<p>រមណីយដ្ឋានសេកសកបានកើតឡើង តាំងពីយូរលង់មកហើយប៉ុន្តែមិនមាន ការអភិវឌ្ឍឲ្យ<br />ក្លាយជាកន្លែង ទេសចរណ៍ សម្រាប់ទាក់ទាញភ្ញៀវមក កម្សាន្តនៅឡើយទើបតែក្នុងពេល<br /> ថ្មីៗនេះមានការកែប្រែមុខមាត់ជាថ្មី ក្រោមការអភិវឌ្ឍរបស់មន្ទីរទេសចរណ៍ខេត្តបាត់ដំបង។</p>
<p>រមណីយដ្ឋានសេកសកមានទីតាំងស្ថិតនៅក្នុងឃុំត្រែ ស្រុករតនមណ្ឌល មានចម្ងាយ ៥០<br /> គីឡូម៉ែត្រពីក្រុងបាត់ដំបង តាមផ្លូវជាតិលេខ ៥៧ បត់ឆ្វេងតាមផ្លូវទៅស្រុក សំឡូត។</p>
<p><a class="thickbox" title="" href="/FileManager/Commons/2012/10/19/taprum557800804-19-10-2012--16-27-41.jpg"><img src="/FileManager/Articles/mce/2012/10/19/taprum557800804-19-10-2012--16-27-41.jpg" alt="" width="439" height="292" /></a></p>
<p>រមណីយដ្ឋានសេកសក បានរំលេចខ្លួនឡើង លើផ្ទៃដីរាប់ហិកតារដ៏ធំល្វឹងល្វើយនាតំបន់<br />មាត់ស្ទឹងសង្កែ។ ក្រៅពីទិដ្ឋភាពធម្មជាតិ នៃទឹកស្ទឹងហូរបត់បែនមកប៉ះផ្ទាំងថ្មដា ក៏នៅមាន<br />ទេសភាពប្លែកៗជាច្រើនទៀតសម្រាប់កម្សាន្តផងដែរ។ មានបង់សំរាប់ភ្ញៀវទេសចរអង្គុយ<br />លេង ស្រះទឹកដ៏ថា្លសំរាប់ងូតទឹកលេងរូបចម្លាក់សិប្បនិមិត្តជាដើម។ នៅនៅចុងខាងជើង<br />នៃសួនឯណោះវិញ គេសង់រោង “ឡានបុកគ្នា” និងរោងសំរាប់រាំកំសាន្តផងដែរ។</p>
<p>អ្នកទៅលេងសេកសក ក៏អាចចូលលេងរមណីយដ្ឋានពពុះពេជ្រចិន្តា ដងទង់ និងរមណីយ<br />ដ្ឋានបុរេប្រវត្តិ ល្អាងស្ពាន ដែលស្ថិតនៅចម្ងាយ ៥ ទៅ ៦ គីឡូម៉ែត្រពីសេកសក៕</p>
<p style="text-align: right;">ដោយ៖ រិនដូ</p>
<p style="text-align: right;">ប្រភព៖ chanbokeo</p>