<div class="article-content">
<p><strong>ក្រចេះ៖</strong> ក្នុងឱកាសបុណ្យចូលឆ្នាំថ្មី ឆ្នាំម្សាញ់ បុណ្យជួបជុំដ៏សប្បាយរីករាយ ដែលចូលមកដល់<br />នាវេលាម៉ោង ២ និង១៤នាទីរំលងអាធ្រាត្រឈានចូលថ្ងៃ៤ កើត ខែចេត្រ ត្រូវនឹងថ្ងៃទី១៤ ខែ<br />មេសា ឆ្នាំ២០១៣ បងប្អូនប្រជាពល រដ្ឋខ្មែរអាចទៅត្រាំទឹក ក្រោមជំនោរខ្យល់ដ៏សែនត្រជាក់ មិន<br />តែប៉ុណ្ណោះមានផ្តល់ការម៉ាស្សា បែបធម្មជាតិដោយ សត្វត្រីនៅក្នុងដងទន្លេមេគង្គទៀតផង។</p>
<p>លោក សយ សុភាព អគ្គនាយកមជ្ឈមណ្ឌលព័ត៌មានដើមអម្ពិល ដែលបានទៅលេងកម្សាន្តនៅ<br />រមណីយដ្ឋានធម្ម ជាតិ ជាមួយក្រុមគ្រួសារនាថ្ងៃទី១៣ ខែមេសា ឆ្នាំ២០១៣នេះ បានឲ្យដឹងថា<br /> ខណៈដែលរូបលោកកំពុងអង្គុយ ត្រាំទឹកលេងកម្សាន្តនោះ មានត្រីជាច្រើនបានហែលមកជញ្ជក់<br /> និងបៀបជើងមានអារម្មណ៍ថាស្រួលខ្លួន និងប្រកប ដោយផាសុខភាព។</p>
<p>លោកបន្តថា បើនិយាយរឿងម៉ាស្សាបាតជើងដោយសត្វត្រី ធ្លាប់តែមាននៅឯខេត្តសៀមរាប ដោយ<br />ចំណាយ២ ដុល្លារក្នុងមួយម៉ោង ដោយឡែកនៅទឹកជួរព្រែកកាំពី មានត្រីធម្មជាតិក្នុងដងទន្លេមេគង្គ<br />ហែលមកម៉ាស្សាឲ្យដោយមិន ចំណាយថវិកានោះទេ។</p>
<p>លោក សយ សុភាព បានបន្តថា ខណៈដែលបុណ្យចូលឆ្នាំមិនទាន់មកដល់ផងនោះ មានបងប្អូន<br />ប្រជាពលរដ្ឋខ្មែរ និង ភ្ញៀវទេសចរបរទេសជាច្រើន បានធ្វើដំណើរទៅអង្គុយត្រាំទឹកកម្សាន្ត និងគយ<br />គន់ទឹកហូរ ជំនោរខ្យល់ និងដែន កោះ ដ៏ល្អប្រណីតមួយនេះជាបណ្តើរៗហើយ។</p>
<p>លោកសយ សុភាព បានសរសើរបង្កប់ដោយន័យរិះគន់ថា «នៅតំបន់ទេសចរណ៍អ្វីៗក៏ធម្មជាតិដែរ<br /> សូម្បីតែផ្លូវ ចុះទៅលេងទឹកក៏ដីដែរ បើសិនជាមានភ្លៀង ឬទឹកវិញ អាចរអិល និងពិបាកធ្វើដំណើរជា<br />មិនខាន»។</p>
<p>ត្រង់ចំណុចនេះ លោក សយ សុភាព ចង់ឲ្យអាជ្ញាធរខេត្តក្រចេះ គួរគិតពីបញ្ហាផ្លូវធ្វើដំណើរឡើងចុះ <br /> នៅតំបន់រមណី យដ្ឋានមួយនេះ គួរធ្វើយ៉ាងណា ធ្វើឲ្យបានកាន់តែប្រសើរថែមទៀត ដើម្បីសម្រួល<br />ដល់ភ្ញៀវទេសចរ ខណៈដែល ទទួលបានការចាប់អារម្មណ៍ខ្លាំងនោះ។</p>
<p>ជាមួយគ្នានេះ បរិស្ថានវិញ ក៏ត្រូវបានលោក សយ សុភាព បញ្ជាក់ថា ហាក់ដូចជាមិនទាន់មានមន្រ្តី<br />បរិស្ថានចុះមករៀបចំ ក៏ដូចជាដាក់ធុងសំរាមឲ្យបានច្រើន ដើម្បីបំពេញតម្រូវការរបស់អ្នកទៅកម្សាន្ត<br />នោះទេ ដែលជាហេតុងាយ នឹងបង្កភាពកខ្វក់នៅតំបន់នេះ ពេលភ្ញៀវសម្រុកទៅលេងច្រើននោះ។ <br />ដោយឡែកបង្គន់អនាម័យវិញ ដូចជាមាន តែមួយប៉ុណ្ណោះ ប្រហែលជាមិនបំពេញតម្រូវការអ្នកទៅ<br />កម្សាន្តបានទេ។</p>
<p>ទឹកជួរព្រែកកាំពី ជាតំបន់ទេសចរណ៍ធម្មជាតិ ដ៏ទាក់ទាញស្ថិតក្នុងដងទន្លេមេគង្គ ដែលមានទឹកហូរ<br />ថ្លាយុងសែន ត្រជាក់ លាយឡំជាមួយដើមរៃពណ៌ខៀវស្រងាត់ អមដោយប្រជុំកោះតូចធំជាច្រើនគួរ<br />ជាទីគយគន់។ ជាពិសេស នាឱកាសសម្រាកលំហែកាយ ក្នុងពេលបុណ្យចូលឆ្នាំថ្មី ក្រុមគ្រួសារគ្រប់<br />ទិសទីអាចទៅអង្គុយលំហែកាយ ត្រាំទឹកដ៏ត្រជាក់ ស្តាប់សំឡេងទឹកហូរ និងគយគន់សម្រស់ធម្មជាតិ<br />ខៀវខ្ចី រំសាយរាល់ទុក្ខកង្វល់ ដែលកើតមាននាពេល ឆ្នាំចាស់។</p>
<p>ទឹកជួរព្រែកកាំពី ស្ថិតក្នុងឃុំសំបុក ស្រុកចិត្របុរី ខេត្តក្រចេះ ភូមិភាគឦសាន នៃរាជធានីភ្នំពេញ។<br /> ប្រសិនបើធ្វើ ដំណើរពីរាជធានីភ្នំពេញ ដោយឆ្លងកាត់ខេត្តកំពង់ចាម តាមផ្លូវជាតិលេខ៧ ប្រមាណ<br />ជា ១៥០គីឡូម៉ែត្រ យើង នឹងទៅដល់ផ្លូវបត់ដែលមានស្ថានីយ៍ប្រេងឥន្ធនៈមួយនៅក្នុងភូមិព្រះធាតុ។<br /> ពេលដល់ផ្លូវបត់នេះ យើងត្រូវបន្ត ដំណើរលើផ្លូវលេខ ៧៣ ក្រាលកៅស៊ូ ឆ្ពោះទៅស្រុកឆ្លូងប្រវែង<br /> ប្រមាណជា ១០០ គ.មទៀត នឹងដល់ទីរួមខេត្ត ក្រចេះ។ ពេលដល់ទីរួមខេត្ត យើងត្រូវបន្តដំណើរ<br />ប្រមាណជា ១៦គ.ម បន្ថែមទៀត លើផ្លូវលេខ៧ តាមដងទន្លេ ទើបទៅដល់តំបន់ទេសចរណ៍ធម្មជាតិ<br />មួយនេះ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-100.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-101.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-102.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-103.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-104.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-105.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-106.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-107.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-108.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>