<p><span style="font-size: 12px; color: #000000;">ជាការពិត ជីវិតរបស់មនុស្សម្នាក់ៗ តែងជួបរឿងរ៉ាវគ្រប់យ៉ាង ឈឺចាប់ជូរជត់ វេទនា មិនថាស្នេហា ឬការងារនោះទេ តែងតែប្រឈមមុខស្ទើរតែរាល់ថ្ងៃ។ ហើយក្នុងនោះដែរ ផលិតករភាពយន្តមួយចំនួន បានសម្រេចចិត្ត ដកស្រង់ជីវិតពិតទាំងនោះ មកបង្កើតជាខ្សែភាពយន្ត ដើម្បីបង្ហាញឲ្យទស្សនិកជនបានដឹងថា ជីវិតរបស់មនុស្សមិនមែនសប្បាយរីករាយគ្រប់ពេលនោះទេ។</span></p>
<p><span style="color: #000000;">ចំពោះខ្សែភាពយន្តថៃមួយ មានចំណងជើងថា "តន្រ្តីស្រុកស្រែ ចង្វាក់ស្នេហ៍ខ្ញុំ" បានឆ្លុះបញ្ចាំង ពីជីវិតពិតរបស់មនុស្សភាគច្រើន ជួបឧបសគ្គ និងបញ្ហារាប់រយជំពូក ដែលត្រូវឲ្យពួកគេដោះស្រាយដោយខ្លួនឯង។ ផលិតកររឿងនេះ បានប្រមែលប្រមូលបទពិសោធន៍ជីវិតមនុស្សមួយចំនួន ដែលបានជួបរឿងរ៉ាវកំសត់ ទាំងរឿងការងារ និងស្នេហារបស់ពួកគេ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/11/11-11-05-2016--09-38-30.jpg"><img src="/FileManager/Articles/mce/2016/5/11/11-11-05-2016--09-38-30.jpg" alt="" /></a><br /></span></p>
<p><span style="color: #000000;">រឿង "រឿងតន្រ្តីស្រុកស្រែ ចង្វាក់ស្នេហ៍ខ្ញុំ" នេះ មានតារាជាច្រើន បានចូលរួមសម្តែង និងដើរជាតួអង្គផ្សេងៗគ្នា ទៅតាមសាច់រឿងជាច្រើនប្រភេទ ដែលសាច់រឿងទីមួយ គឺមានប្រធានកម្លោះក្រុមហ៊ុន ជាប់ស្នេហ៍នឹងមេផ្ទះរបស់ខ្លួន ដោយមិនដែលឃើញមុខគ្នាសូម្បីតែម្តង លឺតែសំឡេងពេលនាងច្រៀងប៉ុណ្ណោះ ក៏ធ្វើឲ្យរូបគាត់បាក់ចិត្តលើនាងទៅហើយ។</span></p>
<p><span style="color: #000000;">រីឯសាច់រឿងទី២ កំពូលតារាចម្រៀងម្នាក់ ត្រូវទ្រាំយ៉ាងលំបាក និងឆ្លងកាត់ឧបសគ្គជាច្រើន ដើម្បីច្រៀងបទចម្រៀងបុរាណ ដែលខ្លួនមិនធ្លាប់ដែលច្រៀងពីមុនមកទាល់តែសោះ។ ហើយប្រសិនបើ តារាចម្រៀងប្រុសនោះ មិនច្រៀងតាមម្ចាស់ក្រុមហ៊ុនប្រាប់ទេ រូបគេនឹងត្រូវធ្លាក់ចេញពីវិស័យសិល្បៈ និងលែងមានកេរ្តិ៍ឈ្មោះតទៅទៀត។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/11/11a-11-05-2016--09-38-41.jpg"><img src="/FileManager/Articles/mce/2016/5/11/11a-11-05-2016--09-38-41.jpg" alt="" /></a><br /></span></p>
<p><span style="color: #000000;">សាច់រឿងទី៣ មានអ្នកយាមស្រីម្នាក់ តែងតែស្រមៃ និងលួចស្រឡាញ់ តារាប្រុសដ៏ល្បីម្នាក់ ដែលមួយថ្ងៃៗនាងតែងបន់ស្រន់ ឲ្យបានជួបតារាប្រុសនោះ ដើម្បីអាចប្រាប់ពីទំហំចិត្តរបស់នាង មានទៅលើរូបគេ។</span></p>
<p><span style="color: #000000;">សាច់រឿងទី៤ ស្នេហារវាង កម្លោះលក់ចាប់ហួយខ្មៅ និងនារីមុខខ្មោច គឺពួកគេទាំងពីរបានស្រឡាញ់គ្នា យ៉ាងផ្អែមល្ហែម ទោះបីពួកគេ រស់នៅដោយជីវភាពក្រលំបាកតោកយ៉ាកយ៉ាងណាក៏ដោយ ក៏ពួកគេនៅតែខំ និងព្យាយាមជំនះរាល់រឿងរ៉ាវទាំងអស់។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/11/11b-11-05-2016--09-38-49.jpg"><img src="/FileManager/Articles/mce/2016/5/11/11b-11-05-2016--09-38-49.jpg" alt="" /></a><br /></span></p>
<p><span style="color: #000000;">សាច់រឿងទី៥ កម្លោះក្នុងក្រុមសិល្បៈបានលួចស្រឡាញ់ នារីក្រុមបច្ចេកទេសគ្រឿងផ្ទុះ តែមិនហ៊ានសារភាព។ រហូតដល់ថ្ងៃមួយ ពួកគេត្រូវបែកគ្នា ដោយសារតែខាងស្រី នាងមានបញ្ហានៅក្នុងក្រុម ក៏ត្រូវចាកចេញពីបុរសម្នាក់នោះទាំងតក់ក្រហល់។ ហើយក៏មានរឿងរ៉ាវជាច្រើនទៀត កើតឡើងចំពោះមនុស្សមួយចំនួន ដែលត្រូវប្រឈម និងទទួលស្គាល់នៅនឹងមុខជារៀងរាល់ថ្ងៃ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/11/11c-11-05-2016--09-39-02.jpg"><img src="/FileManager/Articles/mce/2016/5/11/11c-11-05-2016--09-39-02.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/5/11/11d-11-05-2016--09-39-08.jpg"><img src="/FileManager/Articles/mce/2016/5/11/11d-11-05-2016--09-39-08.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/5/11/11c-11-05-2016--09-39-02.jpg"></a><br /></span></p>
<p><span style="color: #000000;">តើរឿងរ៉ាវជីវិតរបស់ពួកគេទាំងអស់នោះ នឹងទៅជាយ៉ាងណា ហើយពួកគេនឹងជួបឧបសគ្គអ្វីខ្លះ? ចម្លើយទាំងនេះ គឺមានតែប្រិយមិត្ត ដែលអាចស្រាយចម្ងល់ទាំងនេះបាន។</span></p>
<p><span style="color: #000000;">ចំពោះខ្សែភាពយន្ត បែបកំសត់ កំប្លែង ហូរទឹកភ្នែកដោយមិនដឹងខ្លួនមួយនេះ បានចាក់បញ្ចាំងហើយ គ្រប់បណ្តារោងភាពយន្តទាំងអស់ នៅក្នុងព្រះរាជាណាចក្រកម្ពុជា៕</span></p>
<p><span style="color: #000000;">ទស្សនា Trailer នៅទីនេះ</span></p>
<p><span style="color: #000000;"><br /><object width="480" height="380" data="http://www.youtube.com/v/d2zqjQISf14&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/d2zqjQISf14&rel=1" /></object></span></p>
<p> </p>
<p><span style="color: #000000;">ដើម្បីទទួលបានពត៌មានលំអិត ពីភាពយន្តនេះនិង ពត៌មានផ្សេងៗទៀតទាក់ទង នឹង ភាពយន្តដែលលោកអ្នកចូលចិត្តអាចចូលទៅកាន់ចៃកុន តាមប្រព័ន្ធបណ្តាញសង្គម ដូចជា:<span style="color: #0000ff;"><a href="https://www.facebook.com/JaiKon.Cambodia/timeline" target="_blank"><span style="color: #0000ff;">www.facebook.com/JaiKon.Cambodia</span></a> , <a href="https://www.youtube.com/user/JaiKonCambodia" target="_blank"><span style="color: #0000ff;">www.youtube.com/JaiKonCambodia</span></a></span> ហើយក៏អាច add ចៃកុនជាមិត្តក្នុងកម្មវិធីLINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ពីភាពយន្តជារៀងរាល់សប្តាហ៍។</span></p>
<div><span><br /></span></div>
<p><span style="color: #000000;"><br /></span></p>
<p> </p>