<p><span style="color: #000000;">ប័ណ្ណប៉ាតង់ប៊ិក S Pen ថ្មី បានបង្ហាញឲ្យឃើញថា ឧបករណ៍នេះ នឹងបំពាក់ភ្ជាប់មកជាមួយនឹងនូវប្រព័ន្ធបំពងសម្លេងមួយ។ </span></p>
<p><span style="color: #000000;">ប័ណ្ណប៉ាតង់គឺជាបង្ហាញនូវគំនិតយ៉ាងច្បាស់បំផុតមួយ ស្តីពីបណ្តា Feature ថ្មីៗ ដែលបណ្តាក្រុមហ៊ុនបច្ចេកវិទ្យាអាចបំពាក់ដល់បណ្តាផលិតផលនាពេលអនាគតរបស់ខ្លួន (បើទោះជារឿងនេះ មិនមែនកើតឡើងគ្រប់ពេលក៏ដោយ)។ បើទោះជាបានជួបប្រទះនូវបញ្ហាថ្ម ប៉ុន្តែ Galaxy Note 7 និយាយដោយឡែក និងម៉ូដែលត្រកូល Galaxy Note និយាយជារួម ពួកវានៅតែ ត្រូវបានអ្នកប្រើប្រាស់ជាច្រើននាក់ស្រឡាញ់ចូលចិត្ត ជាមួយនឹងការភ្ជាប់មកជាមួយនឹងប៊ិក S Pen។ ដូច្នេះ វាមិនមានអ្វីគួរឲ្យភ្ញាក់ផ្អើលនោះទេ នៅពេលដែល Samsung បានដាក់ពាក្យសុំច្បាប់ យកប័ណ្ណប៉ាតង់ប៊ិក S Pen ថ្មីជាមួយនឹងប្រព័ន្ធបំពងសម្លេងក្នុងហ្នឹងថែមទៀត។ </span></p>
<p><a class="thickbox" title="" href="/FileManager/Commons/2016/9/27/1575572-27-09-2016--21-34-28.jpg"><img src="/FileManager/Articles/mce/2016/9/27/1575572-27-09-2016--21-34-28.jpg" alt="" /></a></p>
<p><span style="color: #000000;">បើសិនជាអ្នកធ្លាប់បានប្រើប៊ិក S Pen នោះអ្នកនឹងដឹងថា វាពិតតូចស្តើង ប៉ុន្តែបែរជាបានបំពាក់នូវបណ្តា Feature ខ្លាំងៗ ល្អៗជាច្រើន។ តាមរយះរូបភាពដែលទើបតែបង្ហើបឲ្យឃើញនេះ រន្ធ Speaker នៅលើប៊ិក S Pen មានទំហំតូចយ៉ាងខ្លាំង និងត្រូវបានបំពាក់នៅលើតួនៃប៊ិក។ ការដែលបំពាក់នូវឧបករណ៍បំពងសម្លេងដូច្នេះ វាអាចនឹងជួយឲ្យគុណភាពសម្លេងនៅលើ Galaxy Note ស៊េរីថ្មី នឹងមានភាពប្រសើរជាងមុនច្រើន។</span></p>
<p><span style="color: #000000;">មុននេះ Samsung ក៏ធ្លាប់ទទួលស្គាល់នូវប័ណ្ណប៉ាតង់មួយ ស្តីពី Feature ថ្មីនៅលើប៊ិក S Pen។ ជាក់ស្តែងប៊ិក S Pen បច្ចុប្បន្នមិនមែនធម្មតាប្រើសម្រាប់តែសរសេរទៀតនោះទេ គឺវាអាចធ្វើបាននូវ រឿងមានប្រយោជន៍បានច្រើនទៀត ជាមួយនឹងស្មាតហ្វូន៕</span></p>
<p><span style="color: #000000;"><a href="http://www.camnews.com.kh/News/Detail/20460/sound-quality-during-phone-calls-of-iphone-7-was-reported-poor-sound"><span style="color: #0000ff;"><em>- សម្លេងសន្ទនាគ្នារបស់ iPhone 7 ត្រូវបានអ្នកប្រើប្រាស់ រិះគន់ថា មានគុណភាពសម្លេងអន់</em></span></a><br /><span style="color: #000000;"><em><em><a href="http://www.camnews.com.kh/News/Detail/46707/samsung-identified-26-false-statements-about-the-galaxy-note-7-explosion"><span style="color: #0000ff;">- Samsung កំណត់បញ្ជាក់ឲ្យដឹង នូវការរាយការណ៍ខុសចំនួន ២៦ ករណី ស្តីពី Galaxy Note 7 ផ្ទុះឆេះ</span></a></em></em></span><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ vreview</em></p>