<div>វៀតណាម៖ ករណីតារាចម្រៀងប្រុស ជនជាតិវៀតណាម ថើបមាត់លោកសង្ឃ នៅលើឆាក<br />សំដែងមួយ ដែលត្រូវបានរៀបចំធ្វើឡើងកាលពីថ្ងៃទី ៤ខែវិច្ឆិកា នៅក្រុងហូជីមិញ កំពុងត្រូវ<br />បានសាធារណជនរិះគន់យ៉ាងខ្លាំងក្លា ដោយថា នេះគឺជាកាយវិការខុសទៅនឹងសីលធម៌ និង<br />វិន័យរបស់លោកសង្ឃ។</div>
<div></div>
<div>កាលពីថ្ងៃទី ៤ ខែវិច្ឆិកាកន្លងទៅ នៅលើឆាកសំដែងមួយក្នុងក្រុង ហូជីមិញ មានការរៀបចំកម្មវិធី<br />មួយ ដោយមានការចូលរួមរបស់ក្រុមសិល្បករ សិល្បការិនី ទស្សនិកជន និងលោកសង្ឃជាច្រើន<br />អង្គផងដែរ។</div>
<div></div>
<div><a class="thickbox" title="" href="/FileManager/Commons/2012/11/14/121113stardvh01-a445f-14-11-2012--11-20-29.jpg"><img style="display: block; margin-left: auto; margin-right: auto;" src="/FileManager/Articles/mce/2012/11/14/121113stardvh01-a445f-14-11-2012--11-20-29.jpg" alt="" width="394" height="329" /></a><br />នៅក្នុងពិធីនេះ គេឃើញលោកសង្ឃមួយចំនួន ត្រូវបាននិមន្ដអោយឡើងលើងឆាក ក្នុងបំណង<br />ថ្លែងអំណរព្រះគុណ ដែលសង្ឃទាំងនោះបានធ្វើសកម្មភាពមួយដែលទាកទឹននឹងរឿងមនុស្សធម៌<br /> ដោយសារកាលពីមុននេះ សង្ឃដែលបាននិមន្ដឡើងលើឆាកនោះ បានជួយទិញស្រាពិសេសមួយ<br />ដប ដើម្បីគាំទ្រដល់មូលនិធិមនុស្សធម៌ សម្រាប់តារាចម្រៀង Wanbi Tuan Anh។</div>
<div></div>
<div>បន្ទាប់ពីបានឡើងលើឆាក សង្ឃមួយអង្គត្រូវបានតារាចម្រៀងដ៏ល្បីឈ្មោះរបស់វៀតណាម គឺលោក<br />Dam Vinh Hung ចាប់ថើបមាត់ ហាក់ដូចជាគូស្នេហាប្រុសស្រី ខណៈដែលសង្ឃមួយអង្គទៀតត្រូវ<br />បានថើបដៃជំនួស។<br /><br />សកម្មភាពប្រាសចាកពីសីលធម៌ខាងលើនេះ ត្រូវបានគេផ្សព្វផ្សាយនៅទូទាំងប្រទេស និងត្រូវ<br />បានគេរិះគន់យ៉ាងចាស់ដៃ ទន្ទឹមនឹងការពិចារណាដាក់ពិន័យទៅលើតារាចម្រៀងរូបនេះពីសំណាក់</div>
<div>ស្ថាប័នពាក់ព័ន្ធ។ ជាមួយគ្នានេះដែរ លោកសង្ឃដែលជាប់ពាក់ព័ន្ធនឹងករណីខាងលើនេះ ត្រូវបាន<br />គេស្គាល់ថា មានព្រះនាមថា Thich Phap Dinh និង Thich Giac An ដែលគង់នៅវត្ត Phuoc Son <br />នៃខេត្រ Dong Nai (តំបន់ ដូនណៃ)។</div>
<div></div>
<div><a class="thickbox" title="" href="/FileManager/Commons/2012/11/14/121113stardvh02-a445f-14-11-2012--11-20-54.jpg"><img style="display: block; margin-left: auto; margin-right: auto;" src="/FileManager/Articles/mce/2012/11/14/121113stardvh02-a445f-14-11-2012--11-20-54.jpg" alt="" width="383" height="281" /></a></div>
<div>តារាចម្រៀង រួមនឹងលោកសង្ឃទាំងពីរអង្គនេះ បានសរសេរសំបុត្រសុំទោសសាធារណជន ដោយ<br />ទទួលខុសត្រូវចំពោះសកម្មភាពរបស់ខ្លួន។ បច្ចុប្បន្ន សង្ឃទាំងពីរអង្គត្រូវបានពិន័យអោយនៅក្នុង<br />វត្ត ដោយមិនអនុញ្ញាតអោយចេញទៅក្រៅ រយៈពេលបីខែ៕</div>
<div></div>
<div style="text-align: right;">ដោយ ៖ សីហា<br />ប្រភព ៖ k14</div>