស់អ្នក ចុងក្រោយនឹងក្លាយជាទំនិញសល់របស់ពួកគេ”។ ដូច្នេះ ចូរពិនិត្យមើលផលិតផល<br />របស់ខ្លួន ឱ្យបានច្រើន ជាជាងយកចិត្តទុកដាក់តែលើមុខជំនួញរបស់អ្នកដទៃ។<br /><br /><strong>៥/ មិនយល់អំពីពាណិជ្ជកម្មគ្រប់ជ្រុងជ្រោយ</strong></p>
<p>អ្នកជំនួញគួរតែដឹងថា ពួកគេត្រូវតែយល់ដឹងអ្វីៗទាំងអស់។ ពួកគេមិនត្រឹមតែមានគំនិត និង<br />សមត្ថភាពដឹកនេះនោះទេ តែត្រូវតែមានចំណេះដឹងអំពីបច្ចេកវិទ្យា ពាណិជ្ជកម្ម ផលិតផល និង<br />ទីផ្សារផងដែរ។<br /><br /><strong>៦/ អស់ប្រាក់</strong></p>
<p>អ្នកជំនួញមួយចំនួន មិនបានដឹងថា ជារៀងរាល់វិនាទីកន្លងទៅ ពួកគេនឹងត្រូវបាត់បង់ប្រាក់បន្ដិច<br />ម្ដងៗ ដូចជាថ្លៃជួលផ្ទះ ប្រាក់ខែបុគ្គលិក ការចំណាយទៅលើផលិតកម្ម ឬថ្លៃទឹកភ្លើង។ល។ ប្រាក់នឹងចេញទៅជាបន្ដបន្ទាប់ ហើយប្រសិនមិនអាចយកវាមកវិញបាន អ្នកនឹងត្រូវអស់ប្រាក់ និងបរា<br />ជ័យ។<br />ចូរបង្កើតបញ្ជីចំណូលចំណាយត្រឹមត្រូវ និងតាមដានវាដើម្បីឱ្យដឹងថា ប្រាក់របស់អ្នកកំពុងទៅ<br />ណា។ ដំណាក់កាលដំបូង គឺត្រូវចំណាយទៅលើថ្លៃឃោសនាទាក់ទាញអតិថិជន។ <br /><br /><strong>៧/ មានមនោសញ្ចេតនាច្រើន ទៅលើការងារ</strong></p>
<p>ពិតហើយ អ្នកត្រូវចំណាយកម្លាំងចិត្ត កម្លាំងកាយ និងទឹកភ្នែកមកលើក្រុមហ៊ុនរបស់ខ្លួន ប៉ុន្ដែចូរកុំដាក់មនោសញ្ចេតនាច្រើនពេកទៅលើការងារ ពិសេសគឺនៅពេលអ្វីទាំងអស់ ក្លាយជាសញ្ញា<br />នៃបរាជ័យ។<br /><br />Rajesh Setty ដែលជាអ្នកជំនួញម្នាក់ ថ្លែងថា ៖ “នៅពេលអ្នកមានមនោសញ្ចេតនាទៅលើគំនិត<br />អ្វីមួយខ្លាំងពេក អ្នកនឹងមិនអាចមើលឃើញភាពពិត និងភាពទូលំទូលាយរបស់វា។ ក្រោយមក អ្នកនឹងមើលឃើញពិភពលោកតាមរយៈតែប៉ោងប៉ោងពណ៌ដែលអ្នកបានបង្កើតឡើង។ ជាងនេះ <br />អ្នកយល់ថា អ្នកដទៃមិនអាចយល់អំពីគំនិតរបស់ខ្លួន”។<br /><br /><strong>៨/ ជ្រើសរើសមនុស្សខុស</strong><br /><br />មនុស្សជាច្រើនដែលទើបបង្កើតក្រុមហ៊ុនថ្មី តែងចង់ជ្រើសរើសបុគ្គលិកឆ្នើម ថ្នាក់សឹកនាំពីក្រុម<br />ហ៊ុនធំ ដើម្បីជួយឱ្យក្រុមហ៊ុនរបស់ខ្លួន មានភាពលេចធ្លោមួយកម្រិត។ ប៉ុន្ដែ ពួកគេមិនបានដឹង<br />ថា អ្នកដឹកនាំក្រុមហ៊ុនធំៗ មិនចេះគ្រប់គ្រងដោយប្រើឥទ្ធិពលឯកជននោះទេ។ អ្នកដឹកនាំក្រុម<br />ហ៊ុនធំៗ តែងត្រួតពិនិត្យការងារ តាមថ្នាក់ តាមកម្រិត ប្រការនេះ មិនមានប្រយោជន៍ដល់ក្រុមហ៊ុនថ្មីដែលត្រូវការ ការសម្រេចចិត្តឆាប់រហ័ស។ <br /><br /><strong>៩/ មិនទទួលយកការរិះគន់របស់អតិថិជន</strong></p>
<p>ជំនួសឱ្យការសួរមិត្តភ័ក្ដិ ឬក្រុមអ្នករកស៊ីដូចគ្នា ជាដើម អំពីក្រុមហ៊ុនរបស់ខ្លួន អ្នកគួរតែទៅសួរ<br />ដល់ក្រុមអតិថិជន ដើម្បីទទួលបានចម្លើយពិតបំផុត។ ចូរប្រព្រឹត្តចំពោះអតិថិជន ឱ្យដូចទៅនឹងមិត្តជិតស្និទ្ធរបស់អ្នក។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/Contents/Edit/%20http:/camnews.com.kh/News/Detail/40317/make-defective-products-or-services-become-busines"><span style="color: #3366ff;">គំនិតរកស៊ី ឬផលិតផលមានកំហុស ជាប្រភពចំណូល ដ៏កាក់កប់</span></a></span></p>
<p><span style="color: #3366ff;"><a href="/News/Detail/89751/north-korea--regimes-luxury-ski-resort-opens-for-business"><span style="color: #3366ff;">កូរ៉េខាងជើង ៖ តំបន់ជិះស្គីទឹកកក ប្រណិតបំផុត បើកធ្វើអាជីវកម្ម តែមិនទាន់ស្វាគមន៍ ជនបរទេស</span></a></span></p>
<p><span style="color: #3366ff;"><a href="/News/Detail/35061/the-london-anti-cafe-where-everything-is-free-but-you-pay-5-cents-a-minute-just-to-be-there"><span style="color: #3366ff;">ហាងកាហ្វេមិនគិតថ្លៃអ្វីទាំងអស់ លើកលែងតែ កន្លែងអង្គុយ</span></a></span></p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ businessinsider<br /><br /></p>