<p>យោងទៅលើតម្រូវការនៃមនុស្សមួយចំនួន ដែលត្រូវការបុរសវ័យកណ្ដាល ធ្វើជាមិត្ត ក្នុងរាល់កាលៈទេសៈ សេវាកម្ម “ឱ្យជួលអ្នកបម្រើវ័យកណ្ដាល” ត្រូវបានបង្កើតឡើង។<br /><br />ដោយមានគំនិតច្នៃប្រឌិតសម្បូរបែប ជប៉ុន ត្រូវបានគេមើលឃើញថា ជាប្រទេសដែលមានសេវាកម្មចម្លែកៗយ៉ាងច្រើន ទាក់ទិននឹងការឱ្យជួលមនុស្ស ធ្វើជាដៃគូប្រចាំថ្ងៃ។ ទន្ទឺមនឹងសេវាកម្មឱ្យជួលសង្សារ រហូតដល់សេវាកម្ម “គេងជាមួយប្រុសស្អាត” សម្រាប់នារីទាំងឡាយ ថ្មីៗនេះ សេវាកម្មឱ្យជួលបុរសវ័យកណ្ដាល ក៏ត្រូវបានបង្កើតឡើង នៅក្នុងប្រទេសនេះ។</p>
<p style="text-align: center;"><a class="thickbox" title="" href="/FileManager/Commons/2013/9/14/ossan-top-14-09-2013--17-03-48.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/14/ossan-top-14-09-2013--17-03-48.jpg" alt="" /></a><em>បុរសវ័យកណ្ដាលក៏អាចដើរផ្សារជាមួយអតិថិជនរបស់ខ្លួន</em></p>
<p>ជាធម្មតា អតិថិជនភាគច្រើន តែងត្រូវការបុគ្គលិកដែលស្លៀកពាក់ស្អាតបាត មានរូបរាងសង្ហារ និងនៅក្មេង ដើម្បីបម្រើសេវាកម្ម ប៉ុន្ដែ ក៏មានអ្នកខ្លះមិនចូលចិត្តបែបនេះ ដោយពួកគេចូលចិត្តបុគ្គលិកវ័យចំណាស់។ យោងទៅលើតម្រូវការនេះ ហាងកាហ្វេ Butler and maid បានបង្កើតសេវាកម្ម ឱ្យជួលបុគ្គលិកប្រុស វ័យកណ្ដាល ដែលហៅថា Ossan Rental ។<br /><br />សេវាកម្មចម្លែកនេះ ពិតជាជម្រើសដ៏ល្អសម្រាប់ស្ដ្រីដែលចង់មានមិត្ដម្នាក់ដែលមានភាពចាស់ទុំ និងត្រៀមខ្លួនជានិច្ចក្នុងការជួយកិច្ចការងារ ឬស្ដាប់ការសម្ដែងអារម្មណ៍ នៅពេលត្រូវការ។<br /><br />មិនចាំបាច់ទៅរកឯណាឆ្ងាយនោះទេ គ្រាន់តែទាក់ទងតាមរយៈ <span style="color: #0000ff;"><a title="ossan japanese" href="http://ameblo.jp/ossanrental/" target="_blank"><span style="color: #0000ff;">blog</span></a></span> ឬទំព័រ <span style="color: #0000ff;"><a title="ossan japanese" href="https://twitter.com/ossan_rental" target="_blank"><span style="color: #0000ff;">Twitter</span></a></span> របស់ក្រុមហ៊ុន អតិថិជន អាចនឹងស្វែងរកបានបុរសវ័យកណ្ដាលម្នាក់ សមស្របជាមួយខ្លួន ដោយចំណាយត្រឹមតែ ១,០០០យ៉េន/ម៉ោង (១០ដុល្លារអាមេរិក)។</p>
<p style="text-align: center;"><a class="thickbox" title="" href="/FileManager/Commons/2013/9/14/ossan02-14-09-2013--17-09-50.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/14/ossan02-14-09-2013--17-09-50.jpg" alt="" /></a><em>អតិថិជន អាចជ្រើសរើសលោក Takanobu Nishimoto វ័យ ៤៦ឆ្នាំ ជាសាស្ដ្រាចារ្យ នៅមហាវិទ្យាល័យឯកទេសផ្នែកម៉ូដែល</em></p>
<p>ក្រុមហ៊ុនខាងលើនេះ ត្រូវបានបង្កើតឡើងដោយបុរសវ័យកណ្ដាលពីររូប។ ស្ថាបនិករបស់ក្រុមហ៊ុននេះ បង្ហើបឱ្យដឹងថា អ្នកជួលសេវាកម្មនេះ នឹងទទួលបានផលប្រយោជន៍ច្រើន មានដូចជា ការលេងហ្គេមជាមួយគ្នា ធ្វើជាមិត្តល្អដើម្បីជជែកគ្នា ធ្វើកិច្ចការងារជំនួស ឬធ្វើជាអ្នករួមដំណើរឡើងផ្សារ។ល។<br /><br />ក្រុមហ៊ុននេះ ធ្វើសកម្មភាព ២៤ក្នុងមួយថ្ងៃ ដូច្នេះ អតិថិជនអាចជួលសេវាកម្ម ក៏ដូចជាមតិរិះគន់ មកក្រុមហ៊ុនគ្រប់ពេល។</p>
<p style="text-align: center;"><a class="thickbox" title="" href="/FileManager/Commons/2013/9/14/dsbb-14-09-2013--17-08-09.jpg"><img src="/FileManager/Articles/mce/2013/9/14/dsbb-14-09-2013--17-08-09.jpg" alt="" /></a><br /><em>ក្រៅពីសាស្ដ្រាចារ្យ អតិថិជន ក៏អាចជួលអតិតកីឡាករបាល់ Baseball និងជាអ្នកអ្នកអត្ថាធិប្បាយផ្នែកកីឡា ឈ្មោះ Mikio Sendou ទៀតផង</em></p>
<p>បើទោះជាសេវាកម្មឱ្យជួលបុរសវ័យកណ្ដាលនេះ នៅថ្មីថ្មោងក៏ដោយ ប៉ុន្ដែ ស្ថាបនិកក្រុមហ៊ុនមានការជឿជាក់ថា ក្នុងរយៈពេលដ៏ខ្លីខាងមុខ ក្រុមហ៊ុននឹងទទួលបានការគាំទ្រច្រើន ហើយនឹងមានទីផ្សារធំទូលាយ ទូទាំងប្រទេស។</p>
<p style="text-align: right;"><br />ដោយ ៖ តារា<br />ប្រភព ៖ rocketnews24<br /><br /></p>