<p><span style="color: #000000;">ព័ត៌មានកីឡា៖ ថ្នាក់ដឹកនាំ Chelsea លោក Jose Mourihno បានបង្ហាញខ្លួនទាំងព្រឹក តែម្ដងក្នុងសន្និសិតការសែត ដោយធ្វើការរិះគន់ ថ្នាក់ដឹកនាំ ក្លឹប Arsenal គឺលោក Arsene Wenger ដោយឧទ្ទេសនាមឲ្យថា " កំពូលបុរសឥតព្រួយ" ។ </span></p>
<p><span style="color: #000000;">លោក Arsene Wenger គឺជាមុខសញ្ញា តែម្នាក់គត់ ដែលបំផ្ទុះកំដៅក្នុងបេះដូងរបស់លោក Jose Mourinho ដោយកោសរុស រហូត Chelsea បាត់បង់ខ្សែប្រយុទ្ធម្នាក់ចំនួន បីការប្រកួត គឺកីឡាករ Diego Costa ។ </span></p>
<p><span style="color: #000000;">Mourinho បានរិះគន់ក្ដែងៗដោយមិនបង្ហាញឈ្មោះចំថា " គាត់អាចនិយាយលើកឡើងអំពី អាជ្ញាកណ្ដាល អាចរុញមនុស្សឲ្យធ្លាក់ក្នុងអន្ទាក់ អាចយំយប់ទាំងព្រឹកទាំងថ្ងៃ ហើយបន្ទាប់មកទៀត គ្មានរឿងអ្វីកើតឡើងទាល់តែសោះ......មិនអាចជោគជ័យ ក៏កាត់នៅតែរក្សាតំណែងរបស់គាត់បាន ហើយក៏នៅតែជាកំពូលបុរស ដែលឯករាជ្យ គ្មានព្រួយអ្វីទាំងអស់ អាចនិយាយបានថា គឺជាកំពូលបុរសឥតព្រួយ" ។ </span></p>
<p><span style="color: #000000;">កាលគ្រាកន្លងមកលោក Jose Mourinho បានធ្លាប់ដាក់ រហ័សនាម ឲ្យលោក Arsene Wenger ម្ដងហើយថាជា កំពូលអ្នកបរាជ័យ ប្រចាំតំបន់ ។</span></p>
<p><span style="color: #000000;">លោក Mourinho បន្ដទៀតថា ម៉ាស្រុកមានមួយ កំពូលបុរសឥតព្រួយ នឹងមិនភ័យខ្លាច ចំណែកថ្នាក់ដឹកនាំគេដទៃ គឺមានការភ័យខ្លាចណាស់ ខ្លាចការបរាជ័យ ជាងអ្វីៗទាំងអស់។ ស្របពេលនោះ ផងដែរ មានសំណួរទៅកាន់គាត់ លោក Mourinho ឆ្លើយមួយម៉ាត់យ៉ាងខ្លីថា "អ្នកដឹងរួចហើយ ប្រសិនជាខ្ញុំឆ្លើយចំៗ ខ្ញុំនឹងត្រូវបានគេសង្ស័យបន្ដទៀតហើយ"។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/26/9-26-2015-10-08-38-am-26-09-2015--10-15-49.png"><span style="color: #000000;"><img src="/FileManager/Articles/mce/2015/9/26/9-26-2015-10-08-38-am-26-09-2015--10-15-49.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>
<p><span><br /></span></p>