<p>ទីភ្នាក់ងារអវកាសអាមេរិក (NASA) នឹងចាប់ផ្ដើមបេសកកម្មសិក្សាស្រាវជ្រាវកូនភព 16 Psyche<br /> ដែលមានផ្ទុកទៅដោយដែក និងនីកែល ដែលមានតម្លៃស្មើនឹង ១០ពាន់លានពាន់លានដុល្លារ<br />អាមេរិក នៅឆ្នាំ ២០២៤។</p>
<p><a class="thickbox" title="" href="/FileManager/Commons/2017/1/23/psyche-23-01-2017--09-05-51.jpg"><img src="/FileManager/Articles/mce/2017/1/23/psyche-23-01-2017--09-05-51.jpg" alt="" /></a></p>
<p>កូនភព 16 Psyche មានធាតុផ្សំស្ទើរតែទាំងអស់អំពីដែក និងនីកែល។ យោងតាមអ្នកវិទ្យាសាស្ដ្រ <br />Lindy Elkins-Tanton ដែលទទួលខុសត្រូវគម្រោងខាងលើ កូនភពនេះ មានតម្លៃ ១០ពាន់លាន<br />ពាន់លានដុល្លារអាមេរិក ដែលច្រើនជាង ១៣០.០០០ដង បើធៀបនឹងតម្លៃសេដ្ឋកិច្ចទូទាំងពិភព<br />លោក។</p>
<p>ក៏ប៉ុន្តែ បច្ចេកវិទ្យារបស់ NASA នៅពេលនេះ មិនអាចទាញយករ៉ែនៅលើកូនភពនេះបាននៅ<br />ឡើយ។ Carol Polanskey អ្នកវិទ្យាសាស្ដ្រដែលបម្រើការឱ្យគម្រោងខាងលើ ឱ្យដឹងថា “យើងខ្ញុំ<br />ចង់ស្វែងយល់អំពីការកកើតនៃកូនភពនេះ”។</p>
<p>ក្រុមអ្នកវិទ្យាសាស្ដ្រយល់ថា កូនភព 16 Psyche គឺជាស្នូលរបស់ភពមួយដែលមានទំហំស្មើនឹង<br />ភពព្រះអង្គារ។ ប៉ុន្តែ វាត្រូវបាត់បង់ស្រទាប់ខាងក្រៅ ដោយសារតែមានការបុកទង្គិចខ្លាំងជា<br />មួយអាចម៍ផ្កាយនានា កាលពីរាប់ពាន់លានឆ្នាំមុន។ គម្រោងរបស់ NASA នឹងជួយបកស្រាយ<br />អំពីសម្មតិកម្មនេះ។</p>
<p>Lyndi ថ្លែងថា “នេះគឺជាឱកាសដើម្បីស្វែងយល់អំពីកូនភពថ្មីមួយ ដែលមិនមែនភពថ្ម ឬទឹកកក។<br /> 16 Psyche គឺជាកូនភពលោហធាតុតែមួយគត់ដែលត្រូវបានគេដឹងនៅក្នុងប្រព័ន្ធព្រះអាទិត្យ”។</p>
<p>បេសកកម្មសិក្សាស្រាវជ្រាវ 16 Psyche គ្រោងនឹងត្រូវបានធ្វើឡើងចាប់ពីខែតុលា ឆ្នាំ ២០២៣ <br />ហើយនឹងទៅដល់កូនភពនេះ នៅឆ្នាំ ២០៣០៕</p>
<p style="text-align: right;">ប្រែសម្រួល ៖ តារា<br />ប្រភព ៖ dailygalaxy<br /><br /></p>