<p><strong>ភ្នំពេញ៖</strong> លោក អេឡិច ហ្សូរ៉ា ជាតារាសម្តែង និង ជាសមាជិកក្រុមដើរម៉ូដ Sun Super Model <br />បានបង្ហើបប្រាប់ ឱ្យដឹងថា មួយរយៈនេះ បើនិយាយពីការងារ សិល្បៈរបស់លោក គឺមានការមមា<br />ញឹក ជាខ្លាំង ស្ទើរកពេលសម្រាក់គ្មាន។ ចំណែកឯរឿង ស្នេហាលោកថា នៅមិនទាន់ប្រាកដ នៅ<br />ឡើយទេ។</p>
<p>និយាយឆ្លើយឆ្លងតាមទូរស័ព្ទ ជាមួយគេហទំព័រ Looking TODAY នារសៀលថ្ងៃទី១២ ខែមិថុនា<br /> ឆ្នាំ២០១៣ តារាសម្តែងខ្ពស់ស្រឡះ លោក អេឡិច ហ្សូរ៉ា បានប្រាប់ឱ្យដឹងថា បច្ចុប្បន្ននេះ ការ<br />ងារសិល្បៈ គឺរវល់ច្រើន ហើយក៏កំពុងតែដំណើរការ ទៅមុខយ៉ាងរលូន អាចនិយាយបានថា <br />ទទួលបានជោគជ័យ ខ្លាំងជាងពេលមុនៗ។</p>
<p>លោក អេឡិច ហ្សូរ៉ា បាននិយាយបន្តលាយលំ នឹងសំណើចហាក់ដូចជាមែនផងលេងផង ថា <br />បើនិយាយឱ្យត្រង់ៗទៅគឺកំពុងតែត្រូវប៉ាន់ ។ ទទ្ទឹមនឹងនេះ ក៏ហត់បន្តិចដែរ ព្រោះថា ក្រៅពីការ<br />ងារសិល្បៈ ខ្ញុំក៏ជាគ្រូបង្រៀនមួយរូបផងដែរ ដូច្នេះពេលខ្លះរកតែពេលសម្រាក់មិនបានផង។ <br />អេឡិច ហ្សូរ៉ា បានឲ្យដឹងទៀតថា ក្នុងវិស័យសិល្បៈសព្វថ្ងៃ លោករវល់ច្រើនដូចជា ការដើរម៉ូដ <br />ធ្វើជាពិធីករ ក្នុងកម្មវិធីមួយចំនួន របស់បណ្តាក្រុហ៊ុនផ្សេងៗ ហើយជាងនេះទៅទៀតគឺ បច្ចុប្បន្ន<br />លោកកំពុងតែថតសម្តែងក្នុង ខ្សែភាពយន្តរឿងខ្មោច ឲ្យផលិតកម្មក្នុងស្រុកមួយ។ </p>
<p>តារាប្រុសរូបនេះ បានបន្ថែមថា រឿងដែលលោកកំពុងតែថតនេះ ជាប្រភេទរឿងដុំ ដែលរហូត<br />មកដល់ពេលនេះ គឺដំណើរការថតបានប្រហែលជា៤០ ភាគហើយ។ លោក មិនបានបញ្ជាក់<br />ប្រាប់ ពីចំណងជើងនៃខ្សែរឿងទេ គឺគ្រាន់តែប្រាប់ថា រឿងនេះនៅពេលថតចប់រួចរាល់ហើយ<br />នោះ នឹងមានចាក់បញ្ចាំងនៅក្នុងរោងកុន មួយចំនួនក្នុងរាជធានីភ្នំពេញ។</p>
<p>ជាមួយគ្នានេះ អេឡិច ហ្សូរ៉ា ក៏បានបង្ហាញពីមហិច្ចតារបស់ខ្លួនថា រាល់ថ្ងៃនេះ ក្រៅពីការតួសម្តែង<br /> និង ការដើរម៉ូដនោះ លោកក៏មានបំណងចង់ក្លាយ ទៅជាអ្នកច្រៀងព្រោះថានៅពេលដែលលោក<br />ចេះ ច្រៀងមួយទៀត គឺសិល្បៈរបស់លោកកាន់តែមានភាពល្អ ប្រសើថែមមួយកម្រិតទៀត។ យ៉ាង<br />ណាក្តី អេឡិច ហ្សូរ៉ា បានបញ្ជាក់ថា ឥឡូវនេះលោកកំពុងហាត់រៀនច្រៀង ហើយសង្ឃឹមថា នឹង<br />អាចសម្រេច បាននៅថ្ងៃមុខជាមិនខាន។</p>
<p>ចំណែកឯរឿងជីវិតស្នេហា ឯកជនផ្ទាល់ខ្លួនវិញ ត្រូវបាន លោក អេឡិច ហ្សូរ៉ា បានឱ្យដឹងថា បើ<br />ទោះបីជាពេលនេះ លោក កំពុងតែមានទំនាក់ទនង ជាមួយកញ្ញា សោភ័ណ្ឌ លីនដា ក៏ពិតមែន <br />ប៉ុន្តែលោកមិនទាន់ច្បាស់ នៅឡើយទេ ថា ទៅថ្ងៃមុខទៀតវានឹងទៅជាយ៉ាងណានោះ ព្រោះឥឡូវ<br />នេះ គឺស្ថិតក្នុងការមើលចិត្តគ្នាទៅវិញទៅមកនៅឡើយ។</p>
<p>ជាក់ស្ដែងកាលពីថ្ងៃទី៦ ខែមិថុនា ឆ្នាំ២០១៣ ដែលជាថ្ងៃលោក គង់ រ៉ាយុទ្ធ រៀបចំពិធីឡើងគេហ<br />ដ្ឋានថ្មី និងសម្ពោធហាងផងនោះ គេសង្កេតឃើញលោក អេឡិច ហ្សូរ៉ា បានបណ្ដើរនាង សោភ័ណ្ឌ<br /> លីនដា ក្នុងទឹកមុខញញឹមញញែម ស្និទ្ធស្នាលគ្នា ខណៈវត្តមានកញ្ញា គង់ ចាន់រដ្ឋា ក៏បង្ហាញនៅ<br />ក្នុងកម្មវិធីនោះដែរ។ ទង្វើបែបនេះត្រូវបានគេគិតថា លោកហាក់មានចេតនាចង់បញ្ឈឺចិត្តសង្សារ<br />ចាស់ ព្រោះពេលនោះ នាង គង់ ចាន់រដ្ឋា បានទម្លាក់ទឹកមុខស្រពាប់ស្រពោន ពេលឃើញអ្នកទាំង<br />ពីរ ល្អូកល្អិនគ្នានៅចំពោះមុខ។</p>
<p>គួរំឭកថា តារាសម្តែងនិង ជាអ្នកដើរម៉ូដ លោក អេឡិច ហ្សូរ៉ា មុននេះត្រូវបានគេដឹងថា លោកបាន<br />ផ្តាច់ទំនាក់ទំនងស្នេហាជាមួយតារាចម្រៀង គង់ ចាន់រដ្ឋា។ ប៉ុន្តែការបែកគ្នានេះមិនទាន់ទាំងបាន<br />ប៉ុន្មានផង ក៏ធ្លាយដំណឹងថាលោក អេឡិច ហ្សូរ៉ា ទៅលួចបង្កាត់ភ្លើងស្នេហ៍ជាមួយកញ្ញា សោភ័ណ្ឌ<br /> លីដា ដែលជាមនុស្សម្នាក់ ស្ថិតនៅក្នុងចង្កោមអ្នកសិល្បៈ ដូចគ្នាយ៉ាងប្រងើយទៅវិញ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0348.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0349.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0350.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-099/v_0351.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>