<p><strong>ភ្នំពេញៈ</strong> នៅរសៀលថ្ងៃទី២០ ខែកក្កដា ឆ្នាំ២០១៣ នេះតារាកំប្លែង មានឈ្មោះ បោះសំឡេង<br />ប្រចាំប្រទេសកម្ពុជា លោក ជួង ជី ហៅនាយ កុយ បានប្រាប់ LookingTODAY ឲ្យដឹងថាសំណុំ<br />រឿងគ្រោះថ្នាក់ចរាចរណ៍ នៅខេត្តព្រះសីហនុ ដែលរូបលោក ក៏ដូចជាអ្នកសិល្បៈជាជនរងគ្រោះ<br />ដទៃទៀត ទន្ទឹងរង់ចាំអស់រយៈពេលជាច្រើនខែមកនេះ ត្រូវបានតុលាការ ខេត្តព្រះសីហនុ បាន<br />កាត់សេចក្តីឲ្យរូបលោកផ្ទាល់ ក៏ដូចជា លោក សិរីមន្ត និងយាយ ណាង បានទទួលសំណងជំងឺ<br />ចិត្តសមរម្យ និងទទួលបានយុត្តិធម៌។</p>
<p>ថ្លែងប្រាប់ LookingTODAY តាមទូរស័ព្ទ នៅរសៀលនេះ លោក ជួង ជី បានប្រាប់ឲ្យដឹងថា<br /> តុលាការខេត្តព្រះសីហនុ បានបើកសវនាការ កាត់ក្តីសំណុំរឿង គ្រោះថ្នាក់ចរាចរណ៍ បណ្តាល<br />ឲ្យមនុស្សយ៉ាងហោចណាស់ ៤នាក់បានស្លាប់ បាត់បង់ជីវិត ព្រមទាំងកូនប្រុសលោក និងរថយន្ត <br />TUNTRA របស់តារាចម្រៀង ខេមរៈ សិរីមន្ត ត្រូវខូចខាតទាំងស្រុងពេលនេះ ដោយបានទទួល<br />យុត្តិធម៌ ខណៈតុលាការបានកាត់សេចក្តី ឲ្យខាងក្រុមហ៊ុន SK សងជំងឺចិត្តដល់គ្រួសារសព ម្នាក់ <br />២៣ ០០០ ដុល្លារ និង ៨៥ ០០០ ដុល្លារ ដល់ លោក សិរីមន្ត ចំពោះការខូចខាតរថយន្ត និងពេល<br />វេលាបំពេញភារកិច្ចផ្សេងៗ។</p>
<p>តារាកំប្លែងរូបនេះ បានប្រាប់ឲ្យដឹងបន្ថែមទៀតថា "ក្នុងនាមខ្ញុំជាគ្រួសារនៃសព ពិតជាអាចទទួល<br />យក ដែលតុលាការ បានរកយុត្តិធម៌ ដល់គ្រួសារទាំងអស់ ក្នុងហេតុការណ៍គ្រោះថ្នាក់ ដ៏គួរឲ្យ<br />រន្ធត់នេះ ហើយខ្ញុំនិយាយនេះ មិនមែនចង់យកជីវិតកូន ទៅលក់ដូរអីទេ គ្រាន់តែថា កូនខ្ញុំត្រូវ <br />ស្លាប់តែទទួលបានយុត្តិធម៌ " ។</p>
<p>លោក ជួង ជី ហៅនាយ កុយ បានប្រាប់ឲ្យដឹងបន្ថែមទៀតថា ចំពោះសំណងជំងឺចិត្តចំនួន <br />២៣០០០ដុល្លារនេះ លោកពុំទាន់ដឹងថា ទទួលបានថ្ងៃណានោះទេ ហើយតុលាការនឹងចេញ<br />សាលក្រមជាស្ថាពរ នៅពេលណានោះដែរ ។ តែសម្រាប់លោកសំណងជំងឺចិត្តនេះ បើយក<br />ទៅទូទាត់ថ្លៃធ្វើបុណ្យ គឺមិនសល់ច្រើនអីនោះទេ ព្រោះថាគ្រាន់តែបុណ្យសពកូនប្រុស គឺ<br />លោកបានចំណាយលុយជាង១ម៉ឺនដុល្លារ ក្នុងការរៀបចំបុណ្យឲ្យកូន ។</p>
<p>LookingTODAY បានទាក់ទងទៅ លោក ខេមរៈ ភារុណ ដើម្បីសាកសួរពីរឿងនេះបន្ថែម តែ<br />លោក បានឆ្លើយថា "ខ្ញុំមិនអាចនិយាយបានទេ អាចសួរទៅខាងមេធាវី របស់ប្អូនខ្ញុំជំនួសចុះ<br /> ព្រោះថាខ្ញុំ មិនសូវដឹងពីរឿងនេះលម្អិតប៉ុន្មានទេ ចង់បានព័ត៌មានច្បាស់ទាក់ទងទៅមេធាវីទៅ...!"។</p>
<p>ដោយឡែកនៅពេលដែល ខាង LookingTODAY ទាក់ទងទៅលោក មេធាវី ការពារក្ដីឲ្យ ខេមរៈ<br /> សិរីមន្ត ត្រូវបានខាងជំនួយ ការរបស់គាត់ លើកទូរស័ព្ទជំនួស ប៉ុន្តែជំនួយការនោះមិនហ៊ាន<br />និយាយអ្វីទាំងអស់ ដោយគ្រាន់តែបញ្ជាក់យ៉ាងខ្លីថា "ខ្ញុំមិនអាចនិយាយបានទេ ព្រោះថាខ្ញុំ ត្រឹម<br />តែជាជំនួយការ" រួចក៏ចុចផ្ដាច់ទូរស័ព្ទតែម្ដង។</p>
<p>ទោះបីជាយ៉ាងណា មហាជនបានចាត់ទុកថា នេះជាដំណឹងដ៏គួរឲ្យចាប់អារម្មណ៍មួយ សម្រាប់<br />ក្រុមគ្រសារនៃជនរងគ្រោះទាំងអស់ ដែលពួកគាត់ ខំទន្ទឹងរង់ចាំលទ្ធផលជាយូរមកហើយ ទំរាំ<br />ទទួលបានយុត្តិធម៌ នៅថ្ងៃនេះ ។ ប៉ុន្តែអ្វីដែលពួកគេ កំពុងតែរង់ចាំអ៊ុតមើលជាបន្តទៀតនោះ <br />គឺនៅត្រង់ថា ក្រោយតុលាការ ប្រកាសសាលក្រមកាត់សេចក្ដី ឲ្យខាងលោក ខេមរៈ សិរីមន្ត <br />ឈ្នះក្ដីហើយនោះ តើខាងក្រុមហ៊ុន SK ដែលជាអ្នកបង្កគ្រោះថ្នាក់ ព្រមទទួលយកសេចក្ដីសម្រេច<br />នេះ ឬមួយយ៉ាងណា? ខណៈដែលរហូតមកដល់ពេលនេះ សំណងមានតែនៅក្នុងក្រដាស ឯ<br />ចំនួនថវិកាពិតប្រាកដ នៅតែមិនទាន់បានធ្លាក់ដល់ដៃជនរងគ្រោះដដែល៕</p>
<p> </p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0715.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0716.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/July/id-065/PISETH-0717.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធដោយ ៖ ដើមអំពិល </p>