<div class="article-content">
<p><strong>ភ្នំពេញ</strong> ៖ បុរស ២ នាក់ ម្នាក់ជាជនជាតិជប៉ុន បានស្លាប់បាត់បង់ជីវិត យ៉ាងអាណោចអាធ័ម នៅក្នុង<br />ថ្លុកឈាម ចំណែកម្នាក់ទៀតជាជនជាតិខ្មែរស្លាប់ពេល បញ្ជូនទៅដល់មន្ទីរពេទ្យ ខណៈដែលពួកគេ<br />បានជិះម៉ូតូ ២គ្រឿងក្នុងល្បឿន លឿនដូច គ្នាហើយជ្រុលបុកគ្នា យ៉ាងពេញទំហឹងនៅចំណុច ទល់<br />មុខរោងកុនលុច្ស ស្ថិតតាមបណ្តោយ មហាវិថីព្រះនរោត្តមកែងផ្លូវ លេខ១៥៤ ក្នុងសង្កាត់ផ្សារថ្មីទី៣<br /> ខណ្ឌដូនពេញ កាលពីវេលាម៉ោង២ និង៤០ នាទីយប់ រំលងអាធ្រាត្រ ឈានចូលថ្ងៃទី ០៦ ខែសីហា<br /> ឆ្នាំ ២០១៣។</p>
<p>ប្រភពដដែលបានបន្តថា នៅមុនពេលកើតហេតុបុរសជនជាតិជប៉ុន ម្នាក់បានជិះម៉ូតូមួយគ្រឿងម៉ាក<br /> EAGLE ពណ៌ខ្មៅពាក់ស្លាកលេខភ្នំពេញ 1BW-2478 ធ្វើដំណើរចេញពីផឹកស៊ីតាមបណ្តោយផ្លូវលេខ<br /> ១៥៤ក្នុងទិសដៅពីកើតទៅលិចដោយបានជិះយ៉ាងលឿន ខណៈជិះដល់ចំណុចកែងផ្លូវព្រះនរោត្តម<br /> បុរសជាជនជាតិជប៉ុន បានទាញចង្កូតម៉ូតូ បត់ខាង ឆ្វេងដៃចូល តាមផ្លូវព្រះនរោត្តម ក្នុងទិស ដៅពី<br />ជើងទៅត្បូង ខណៈស្របពេលដែលបុរសជាជនជាតិខ្មែរម្នាក់ កំពុងជិះ ម៉ូតូឃ្លីក ពណ៌ខ្មៅ ពាក់ស្លាក<br />លេខភ្នំពេញ 1Y-1614 តាមបណ្តោយមហាវិថីព្រះនរោត្តម ក្នុងទិសដៅពីត្បូងទៅជើង ជ្រុលទៅ បុក<br />គ្នាជាមួយ ម៉ូតូរបស់ជនជាតិជប៉ុន ដែលកំពុងជិះបញ្រ្ចាសទិសគ្នា យ៉ាងពេញទំហឹងលាន់ដូចរន្ទះ <br />បណ្តាលឲ្យបុរស ជាជន ជាតិជប៉ុន ដួលបោកក្បាលបែក និងបាក់ក ស្លាប់យ៉ាងអាណោចអាធ័មនៅ<br />ក្នុងថ្លុកឈាមគរពីលើម៉ូតូ ចំណែកជនជាតិខ្មែរដែលរថយន្តសាមុយមកដឹកយកទៅសង្គ្រោះនៅមន្ទីរ<br />ពេទ្យនោះ គឺត្រូវស្លាប់បាត់បង់ជីវិតពេលទៅដល់មន្ទីរពេទ្យផងដែរ ចំណែកឯម៉ូតូទាំង ២គ្រឿង ត្រូវ<br />ការខូចខាតទាំងស្រុងតែម្តង ។</p>
<p>សមត្ថកិច្ចនៅមិនទាន់អត្តសញ្ញាណ បុរសទាំង ២នាក់ដែលស្លាប់ ក្នុងហេតុការណ៍ខាងលើនេះនៅ<br />ឡើយ ទេ ហើយសមត្ថកិច្ច បាន បញ្ជក់ថា ក្រោយកើតហេតុសាកសពជនជាតិជប៉ុនត្រូវបានប្រគល់<br />ឲ្យក្រុមសាច់ញាតិ របស់គេយកទៅធ្វើបុណ្យ តាមប្រពៃណី ចំណែកសាកសពបុរសជនជាតិខ្មែរ ត្រូវ<br />តម្កល់មន្ទីរពេទ្យកាល់ម៉ែតរង់ចាំ ទំនាក់ទំនងទៅក្រុម គ្រួសារឲ្យ មកទទួលយកទៅធ្វើបុណ្យ ។</p>
<p>ដោយឡែកម៉ូតូទាំង ២គ្រឿង ត្រូវបានសមត្ថកិច្ច ជំនាញចុះមកវាស់វែង អូសយកទៅរក្សាទុកនៅ<br />ការិយាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមផ្លូវច្បាប់។ គ្រោះថ្នាក់នេះបង្ក<br />ឡើង ដោយសារភាគីទាំង ២ បើកបរម៉ូតូក្នុងល្បឿនលឿនដូចគ្នា ជាពិសេសដល់ចំណុចផ្លូវកែង ពួក<br />គេមិនចេះយោគយល់ អធ្យាស្រ័យគ្នា ទើបបង្កឲ្យមានគ្រោះថ្នាក់ រហូតធ្វើឲ្យបាត់បង់ជីវិត ក្នុងមួយ<br />ពព្រិចភ្នែកបែបនេះ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0127.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0128.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0129.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-011/Hong-0130.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-011/Hong-0131.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>