<p><span style="color: #000000;"><strong>(ភ្នំពេញ)៖</strong> អគ្គលេខាធិការ គណៈកម្មាធិការជាតិអូឡាំពិកកម្ពុជា (NOCC) លោក វ៉ាត់ ចំរើន បានថ្លែងឲ្យដឹងថា កីឡាការិនីកម្ពុជា ស៊ន សៀវម៉ី នៅមានចំណុចខ្សោយមួយ ដែលជាឧបសគ្គក្នុងដំណើរឆ្ពោះទៅប្រកួតកីឡាអូឡាំពិក រដូវក្ដៅ នៅទីក្រុង Rio ប្រទេសប្រេស៊ីល នាខែសីហាខាងមុខ គឺគុណភាពខាងកម្លាំងកាយ។</span></p>
<p><span style="color: #000000;">លោក វ៉ាត់ ចំរើន បានបញ្ជាក់ថា គុណភាពកម្លាំងកាយ គឺជាកង្វះខាតសម្រាប់កញ្ញា ស៊ន សៀវម៉ី ដែលត្រូវបំប៉នដោយយកចិត្តទុកដាក់បំផុត មុននឹងចេញទៅប្រកួតអូឡាំពិក។ ពេលនេះ NOCC និងខេមរៈសហព័ន្ធតេក្វាន់ដូ កំពុងស្វែងរកគ្រូជំនាញជនជាតិកូរ៉េខាងត្បូង ២រូប មកបង្ហាញផ្នែកកម្លាំងកាយដល់ ស៊ន សៀវម៉ី ។</span></p>
<p><span style="color: #000000;">អគ្គលេខាធិការ NOCC រូបនេះបានបន្ដថា<strong> «ការប្រកួតកីឡាអូឡាំពិក នៅទីក្រុង Rio នឹងមានជើងខ្លាំងជុំវិញពិភពលោក ចូលរួម ដែលមានទាំងសមត្ថភាព បច្ចេកទេស និងកម្ពស់ គឺមិនចាញ់ ស៊ន សៀវម៉ី ឡើយ ។ ប៉ុន្ដែកញ្ញា សៀវម៉ី ក៏មានបច្ចេកទេសប្រកួតល្អដែរ តែអ្វីដែលជាចំណុចខ្សោយ គឺគុណភាពកម្លាំងកាយប៉ុណ្ណោះ»</strong> ។</span></p>
<p><span style="color: #000000;">ពេលនេះ NOCC និងលោក ឆយ យ៉ុងសុក កំពុងស្វែងរកអ្នកជំនាញជនជាតិកូរ៉េ មកពង្រឹងសមត្ថភាពកម្លាំងកាយ របស់ ស៊ន សៀវម៉ី ព្រោះរយៈពេល ២ខែមិនយូរនោះទេ ដូច្នេះ ចាំបាច់ត្រូវមានអ្នកជំនាញមកបង្ហាត់គេ ទើបគេមានសង្ឃឹមច្រើនក្នុងការប្រកួតកីឡាអូឡាំពិកនេះបាន លោក វ៉ាត់ ចំរើន បញ្ជាក់បន្ថែម ។</span></p>
<p><span style="color: #000000;">គួរបញ្ជាក់ផងដែរថា កីឡាការិនីតេក្វាន់ដូ ស៊ន សៀវម៉ី គឺជាវីរៈកីឡាការិនីឆ្នើមទី១ ដែលដណ្ដើមបានមេដាយមាស និងសិទ្ធិចូលរួមប្រកួត កីឡាអូឡាំពិកជាតិផ្លូវការ ក្នុងប្រវត្តិសាស្ដ្រជាង៦០ឆ្នាំ សម្រាប់វិស័យកីឡាកម្ពុជា កាលពីពេលថ្មីៗកន្លងទៅ។ អាស្រ័យហេតុនេះហើយ ទើបក្រសួងអប់រំ និង NOCC យកចិត្តទុកខ្លាំង ដើម្បីជ្រោមជ្រែងនាង ឆ្ពោះទៅដណ្ដើមមេដាយ កីឡាអូឡាំពិក នៅទីក្រុង Rio ប្រទេសប្រេស៊ីល ដែលគ្រោងនឹងធ្វើការប្រកួតនៅអំឡុង ខែសីហា ឆ្នាំ២០១៦ ខាងមុខនេះ៕</span></p>
<p> </p>
<p><img src="https://scontent-kul1-1.xx.fbcdn.net/v/t1.0-9/13124435_1722864617953056_6550572822459409980_n.jpg?oh=0be37a3a4a142c9ea62b0e0e42412808&oe=57BC0C71" alt="" width="730" /></p>
<p><img src="https://fbcdn-sphotos-b-a.akamaihd.net/hphotos-ak-xpf1/v/t1.0-9/13076540_1722139878025530_4454441456233086019_n.jpg?oh=dcbe8d3a9a71afbfc877d244f8cbeb68&oe=57A00193&__gda__=1471607468_1a936c018e5f71d09500e53208a94245" alt="" width="730" /></p>
<p><img src="https://scontent-kul1-1.xx.fbcdn.net/v/t1.0-9/13087436_1722864681286383_8002875703539653249_n.jpg?oh=b4ffc6d68ce950bccfacf2ccf9102066&oe=57BC5E2B" alt="" width="730" /></p>
<p><img src="https://scontent-kul1-1.xx.fbcdn.net/v/t1.0-9/13062009_1722864677953050_3096210407240964518_n.jpg?oh=977c3148150603c1ab83be77d6edff61&oe=57BD6F09" alt="" width="730" /></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>