<p><span style="color: #000000;">ពិតជាគួរឲ្យអាណិតដែរ សម្រាប់លោក Brad Pitt ដែលពេលនេះកំពុងតែសុំក្តីសណ្តោស ពីអតីតភរិយា Angelina Jolie ដោយស្នើសុំការអនុញ្ញាតដល់រូបលោក អាចមានពេលត្រឹមតែពីរបីម៉ោង ជាមួយកូនៗនៅថ្ងៃវិស្សមកាល។</span></p>
<p><span style="color: #000000;">ការទទូចសុំរបស់ Brad Pitt ត្រូវបានអ្នកគាំទ្រគិតថា តារាហូលីវូតរូបនេះ ប្រហែលជាចង់ឃើញមុខកូនៗនៅថ្ងៃបុណ្យគ្រីស្តម៉ាស ខាងមុខនេះហើយ ព្រមទាំងចង់ចំណាយពេល ជាមួយអតីតភរិយាទៀតផង។</span></p>
<p><span style="color: #000000;">ទោះបីយ៉ាងណាក្រុមរបស់ Pitt មិនចង់ឲ្យលោកធ្វើបែបនេះទេ ខណៈរឿងក្តីលែងលះកំពុងដំណើរការនៅឡើយ ប៉ុន្តែ Pitt មិនខ្វល់ឡើយ ព្រោះលោកពិតជាចង់ឃើញមុខកូនៗទាំងអស់ មានទាំង Maddox, Zahara, Pax, Shiloh ព្រមទាំងកូនភ្លោះទាំងពីរ គឺ Vivienne និង Knox តែ បើតាមសញ្ញាឲ្យដឹងគឺ Angelina មិន បើកភ្លើងខៀវឲ្យអតីតស្វាមីឡើយ។</span></p>
<p><span style="color: #000000;">ជាដំណឹងអវិជ្ជមាន Brad Pitt ហាក់ក្រៀមក្រំ ព្រោះក្រៅពីលោកមិនបានឃើញកូន នៅថ្ងៃកំណើតហើយនោះ ក៏គ្មានសង្ឃឹមថានឹង ជួបកូននៅថ្ងៃបុណ្យគ្រីស្តម៉ាសដែរ មើលទៅអតីតភរិយារង់ចាំតែរកឱកាសសងសឹករូបលោក ដើម្បីបានសិទ្ធិគ្រប់គ្រងកូនទាំងអស់ប៉ុណ្ណោះ ហាក់មិនខ្វល់នឹងការអង្វរក របស់ Pitt ទេ។</span></p>
<p><span style="color: #000000;"><a class="thickbox" title="" href="/FileManager/Commons/2016/12/23/16a-23-12-2016--09-16-06.jpg"><img src="/FileManager/Articles/mce/2016/12/23/16a-23-12-2016--09-16-06.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>