<p><span style="color: #000000;"><strong>(ព្រះសីហនុ)៖</strong> ស្នងការនគរបាលខេត្តព្រះសីហនុ លោកឧត្តមសេនីយ៍ ជូន ណារិន្ទ បានបញ្ជាក់មុននេះថា ក្មេងស្រីដែលត្រូវជនបរទេស ចាប់ជំរិតដាក់តាមរថយន្តនោះ បានរកឃើញហើយ នៅចំណុចអូរត្រាវ ស្រុកព្រៃនប់ នៅល្ងាចថ្ងៃទី៩ ខែកុម្ភ: ឆ្នាំ២០១៦នេះ ក្រោយពីកម្លាំងសមត្ថកិច្ច បានបើកប្រតិបត្តិការ កាក់តាមផ្លូវមកនោះ។</span></p>
<p><span style="color: #000000;">លោកឧត្តមសេនីយ៍ស្នងការ បានបញ្ជាក់ថា <strong>«ក្មេងស្រីនោះយើងរកឃើញវិញហើយ បន្ទាប់ពី ជនល្មើសមិនអាចរត់គេចចេញពី ខេត្តព្រះសីហនុ ដោយកំលាំងយើងបើកការហ៊ុព័ទ្ធ ហើយកាក់ត្រួតពីនិត្យគ្រប់រថយន្ត សង្ស័យធ្វើឲ្យពួកវាទំលាក់ក្មេងចោលនៅអូរត្រាវ»</strong>។</span></p>
<p><span style="color: #000000;">ជាមួយគ្នានេះ លោកឧត្តមសេនីយ៍ស្នងការ ក៏បានធ្វើការអភ័យទោសចំពោះការរំខានក្នុងការកាក់រថយន្តត្រួតពិនិត្យ តាមដងផ្លូវ ពីសំណាក់ក្រុមភ្ញៀវជាតិ និងអន្តរជាតិដែលឆ្លងកាត់។</span></p>
<p><span style="color: #000000;">សូមបញ្ជាក់ថា មានការភ្ញាក់ផ្អើមមួយបានកើតឡើង ស្ថិតនៅចំណុចផ្លូវកែង មណ្ឌលកុមារកំព្រាអរុណរះ ក្នងភូមិស្មាច់ដែង ឃំុរាម ស្រុកព្រៃនប់ ខេត្តព្រះសីហនុ នៅវេលាម៉ោងប្រមាណ១១:៤៥នាទី ព្រឹកថ្ងៃទី៩ ខែកុម្ភ: ឆ្នាំ២០១៦នេះ ដោយសារក្មេងស្រីសិស្សសាលាម្នាក់អាយុ៩ឆ្នាំ ត្រូវបានជនបរទេសមួយក្រុម ចាប់ជំរិតដឹកតាមរថយន្តយកទៅបាត់ដោយមិនទាន់ដឹងមូលហេតុនៅឡើយ។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានប្រាប់អង្គភាព Fresh News ថា <strong>«ព័ត៌មានខាងលើយើងទើបតែទទួលបាននៅវេលាម៉ោងប្រមាណ២:០៥នាទីរសៀលថ្ងៃនេះ ហើយខ្ញុំបានបញ្ជាឲ្យកម្លាំងនគរបាលជំនាញ សហការជាមួយនគរបាលមូលដ្ឋាន ចុះទៅជួយអន្តរាគមន៍ភ្លាមៗ និងដេញស្ទាក់តាមគោលដៅ នានាយ៉ាងយកចិត្តទុកដាក់ ដើម្បីតាមចាប់ជនបរទេសទាំងនោះ»</strong>។</span></p>
<p><span style="color: #000000;">បើតាមលោកឧត្តមសេនីយ៍ស្នងការ បានបញ្ជាក់ព័ត័មានជាជំហានដំបូង នៅវេលាម៉ោងកើតហេតុនោះ មានរថយន្ត១គ្រឿង ម៉ាកLexus 470 ពណ៌ស មិនចាំផ្លាកលេខបេីកបរដោយជនបរទេស បានបេីកក្រវិលចុះឡេីង ហេីយឈប់នៅក្បែរក្មេងៗ៣នាក់ ដែលដេីរចេញពីសាលារៀន ។</span></p>
<p><span style="color: #000000;">ជនបរទេសនោះបាន ហុចសៀវភៅតុក្តាឲ្យមេីល រួចចុះពីរថយន្តចាប់ក្មេងស្រីម្នាក់ឈ្មោះ ហេង ស្រីកា អាយុ៩ឆ្នាំ ដាក់ក្នុងរថយន្តធ្វេីដំណេីរទៅតាមផ្លូវជាតិ៤ មិនដឹងទៅទីណា ។ ក្មេងស្រីរងគ្រោះមានឈ្មោះ ហេង ស្រីកា មានទីលំនៅភូមិស្មាច់ដែង ឃំុរាម ស្រុកព្រៃនប់៕</span></p>
<p><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfp1/v/t1.0-9/12717442_1556051831375849_6590676740259436469_n.jpg?oh=88d5119e1203fdb83783c39054ef0e81&oe=5766E781" alt="" width="730" /></span></p>
<p><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpa1/v/t1.0-9/12715200_1556051828042516_2647873309693684626_n.jpg?oh=e0ae586b47897545ef5858c54770fd70&oe=5769A479" alt="" width="730" /></span></p>
<p><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfa1/v/t1.0-0/p296x100/12662641_1556003924713973_3998965760252937946_n.jpg?oh=6165cc9b5bc72a3d1ea4688cd62362a4&oe=5735C9BE" alt="" width="730" /></span></p>
<p><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfp1/v/t1.0-9/12688234_1556007788046920_3952834222460977516_n.jpg?oh=ef096988d6b7985a39dc73ee7ac22802&oe=576A37BD" alt="" width="730" /></span></p>
<p><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfa1/v/t1.0-9/12650961_1556007804713585_2882348990997374229_n.jpg?oh=9d4441b873903cc8189307f2fb3f6bf8&oe=5738120A" alt="" width="730" /></span></p>
<p> </p>
<div id="news_detail" class="postcontainer">
<div>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>
</div>
<div class="detail_bottom_function">
<div class="facebook_like"></div>
</div>