<p><span style="color: #000000;">ព័ត៌មានអន្តរជាតិ ៖ រដ្ឋាភិបាល សហរដ្ឋអាមេរិក កំពុងតែបញ្ជាទិញ ទឹកធ្ងន់ ឬ Heavy Water ដល់ ទៅ ៣២ តោន ដែលធ្លាប់បានប្រើប្រាស់នៅឯ រ៉េអាក់ទ័រ នុយក្លេអ៊ែរ ក្នុងប្រទេស អ៊ីរ៉ង់ ។ នាយក ដ្ឋានរដ្ឋសហរដ្ឋអាមេរិក ឬ The US State Department ឲ្យដឹងថា កញ្ជប់ថវិការ ៨,៦លានដុល្លារ ដែលបានបញ្ជាទិញទឹកធ្ងន់នោះ នឹងជួយដល់ កិច្ចការងារ ប្រទេស អ៊ីរ៉ង់ ក្នុងការបំពេញកាតព្វកិច្ច របស់ខ្លួនឲ្យបានជោគជ័យ ស្របតាមកិច្ចព្រមព្រៀង នុយក្លេអ៊ែរ ដែលបានចុះហត្ថលេខា កាលពី ឆ្នាំ ២០១៥ កន្លងទៅនេះ។ </span></p>
<p><br /><a class="thickbox" title="" href="/FileManager/Commons/2016/4/23/94-23-04-2016--10-22-50.jpg"><img src="/FileManager/Articles/mce/2016/4/23/94-23-04-2016--10-22-50.jpg" alt="" /></a></p>
<p><span style="color: #000000;">មន្រ្តីផ្លូវការ គូសបញ្ជាក់ឲ្យដឹងថា ទឹកធ្ងន់ ក៏អាចប្រើប្រាស់បានដូចគ្នាដែរ ក្នុងការផលិត អាវុធភ្លូយ តូនីញ៉ូម (plutonium) ក៏ដូចជា លក់បន្ត សម្រាប់គោលបំណងណាមួយ ក្នុងការសិក្សាស្រាវជ្រាវ ។ គួរបញ្ជាក់ថា បរិបទនៃការបញ្ជាទិញទឹកធ្ងន់លើកនេះ នាំមកនូវការរិះគន់ ពីគណបក្ស សាធារណ រដ្ឋ ។ សេចក្តីរាយការណ៍ បញ្ជាក់ឲ្យដឹងថា ទឹកធ្ងន់ នឹងត្រូវយកទៅរក្សាទុកនៅមន្ទីរពិសោធន៍ថ្នាក់ ជាតិ Oak Ridge National Laboratory រដ្ឋ Tennessee មុន នឹង ធ្វើ ការលក់ចេញបន្ត ។ ស្ថិតនៅ ក្រោមកិច្ចព្រមព្រៀង នុយក្លេអ៊ែរ ប្រទេសអ៊ីរ៉ង់ ត្រូវបានអនុញ្ញាតឲ្យមានការប្រើប្រាស់ ទឹកធ្ងន់ នៅ រ៉េអាក់ទ័រនុយក្លេអ៊ែររបស់ខ្លួន ប៉ុន្តែ ត្រូវតែ លក់ចេញរាល់ការផ្គត់ផ្គង់លើសទាំង ទឹកធ្ងន់និង uranium ទៅកាន់ទីផ្សារអន្តរជាតិ ៕</span></p>
<p><span style="color: #000000;">* “ទឹកធ្ងន់”៖ជាពាក្យបកប្រែត្រង់ចេញពីភាសាអង់គ្លេស, Heavy=ធ្ងន់ Water=ទឹក។ វាត្រូវបាន ប្រើក្នុងន័យទូលាយ ដែលអ្នកវិទ្យាសាស្ត្រចង់និយាយសំដៅទៅលើសារធាតុ ឌឺធៀរីយើម អុកស៊ីត( deuterium oxide )ដែលមានរូបមន្តD2O ឬ 2H2O ។ គុណភាពរូបសាស្ត្រ និងគីមីសាស្ត្ររបស់វា គឺដូចគ្នាបន្តិចបន្តួច ដែរទៅ នឹងទឹកធម្មតារបស់យើង ដែលមានរូបមន្តH2O។ ទឹកធ្ងន់អាចត្រូវគេប្រើដើម្បីបង្កើតទ្រីធ្យម( Tritium ) ដែលជាប្រភពមូលដ្ឋានមួយសម្រាប់ បញ្ចោញថាមពលនៅក្នុងអាវុធឧណ្ហនុយក្លេអ៊ែរ (នុយក្លេអ៊ែរក្តៅ -Thermonuclear) ។</span></p>
<p><br /><a class="thickbox" title="" href="/FileManager/Commons/2016/4/23/94a-23-04-2016--10-25-57.jpg"><img src="/FileManager/Articles/mce/2016/4/23/94a-23-04-2016--10-25-57.jpg" alt="" /></a></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី /library.cen</span></p>