<p><span style="color: #000000;"><strong>(ភ្នំពេញ)៖</strong> តារាចម្រៀងសម្រស់ផូរផង់ សាច់សខ្ចីនិយមស្លៀកពាក់សិចស៊ី អ្នកនាង ឃិត សំម៉ាលីស ដែលបានបាត់មុខអស់មួយរយៈធំក្រោយសម្រេចរៀបការ និងបោះបង់ចោលសិល្បៈ ទៅរស់នៅជាមួយស្វាមី ខេត្តបន្ទាយមានជ័យនោះ ឥឡូវបានសម្រេចចិត្តវិលចូលសិល្បៈឡើងវិញហើយ ដើម្បីបង្ហាញស្នាដៃនៅលើអាជីព ដែលធ្លាប់លេចមុខមាត់ ប្រកបដោយសំឡេងគាំទ្រ។ </span></p>
<p><span style="color: #000000;">ប្រភពពីរង្វង់អ្នកសិល្បៈ ធ្លាប់ស្គាល់ជាមួយនាង បានបង្ហើបប្រាប់ឲ្យដឹងថា អតីតតារាចម្រៀង របស់ផលិតកម្មដាយម៉ិន អ្នកនាង ឃិត សំម៉ាលីស ក្រោយពីបាត់ខ្លួនជាង១ឆ្នាំមក បានវិលចូលសិល្បៈជាថ្មី ឡើងវិញហើយ តាមរយៈការផ្ញើខ្លួន នៅក្នុងពន្លកផលិតកម្មថ្មី ដែលមានឈ្មោះថា«បុត្រា» ខណៈដែលស្វាមីរបស់នាង ក៏បានឯកភាព ឲ្យវិលចូលបម្រើលើវិស័យចម្រៀងវិញ ផងដែរ។</span></p>
<p><span style="color: #000000;">ប្រភពដដែល បានបន្តថា បច្ចុប្បន្នតារាចម្រៀងស្រី អ្នកនាង ឃិត សំម៉ាលីស ឧស្សាហ៍ចុះឡើងភ្នំពេញណាស់ ដើម្បីចូលរួមថតសម្តែងបទចម្រៀងថ្មីៗរបស់ខ្លួន ឲ្យផលិតកម្ម «បុត្រា»។ ម្យ៉ាងទៀតបទចម្រៀងរបស់នាងមួយចំនួន គ្រោងត្រៀមចេញលក់ឆាប់ៗនេះ ដើម្បីប្រកួតប្រជែង ដណ្តើមយកទីផ្សារគាំទ្រជាថ្មីឡើងវិញ បន្ទាប់ពីបាត់មុខជាង១ឆ្នាំ ដោយសំងំរួមរស់សាងសុភមង្គលស្នេហា ជាមួយស្វាមី និងការពង្រីកមុខជំនួញរបស់ខ្លួន នៅឯខេត្តបន្ទាយមានជ័យ។</span></p>
<p><span style="color: #000000;">ថ្លែងប្រាប់គេហទំព័រ Khmertalking តាមទូរស័ព្ទនៅរសៀល ថ្ងៃទី១៩ ខែសីហា ឆ្នាំ២០១៦នេះ តារាស្រីអ្នកនាង ឃិត សំម៉ាលីស បាននិយាយទទួលស្គាល់ថា នាងពិតជាសម្រេចចិត្ត វិលចូលបម្រើលើវិស័យសិល្បៈវិញ បន្ទាប់ពីមានការឯកភាពពីស្វាមីនោះ។ ប៉ុន្តែមិនមែនចូលផលិតកម្មចាស់វិញទេ ពោលគឺចម្រៀងឲ្យផលិតកម្មថ្មី ទើបបង្កើតឡើងមានឈ្មោះថា «បុត្រា» ដែលកំពូងត្រៀមចេញលក់ CD និងVCDវ៉ុល១ នៅលើទីផ្សារជាលើកដំបូង។</span></p>
<p><span style="color: #000000;">អ្នកនាង ឃិត សំម៉ាលីស ក៏បានថ្លែងបញ្ជាក់បន្ថែម ពីមូលហេតុដែលនាំឲ្យនាងបាត់មុខ ពីវិស័យសិល្បៈអស់មួយសន្ទុះធំ ក្រោយពេលរៀបការ ជាមួយស្វាមីនៅខេត្តបន្ទាយមានជ័យថា «ចា៎! បង កត្តាដែលធ្វើឲ្យខ្ញុំ បាត់មុខពីសិល្បៈអស់រយៈពេល ជាង១ឆ្នាំនេះ ក៏ព្រោះតែខ្ញុំរវល់ក្នុងការមើលខុស ត្រូវលើមុខជំនួញជាមួយស្វាមីរបស់ខ្ញុំ ដែលមាននៅឯខេត្តបន្ទាយមានជ័យឯណោះ។ ម្យ៉ាងវិញទៀតកាលនោះ ខ្ញុំក៏ចង់សម្រាកមួយរយៈសិនដែរ ដើម្បីមើលការខុសត្រូវ ពង្រឹងមុខជំនួញ ជាមួយស្វាមីរបស់ខ្ញុំ តែពេលនេះខ្ញុំមកវិញហើយ»៕</span></p>
<p><span style="color: #000000;"></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/14079652_1530725443620427_258989592131539980_n.jpg?oh=3966609f6c05299cbb505bfd0a14caff&oe=58430D46" alt="" width="730" /></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/14088552_1530725446953760_1499423729538775523_n.jpg?oh=aae53b80adb490ed5dc8671e17f50bc1&oe=5848E140" alt="" width="730" /></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/14051728_1530725503620421_862877719128001651_n.jpg?oh=697e466dcd66da388cf01c0b72c733f4&oe=58164E18" alt="" width="730" /></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/13934867_1530725506953754_7204883922860412405_n.jpg?oh=e3e747139995c3b4777c061db96397bf&oe=5844B9EA" alt="" width="730" /></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/14089226_1530725510287087_699946798822216671_n.jpg?oh=1532e90fd782e9d68be6cf81624f0b00&oe=585740B9" alt="" width="730" /></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/14063856_1530725563620415_6164786561616269108_n.jpg?oh=768470338378576b21496105a5cf9da2&oe=5849CD23" alt="" width="730" /></span></p>
<p><span style="color: #000000;"><img src="https://scontent.fbkk1-2.fna.fbcdn.net/v/t1.0-9/13938508_1530725440287094_7610475976723614770_n.jpg?oh=83b3d96d4746fed3d8c63448d0121221&oe=585D001D" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>