<p><span style="color: #000000;"><strong style="line-height: 1.8;">(សៀមរាប)៖</strong><span style="line-height: 1.8;"> ដោយភាពអណោចអាធ័មចំពោះឃាតកម្ម ដ៏ឃោរឃៅព្រៃផ្សៃទៅលើនារីម្នាក់ នៅខេត្តសៀមរាប ដោយសម្លាប់ ហើយកាត់ក្បាលយកទៅដុតចោលថែមទៀតនោះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានចូលរួមបុណ្យសពប្រមាណប្រមាណ ១.០០០ដុល្លារ និងចូលរួមរំលែកមរណទុក្ខ ជាមួយក្រុមគ្រួសារផងដែរ។ ដោយឡែក អ្នកតំណាងរាស្រ្តមណ្ឌលខេត្តសៀមរាប ឧកញ៉ា សៀង ណាំ ក៏បានចូលរួមបុណ្យសព ៦០០ដុល្លារ ព្រមទាំងចេញថ្លៃទិញក្តាម្ឈូស និងបច្ច័យប្រគេនព្រះសង្ឃផងដែរ។</span></span></p>
<p><span style="color: #000000;">ថវិកាចូលរួមបុណ្យសព ត្រូវបានឧកញ៉ា សៀង ណាំ យកទៅចូលបុណ្យដល់លំនៅឋាន របស់នារីរងគ្រោះ ស្ថិតនៅភូមិខ្នាត ឃុំខ្នាត ស្រុកពួក ខេត្តសៀមរាប នៅជិតវត្តខ្នាត និងផ្សារពួក ចម្ងាយប្រមាណ ២០០ម៉ែត្រពីផ្លូវជាតិលេខ៦ នៅព្រលប់ថ្ងៃទី១៣ ខែកុម្ភៈ ឆ្នាំ២០១៦នេះ។</span></p>
<p><span style="color: #000000;">សូមបញ្ជាក់ថា នៅព្រឹកព្រលឹមថ្ងៃនេះ មានការភ្ញាក់ផ្អើលយ៉ាងខ្លាំង បន្ទាប់ពីនារីម្នាក់ ត្រូវបានឃាតកធ្វើឃាតកម្មយ៉ាងសាហាវព្រៃផ្សៃ ដោយបានល្បួងនារីរងគ្រោះ ចូលផ្ទះសំណាក់មួយកន្លែង ក្នុងក្រុងសៀមរាប ហើយសម្លាប់ និង កាត់ក្បាលយកទៅបាត់។ ក្រោយពីបានទទួលព័ត៌មាន ដ៏សែនរន្ធត់នេះ កម្លាំងសមត្ថកិច្ចបានប្រឹងប្រែងយ៉ាងសស្រាក់សស្រាំ រហូតឈានដល់ការឃាត់ខ្លួនជនសង្ស័យ ជាឃាតកបានហើយ នៅល្ងាចថ្ងៃដដែលនេះ។</span></p>
<p><span style="color: #000000;">នារីរងគ្រោះមានឈ្មោះ ឡេន សិលា អាយុ២៤ឆ្នាំ បម្រើការនៅភូមិវប្បធម៌ មានទីលំនៅក្នុងភូមិបឹងខ្នាត ឃុំខ្នាត ស្រុកពួក ខេត្តសៀមរាប។ ជនសង្ស័យមានឈ្មោះ ចាន់ ឆាយយ៉ា ហៅ សំ ភារ៉ាត់ អាយុ៤០ ស្រុកកំណើត នៅខេត្តបាត់ដំបង។</span></p>
<p><span style="color: #000000;">លោក ឃឹម ប៊ុនសុង អភិបាលខេត្តសៀមរាប បានថ្លែងប្រាប់អង្គភាព Fresh News ថា ឃាតកម្ម បានផ្តើមចេញពីរឿងបុរសជាឃាតក ចូលស្តីដណ្តឹងនារីរងគ្រោះមិនបាន ហើយខឹង ក៏រៀបគម្រោងសម្លាប់រូបនាងចោលតែម្តង។</span></p>
<p><span style="color: #000000;">លោក អ៊ូ សុផល នាយរងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានប្រាប់ Fresh News ឲ្យដឹងផងដែរថា ជនសង្ស័យមានប្រពន្ធ និងកូន៣-៤នាក់ទៅហើយ។ មិនតែប៉ុណ្ណោះបច្ចុប្បន្ន គេកំពុងមានបញ្ហាជាមួយប្រពន្ធដើម និង កំពុងលែងលះគ្នាផងដែរ តែមិនទាន់ដាច់ស្រេចនៅឡើយ។</span></p>
<p><span style="color: #000000;">បើតាមលោកអភិបាលខេត្តសៀមរាប ឃាតកធ្វើសកម្មភាពសម្លាប់នារីរងគ្រោះ មានគ្នាពីរនាក់ ចាប់ខ្លួនបានទាំងអស់ហើយ។ មកដល់យប់នេះ ជនសង្ស័យត្រូវបានសមត្ថកិច្ចឃុំខ្លួនបណ្តោះអាសន្ន នៅស្នងការដ្ឋានរង់ចាំការសួរបន្ថែម នៅថ្ងៃស្អែក មុននឹងកសាងសំណុំរឿង បញ្ជូនទៅតុលាការវិនិច្ឆ័យទោស៕</span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xlt1/v/t1.0-9/12728776_1557826444531721_317446479648272220_n.jpg?oh=03594a97d815b443673312c1234ced27&oe=57285D56" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpf1/v/t1.0-9/12733567_1557826441198388_9113220312256174316_n.jpg?oh=946f2dd72c327b37d818852142bfb56f&oe=572BAF7A" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfa1/v/t1.0-9/12745917_1557826447865054_8627187612007350622_n.jpg?oh=426126c104741d902fd905b6c977dab2&oe=5770F9B7" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xft1/v/t1.0-9/12717452_1557826487865050_1551803070108126548_n.jpg?oh=2b61508727689961ca08ba64db3cd12b&oe=57321443" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfp1/v/t1.0-9/12715599_1557826521198380_2266026536222833814_n.jpg?oh=90b2ebe491f25e4842670636b1865902&oe=572AAC36" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpf1/v/t1.0-9/12728857_1557826534531712_5259799122225828797_n.jpg?oh=dd78cb70ba5bb39abb111aacbbef7689&oe=5760A94C" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpl1/v/t1.0-9/12729243_1557826574531708_4094986137938192288_n.jpg?oh=4015acda9e73d07949d5ac5c07736d97&oe=572C7ED7" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpa1/v/t1.0-9/12715420_1557826591198373_162301659317122875_n.jpg?oh=812fcbfbd62477f56bc6ba536b6c712b&oe=576C8096" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfl1/v/t1.0-9/12743790_1557826597865039_8312916698002375165_n.jpg?oh=c9290c6fd89e586ade8555c17a3d35b6&oe=576089C1" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xlp1/v/t1.0-9/12733976_1557826657865033_8458260661865249694_n.jpg?oh=74d8c7975faf76aa9e0b96dc11a056a2&oe=5726643F" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpt1/v/t1.0-9/12717719_1557826701198362_4171077138281179440_n.jpg?oh=8ac0fa1ebd66b91834afaaad081a8436&oe=57291DF8" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xtl1/v/t1.0-9/12729256_1557826704531695_1711799239931083165_n.jpg?oh=91cc487cbcb31e830eeb456209d98dab&oe=57332AA6" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>