<div class="article-content">
<p><strong>ភ្នំពេញ៖</strong> លោក ជា មុនី្ន ប្រធានសហជីពសេរីកម្មករកម្ពុជា និងលោក សម រង្ស៊ី ប្រធានគណបក្ស សង្រ្គោះជាតិ នៅព្រឹកថ្ងៃទី២២ ខែមករា ឆ្នាំ២០១៤នេះ បានដឹកនាំក្រុមកម្មករ កម្មការិនី រួមនិងថ្នាក់ ដឹកនាំសហជីពជាច្រើន នាក់ ចូលរួមបា្ររព្ធពិធីគោរពវិញ្ញាណក្ខន្ធគម្រប់ខួប១០ឆ្នាំ នៃការទទួល មរណភាពរបស់លោក ជា វិជ្ជា ក្នុងអំពើ ឃាតកម្មកាលពី៩ឆ្នាំមុននោះ។</p>
<p>លោក ជា មុនី្ន ដែលជាប្អូនប្រុសបង្កើតលោក ជា វិជ្ជា និងជាអ្នកស្នងមរតកនៃការតស៊ូមតិជូន កម្មករ កម្មការិនីបន្ត ផងដែរនោះ បានថ្លែងប្រាប់មជ្ឈមណ្ឌលព័ត៌មានដើមអម្ពិលថា ការប្រារព្ធ ខួប១០ឆ្នាំ នៃមរណភាពរបស់បងប្រុស នាព្រឹកថ្ងៃទី២២ ខែមករា នេះ លោកមិនអញ្ជើញ ប្រមូល កៀងករកម្មករ កម្មការិនីនោះទេ ការចូលរួមគឺអាស្រ័យ ទៅលើទឹកចិត្តរបស់ក្រុមកម្មករតែ ប៉ុណ្ណោះ។</p>
<p>ក្នុងកិច្ចប្រជុំនាពេលកន្លងទៅ សាលារាជធានីភ្នំពេញ បានអនុញ្ញាតឲ្យលោក ជា មុនី្ន ប្រារព្ធពិធី គោរពវិញ្ញាណក្ខន្ធ ជូនបងប្រុសរបស់ខ្លួន ដោយការជួបជុំស្មឹងស្មាធិ៍ ដាក់កម្រងផ្កានៅកន្លែងរូប សំណាក់ ខាងលិចវិមានឯករាជ្យ តែមិនអនុញ្ញាតឲ្យមានការដង្ហែក្បួននោះឡើយ។</p>
<p>លោក ជា វិជ្ជា ដែលគេដឹងថា ជាអ្នកតស៊ូមតិដ៏ខ្លាំងក្លាមួយក្នុងទាមទាររកសិទ្ធិសេរីភាព និង ដំឡើងប្រាក់ខែជូន កម្មករកាលពីអំឡុងទស្សវត្សរ៍ឆ្នាំ១៩៩០ និងដើមទស្សវត្សរ៍ឆ្នាំ២០០០ រូប លោកត្រូវបានឃាតកបាញ់សម្លាប់នៅថ្ងៃទី២២ ខែ មករា ឆ្នាំ២០០៤ គ្រារូបលោកកំពុងអង្គុយ អានកាសែតនៅក្នុងតូបលក់កាសែតខាងលិចវត្តលង្កា។</p>
<p>រហូតដល់បច្ចុប្បន្នឃាតកបាញ់សម្លាប់លោក ជា វិជ្ជា មិនទាន់ត្រូវបានវែកមុខនៅឡើយនោះទេ តែដើម្បីគោរពនូវ វីរភាពរបស់លោកក្នុងចលនា នៃការតស៊ូមតិ រាជរដ្ឋាភិបាលកម្ពុជា បានសម្រេច អនុញ្ញាតឲ្យមានការសាងសង់រូប សំណាក់របស់លោកនៅលើសួនច្បារមុខវត្តលង្កាខាងលិចវិមាន ឯករាជ្យ ទុកសម្រាប់ជាការគោរពដល់ជនដទៃ។</p>
<p>មន្រ្តីអាជ្ញាធររាជធានីភ្នំពេញ បានឲ្យដឹងថា កម្លាំងមានសមត្ថកិច្ច ពុំបានរារាំងការហែក្បួនរបស់ លោក ជា មុនី្ន ពីទីស្នាក់ការសហជីពទៅខាងលិចសួនច្បារវិមានឯករាជ្យ ទីកន្លែងតម្កល់រូប សំណាក លោកជា វិជ្ជា នោះទេ ។ លើសពីនេះទៅទៀត អាជ្ញាធរ ថែមទាំងបានជួយសម្រួល ចរាចរទៀតផង ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2014/january/id-011/Hong-0455.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0456.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/january/id-011/Hong-0457.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0458.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/january/id-011/Hong-0459.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/79573-2014-01-22-02-01-25.html"><span style="color: #0000ff;">ដើមអំពិល</span></a></p>
</div>