<div class="item-page">
<p><strong>(ភ្នំពេញ)៖</strong> អភិបាលខណ្ឌច្បារអំពៅ លោក អ៊ាង សីុផាន រួមជាមួយលោក លោកស្រី អភិបាលរង និងមន្ត្រីខណ្ឌ នាព្រឹកថ្ងៃទី១៤ ខែវិច្ឆិកា ឆ្នាំ២០១៦នេះ បានអញ្ជើញចូលរួមក្នុងពិធីបុណ្យសព ចំណុះទូកពីរនាក់ ក្នុងសង្កាត់ព្រែកថ្មី ដែលរងគ្រោះដោយសារតែទូកទេចរណ៍បុកជាមួយទូក.ង របស់ពួកគេ។</p>
<p>លោក ញាណ ចាន់សោភា នាយករងរដ្ឋបាលខណ្ឌច្បារអំពៅ បានឲ្យដឹងថា ខណៈចូលរួមក្នុងពិធីបុណ្យសពកីឡាករទូកទាំង២នេះ លោកបាននាំយកថវិកាចូលបុណ្យសព ម្នាក់ៗ ចំនួន ២លានរៀល និងគ្រឿងឧបភោគបរិភោកជាច្រើនមុខទៀត។</p>
<p>សូមបញ្ជាក់ថា កីឡាករទូកង (រស្មីស្រីស្រស់ដាញ់ទិព្វសែនជ័យ) ២នាក់ក្នុងចំណោមគ្នា៩នាក់ បានធ្លាក់ទឹក ដោយសារតែទូកក្រុមហ៊ុនទេសចរណ៍វៀតណាម (APT)បើកបុកទាំងកំរោលបណ្ដាលឲ្យលិចកណ្ដាលទន្លេ កាលពីវេលាម៉ោង៧៖៣០នាទីព្រឹក ថ្ងៃទី១១ ខែវិច្ឆិកា ឆ្នាំ២០១៦ នៅចំណុចទន្លេរបួនមុខ ស្ថិនខាងមុខព្រះបរមរាជវាំង រាជធានីភ្នំពេញ នៅពេលទូក.ង របស់ក្រុមរងគ្រោះ កំពុងតែសណ្តោងមកប្រណាំងសាកល្បង។</p>
<p><img src="http://image.freshnewsasia.com/2016/019/fn-2016-11-13-23-42-49-0.jpg" alt="" width="730" /></p>
<p><img src="http://image.freshnewsasia.com/2016/019/fn-2016-11-13-23-42-49-1.jpg" alt="" width="730" /></p>
<p><img src="http://image.freshnewsasia.com/2016/019/fn-2016-11-13-23-42-49-2.jpg" alt="" width="730" /></p>
<p><img src="http://image.freshnewsasia.com/2016/019/fn-2016-11-13-23-42-49-3.jpg" alt="" width="730" /></p>
<p><img src="http://image.freshnewsasia.com/2016/019/fn-2016-11-13-23-42-49-4.jpg" alt="" width="730" /></p>
<p><img src="http://image.freshnewsasia.com/2016/019/fn-2016-11-13-23-42-49-5.jpg" alt="" width="730" /></p>
<p style="text-align: right;">ផ្តល់សិទ្ធដោយ ៖ ហ្វ្រេសញូវអាស៊ី</p>
</div>