<p><span style="color: #000000;"><strong>បន្ទាយមានជ័យ ៖</strong> កម្លាំងនគរបាល ខេត្តបន្ទាយមានជ័យ បានស្រាវជ្រាវ និងធ្វើការសហការ ជាមួយ និងនគរបាល ខេត្តសៀមរាប បានតាមប្រមាញ់ រកម៉ូតូ១គ្រឿង បន្ទាប់ពីក្រុម ជនសង្ស័យ លួចយកពីក្រុងប៉ោយប៉ែត កាលពីថ្ងៃទី១៤ ខែកក្កដា ឆ្នាំ២០១៥ កន្លងមកនេះ។</span></p>
<p><span style="color: #000000;">លោក សិទ្ធ ឡោះ ស្នងការរង និងជាប្រធានការិយាល័យ កណ្តាល នគរបាលព្រហ្មទណ្ឌ បានប្រាប់ឲ្យដឹងនៅព្រឹក ថ្ងៃទី១០ ខែសីហានេះ ថា ប្រតិបត្តិការចាប់ខ្លួន ជនសង្ស័យរូននេះ ធ្វើឡើង ដោយតាមតាមបទបញ្ជា ពីសំណាក់ លោកឧត្តមសេនីយ៍ត្រី អាត់ ខែម ស្នងការខេត្ត តែងតែយកចិត្តទុក ដាក់ខ្ពស់ពីបញ្ហា បទល្មើស ជាក់ស្តែង បទល្មើសផ្សេងៗ ដែលកើតឡើង នៅក្នុងមូលដ្ឋាននានា។</span></p>
<p><span style="color: #000000;">លោកបានបន្តថា ម្ចាស់ម៉ូតូឈ្មោះហឿន វ៉ាន់យ៉ាន់ ភេទប្រុស អាយុ៣៤ឆ្នាំ រស់នៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ។ ជនសង្ស័យបានសារភាពថា នៅថ្ងៃកើតហេតុ ខ្លួនបានជិះម៉ូតូទៅទិញម្ហូបអាហារ នៅក្នុងផ្សារត្រី ស្ថិតនៅភូមិបាលិលេយ្យ១ សង្កាត់-ក្រុងប៉ោយប៉ែត បានចតម៉ូតូនៅ មុខផ្សារ មានប្រជុំជន ម៉ូតូម៉ាកហុងដាឌ្រីម សេ១២៥ ពណ៌ខ្មៅ ពាក់ស្លាកលេខ បន្ទាយមានជ័យ 1J-4234 លេខតួ និងលេខម៉ាស៊ីន 9145011 ខ្លួនបានចូលទិញម្ហូបប្រមាណ១ ម៉ោង ស្រាប់តែ ទិញ ម្ហូបអាហារហើយ ក៏មកយកម៉តូ ស្រាប់អត់ឃើញបានស្រែកឆោឡោ រកម៉ូតូ តែម្តង ភ្លាមនោះសមត្ថកិច្ច នគរបាលប៉ុស្តិ៍រដ្ឋបាលប៉ោយប៉ែត បានអន្តរាមន៍ តែមិនឃើញឡើយ ខ្លួនបានទៅដាក់ពាក្យ បណ្តឹងបន្ថែមដើម្បីអោយសមត្ថកិច្ចស្រាវជ្រាវរកម៉ូតូខ្លួន។</span></p>
<p><span style="color: #000000;">លោកបានបន្ថៃមថា ចំណែកជនសង្ស័យត្រូវបានកម្លាំង នគរបាលខេត្តសៀមរាប បានឃាត់ខ្លួនសាងសំណំរឿង បញ្ជូនទៅកាន់សាលាដំបូងខេត្តសៀមរាបចាត់ការតាមច្បាប់ តែចំពោះម៉ូតូប្រគល់អោយយើងរួចរាល់ និងប្រគល់បន្តទៅម្ចាស់ដើមវិញផងដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/10/9-10-2015-11-50-14-am-10-09-2015--11-57-27.png"><span style="color: #000000;"><img src="/FileManager/Articles/mce/2015/9/10/9-10-2015-11-50-14-am-10-09-2015--11-57-27.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2015/9/10/9-10-2015-11-50-52-am-10-09-2015--11-57-41.png"><span style="color: #000000;"><img src="/FileManager/Articles/mce/2015/9/10/9-10-2015-11-50-52-am-10-09-2015--11-57-41.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>