<p><strong>ភ្នំពេញៈ</strong> ថ្ងៃទី ១២-១២-១២ ត្រូវបានប្រជាពលរដ្ឋ ក៏ដូចជា សិល្បករ-សិល្បការិនី នៅក្នុង ប្រទេស<br /> ក៏ដូចជាក្រៅប្រទេស ចាត់ទុកថា ជាថ្ងៃលាភសំណាង សម្រាប់ពួកគេ ដែលមាន ឱកាសបានឆ្លង<br />កាត់ថ្ងៃនេះ ព្រោះថាក្នុងមួយជីវិតរបស់ពួកគេម្នាក់ៗ គឺមានតែ១ដងគត់ ជួបប្រទះថ្ងៃដ៏អស្ចារ្យនេះ<br /> ហើយថ្ងៃទី ១២-១២-១២ ជាថ្ងៃចុងក្រោយបំផុត នៃថ្ងៃដែលមានលេខរៀងជាន់គ្នាទាំង៣ (ថ្ងៃខែឆ្នាំ)។ </p>
<p>តាមកាលបរិច្ឆេទជាក់ស្ដែង ថ្ងៃដែលមានលេខ រៀងជាន់គ្នាទាំង៣នោះ នឹងកើតឡើងម្ដងទៀត នៅ<br />ថ្ងៃទី០១ខែ០១ឆ្នាំ២១០១ ដែលជាថ្ងៃពិសេសដូចគ្នា ពោលគឺរយៈ៨៩ឆ្នាំទៀត។ តារាសម្តែង និងជា<br />ពិធីករដែលពូកែ និយាយកំប្លុកកំប្លែង លោក ប៉ែន ចំរ៉ុង បានប្រាប់ Looking TODAY ឲ្យដឹងតាមទូរ<br />ស័ព្ទ នៅថ្ងៃទី១២ ខែធ្នូ ឆ្នាំ២០១២នេះថា លោកមានការ សប្បាយរីករាយណាស់ ដែលបានឆ្លងថ្ងៃ<br />ពិសេស គឺថ្ងៃ១២-១២-១២នេះ ។</p>
<p>តួឯកប្រុសក្នុងរឿង "នាយឡប់ជំពប់ស្នេហ៍" រូបនេះ បានប្រាប់ឲ្យដឹងទៀតថា " សម្រាប់ថ្ងៃ ពិសេស<br />នេះ ខ្ញុំមិនមានគម្រោង ឬក៏ពិធីជប់លៀង ដើម្បីអបអរនោះទេ ព្រោះថ្ងៃនេះ ខ្ញុំមានការ មមាញឹកជា<br />មួយចូលរួម កម្មវិធីការផងបុណ្យផង អត់មានពេលវេលារៀបចំ កម្មវិធីផ្ទាល់ខ្លួនទេ ។ ខ្ញុំគិតថាថ្ងៃ<br />នេះបងប្អូន ប្រជាពលរដ្ឋក៏ដូចជា អ្នកសិល្បៈមិនតិចទេ បានយកពេលរៀបចំ ពិធីមង្គលជ័យ នៅ<br />ក្នុងថ្ងៃនេះដោយសារ តែពួកគាត់ទាំងអស់គ្នា គិតថា ថ្ងៃនេះគឺជាថ្ងៃពិសេស ដែលកម្រនឹងបានជួប"។</p>
<p>មិនត្រឹមតែប៉ុណ្ណោះ លោក ចំរ៉ុង បានប្រាប់លាយឡំ នឹងសំណើចទៀតថា តាមការពិតទៅ លោកក៏<br />ចង់រៀបចំ កម្មវិធីពិសេស នៅថ្ងៃនេះដែរ តែត្រង់ថា លោកសំឡឹងរកមិនទាន់ ឃើញអ្នកពិសេស ទើប<br />មិនមានកម្មវិធីល្អៗដូចគេ ពិតជាមានការ សោកស្តាយខ្លាំងណាស់។<br />ចំណែកតារាស្រីរូបស្រស់ សោភារាងស្រឡូនខ្ពស់ ស្រឡះកញ្ញា ឈិត សុជាតា ក៏បានប្រាប់ឲ្យដឹង<br />ដែរថា នាងមានអារម្មណ៍រំភើបណាស់ ដែលបានកើតមកបាន ឆ្លងថ្ងៃដែលពិសេសនេះ ព្រោះថាជា<br />លេខល្អដល់ទៅ៣គូ។ ពិធីការិនីសម្បូរវោហារូបនេះ បានប្រាប់ឲ្យដឹងទៀតថា "តាមការពិតកាលពី<br />យប់មិញ ខ្ញុំនិងមិត្តភក្តិបាន រៀបចំកម្មវិធីមួយ ដើម្បីឆ្លងថ្ងៃពិសេសនេះ ។ បន្ទាប់មកក៏ផ្ញើរសារជូន<br />ពរ មិត្តភក្តិក្រុមគ្រួសារ នៅម៉ោង១២យប់ថ្ងៃទី១២-១២-១២នេះថែមទៀតផង ។</p>
<p>ខ្ញុំសង្ឃឹមថាថ្ងៃនេះនឹង កើតមានរឿងល្អៗក្នុងជីវិត នាងក្រុមគ្រួសារ និងបងប្អូនប្រជាពលរដ្ឋខ្មែរ<br /> ទាំងអស់ផងដែរ"។<br />ដោយឡែកតារាចម្រៀង ដែលមានឈ្មោះបោះសំឡេងមួយរូប ប្រចាំផលិតកម្មហង្សមាស លោក <br />សាពូន មីដាដា បានប្រាប់ឲ្យដឹងថា ក្នុងឱកាសថ្ងៃពិសេសនេះដែរលោក និងភរិយាមិនមានគម្រោង<br /> ចេញទៅដើរកម្សាន្តទៅណាទេ គឺលោកគ្រាន់ តែរៀបចំកម្មវិធីជួបជុំ ក្រុមគ្រួសារញុំាអាហារ ងូតទឹក<br />ជូនឳពុកម្តាយ ព្រោះ លោកគិតថាវាគឺជា ថ្ងៃពិសេសមួយ សម្រាប់ ជីវិតមនុស្សម្នាក់ៗ ដែលបានឆ្លង<br />កាត់។ ដូច្នេះយើងគួរតែ ធ្វើអ្វីល្អៗសម្រាប់មនុស្ស ជាទីស្រលាញ់។</p>
<p>តារាចម្រៀងប្រុសរូបនេះ បានប្រាប់ឲ្យដឹងទៀតថា "ខ្ញុំពិតជាមានអារម្មណ៍រំភើបណាស់ ដែលបាន<br />កើតមកមាន សំណាងបានឆ្លងថ្ងៃដែលកម្រ មានបែបនេះ។ ខ្ញុំគិតថាអ្វីដែល កើតមានឡើងនៅក្នុង<br />សម័យសម្តេចតេជោ គឺសុទ្ធសឹងតែរឿងពិសេស និងអច្ឆរិយៈដែលមិនធ្លាប់កើតមានទាល់តែសោះ"។</p>
<p>រីឯពិធីការិនី សំឡេងស្រទន់ រូបស្រស់ប្រចាំស្ថានីយទូរទស្សន៍បាយ័ន កញ្ញា ស៊ឹម សូលីកា ក៏ បាន<br />ប្រាប់<br />ពីអារម្មណ៍ ផ្ទាល់ខ្លួនរបស់នាងផងដែរថា នាងមានអារម្មណ៍រំភើប សប្បាយរីករាយ ដូចសិល្បករ-<br />សិល្បការិនី និងប្រជាពលរដ្ឋខ្មែរដូចគ្នា។ នាងនិយាយថា" ខ្ញុំមិនបានរៀបចំកម្មវិធីឆ្លងថ្ងៃ ពិសេស<br />នេះទេ ដោយសារតែមានការ មមាញឹកជាមួយការងារ ។ តែទោះបីជាយ៉ាងណាខ្ញុំ គិតថា មនុស្ស<br />ម្នាក់ៗដែល បានឆ្លងនៅថ្ងៃនេះ គឺសុទ្ធសឹងតែជាមនុស្ស ដែលមានសំណាង ព្រោះថ្ងៃពិសេស នេះ<br />មានទេម្ដងគត់"។</p>
<p>នៅថ្ងៃទី១២-១២-១២នេះ ត្រូវបានមនុស្សទូរទំាង ពិភពលោកចាប់អារម្មណ៍ និងឲ្យតម្លៃ ថាជាថ្ងៃផ្តល់<br /> សំណាងឲ្យពួកគេ ដូច្នេះហើយទើបបាន ជាមនុស្សជាច្រើន នំាគ្នាដាក់ថ្ងៃរៀបមង្គល ការ ពិធីជប់លៀង<br />ផ្សេងៗ និងបើកសម្ពោធហាងឲ្យចំថ្ងៃ ដែលកម្រនឹងជួបប្រទះនេះ៕</p>
<p><a class="thickbox" title="" href="/FileManager/Commons/2012/12/12/v1778-12-12-2012--20-52-57.jpg"><img src="/FileManager/Articles/mce/2012/12/12/v1778-12-12-2012--20-52-57.jpg" alt="" /></a></p>
<p><a class="thickbox" title="" href="/FileManager/Commons/2012/12/12/v1779-12-12-2012--20-53-29.jpg"><img src="/FileManager/Articles/mce/2012/12/12/v1779-12-12-2012--20-53-29.jpg" alt="" /></a></p>
<p><a class="thickbox" title="" href="/FileManager/Commons/2012/12/12/v1781-12-12-2012--20-53-58.jpg"><img src="/FileManager/Articles/mce/2012/12/12/v1781-12-12-2012--20-53-58.jpg" alt="" /></a></p>
<p><a class="thickbox" title="" href="/FileManager/Commons/2012/12/12/v1782-12-12-2012--20-54-26.jpg"><img src="/FileManager/Articles/mce/2012/12/12/v1782-12-12-2012--20-54-26.jpg" alt="" /></a></p>
<p><a class="thickbox" title="" href="/FileManager/Commons/2012/12/12/v1783-12-12-2012--20-55-09.jpg"><img src="/FileManager/Articles/mce/2012/12/12/v1783-12-12-2012--20-55-09.jpg" alt="" /></a></p>
<p style="text-align: right;">ដោយ៖ lookingtoday<br />ផ្តល់សិទ្ធិដោយ៖ <a href="http://www.lookingtoday.com/entertainment-general-news/11872-2012-12-12-09-47-16.html"><span style="color: #0000ff;">ដើមអំពិល</span></a></p>