<div class="article-content">
<p><strong>ព្រះសីហនុ៖</strong> ករណីចោរកាច់កម៉ូតូបានកើតឡើងទៀត ហើយ នៅកណ្តាលក្រុងព្រះសីហនុ ជា<br />ពិសេសចំពេល ដែលសមត្ថកិច្ចកំពុងយាមកាមយ៉ាងតឹងរឹងក្នុងក្រុង ដើម្បីការពារដំណើរទស្សន<br />កិច្ចរបស់សម្តេចតេជោ ហ៊ុន សែន នាយក រដ្ឋមន្រ្តីកម្ពុជាទៅកាន់តែខេត្តជាប់ឆ្នេរសមុទ្រមួយនេះ។</p>
<p>សកម្មភាពចោរកាច់កម៉ូតូនេះ បានកើតឡើងកាលពីយប់ថ្ងៃទី៣០ ខែមេសា ឆ្នាំ២០១៣ វេលាម៉ោង<br />២២ និង៣០ នាទី នៅបណ្តោយឆ្នេរសមុទ្រអូរឈើទាល ត្រង់ចំណុចបន្ទាយកងរាជអាវុធហត្ថចាស់<br /> ក្នុងសង្កាត់លេខ៤ ក្រុងខេត្ត ព្រះសីហនុ។</p>
<p>តាមសាក្សីនៅកន្លែងកើតហេតុបានប្រាប់មជ្ឈមណ្ឌលព័ត៌មានដើមអម្ពិលថា ម៉ូតូដែលត្រូវចោរលួច<br />យកទៅនោះ ម៉ាក សង់សេ១២៥ ពណ៌ខ្មៅ ស៊េរីឆ្នាំ២០០៩ ពណ៌ព្រីងទំ ស្លាកលេខ ព្រះសីហនុ 1C-<br />6424 មានម្ចាស់ឈ្មោះ ហ៊ឹម សុធី ភេទស្រី អាយុ៣៥ឆ្នាំ រស់នៅភូមិ១ សង្កាត់លេខ៤ ក្រុងខេត្តព្រះ<br />សីហនុ មុខរបរចុងភៅនៅហាងបារាំង ឆ្នេរអូរឈើទាល និងប្តីឈ្មោះ វុធ មុខរបរបុគ្គលិកនៅហាង<br />បារាំងជាមួយគ្នា។</p>
<p>សាក្សីបានបន្តទៀតថា ម្ចាស់ម៉ូតូពីរនាក់ប្តីប្រពន្ធនេះ ជានិច្ចកាលតែងតែប្រុងប្រយ័ត្នណាស់ចំពោះ<br />ម៉ូតូរបស់ខ្លួននៅ ពេលមកធ្វើការនៅហាងបារាំងម្តងៗ តែងតែចាក់សោរត្រឹមត្រូវមិនដែលធ្វេសប្រ<br />ហែសឡើយ ប៉ុន្តែជៀសមិនរួចពី ការបាត់បង់ដដែល។ ក្នុងម៉ូតូដែលបាត់នោះមានទាំងកាតគ្រី ទើប<br />តែធ្វើស្លាកលេខហើយថ្មីៗទៅជាមួយផងដែរ។</p>
<p>អ្វីដែលគួរឲ្យកត់សម្គាល់នោះ យបើកើតហេតុនោះ ជាយប់ដែលសមត្ថកិច្ចគ្រប់ស្ថាប័ន កំពុងយាម<br />តាមគោលដៅ ពាស ពេញទូទាំងក្រុង ដើម្បីការពារសុវត្ថិភាពជូនសម្តេចតេជោ ដែលនឹងអញ្ជើញ<br />មកចូលរួមក្នុងកម្មវិធីទិវាពលកម្ម អន្តរជាតិ ១ ឧសភា នៅក្នុងកំពង់ផែស្វយ័តក្រុងព្រះសីហនុ។</p>
<p>នៅពេលដែលមានការឆោrឡោឡើងប្រជាពលរដ្ឋដែលរកស៊ីនៅតំបន់នោះ បាននាំគ្នារអ៊ូរទាំថា<br /> តំបន់នេះមិនដឹង ជាស្អីទេ មានបញ្ហារាល់ថ្ងៃ ជាពិសេសពួកចោរតែងតែដើរលូចរបស់របរភ្ញៀវ <br />ដែលមកសម្រាកកម្សាន្តងូតទឹក សមុទ្រលេងជារៀងរាល់ថ្ងៃ មិនដែលឃើញសមត្ថកិច្ចមានវិធាន<br />ការបោសសំអាតឡើយ។</p>
<p>ក្រុមម៉ូតូឌុបនៅតំបន់នោះក៏បានពោលប្រហាក់ប្រហែល និងក្រុមអ្នករកស៊ីទាំងនោះដែរថា ពួកគាត់<br />មិនហ៊ានចូល ក្នុងតំបន់នោះទុកម៉ូតូចោល ហើយដើរហៅម៉ូយដូចពីមុនឡើយ ពួកគាត់សុខចិត្តប្រ<br />មូលផ្តុំគ្នាជាក្រុមនៅខាងក្រៅ ជាប់ផ្លូវ កៅស៊ូ ហើយស្រែកហៅម៉ូយ ដែលដើរចេញពីក្នុងតំបន់ឆ្នេរ<br />នោះវិញវាល្អរជាង ព្រោះកាលពីប៉ុន្មានថ្ងៃមុន នោះមានគ្នា របស់គាត់ម្នាក់ ឈ្មោះ សេង វ៉ាន់នី ភេទ<br />ប្រុស អាយុ២៤ឆ្នាំ មុខរបររត់ម៉ូតូឌុប មានទីលំនៅភូមិ៤ សង្កាត់លេខ៤ ក្រុង ខេត្តព្រះសីហនុ ត្រូវ<br />បានជនសង្ស័យចំនួន ៣នាក់ លូចយកទៅបាត់ ប៉ុន្តែដោយពួកគាត់មាន គ្នាច្រើនក៏បានចែកផ្លូវគ្នា<br /> តាមស្កាត់រកគ្រប់ទីកន្លែង ប្រហែលជា៣ម៉ោងក្រោយមកគ្នាគាត់ បានប្រទះជនសង្ស័យ កំពុងឌុប<br />គ្នាទាំងបីនាក់ បាន ព្រួតគ្នាចេញចាប់ប្រគល់ឲ្យសមត្ថកិច្ចបានចំនួន២នាក់ផងដែរ។</p>
<p>កាលពីថ្ងៃទី២៧ ខែមេសា ឆ្នាំ២០១៣ នៅចំណុចមុខផ្សារឃ្លាំងលើក្នុងសង្កាត់លេខ១ ក៏មានករណី<br />កាច់កម៉ូតូសង់ សេ១២៥ មួយគ្រឿង និងថ្ងៃទី២៩ ខែមេសា ឆ្នាំ២០១៣ នៅចំណុចហាងបារាំងឈ្មោះ<br /> LED ZYPHER ស្ថិតនៅ ផ្លូវទៅកំពង់ផែទេសចរណ៍ពយតាមូង ក្នុងសង្កាត់លេខ៤ ក៏មានករណីកាច់<br />ករម៉ូតូម៉ាក Airblade 2012 របស់បុគ្គ លិកហាងខាងលើនេះដែរ ដែលចំណុចនេះនៅក្បែរនឹងចំណុច<br />កំពុងតែបាត់នេះ ប្រហែលជាបីរយម៉ែត្រប៉ុណ្ណោះ នៅ ទល់មុខហាងបារាំងនេះ ក៏មានប៉ុស្តិ៍នគរបាល<br />មួយផងដែរ ។</p>
<p>បច្ចុប្បន្ននេះប្រជាពលរដ្ឋកំពុងតាមដានមើលចំណាត់ការរបស់សមត្ថកិច្ច ក្នុងការកម្ចាត់ចោហារយ<br />ទាំងនេះ ទាំង ចោរ កាច់កម៉ូតូ ទាំងចោរលួចតាមឆ្នេរសមុទ្រ ទាំងចោរឆក់តាមផ្លូវផងដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-009/S-306.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-009/S-307.jpg" alt="Photo by DAP-NEWS" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>