<p><strong>ភ្នំពេញៈ</strong> តារាស្រីតួកាចឆ្នាស់ឆ្នើមឈ្នានីស អ្នកនាង ស្វែង សុជាតា បានធ្វើឲ្យទស្សនិកជនជាច្រើន មានការងឿងឆ្ងល់ គ្រប់ៗគ្នា ក្រោយពីនាង បានបង្ហាញសារដោយខ្លីថា នាងត្រូវបានជនអនាមិក ព្យាយាមតាមរករឿងធ្វើបាប មិនឈប់មិនឈរ រហូតដល់នាងទ្រាំមិនបានក៏សម្រេចចិត្ត បង្ហាញអាថ៌កំបាំងជា សាធារណៈបែបនេះតែម្តងទៅ ។</p>
<p>តាមរយៈសារបង្ហោះ នៅក្នុង Account Facebook របស់ ស្វែង សុជាតា កាលពីពេលថ្មីៗនេះ បានសរសេរថា “សួស្តីមិត្តទាំងអស់គ្នា ! មួយរយៈដែលនាងខ្ញុំ បានផ្អាក សកម្មភាពកន្លងមក ដោយសារតែមានមនុស្សតាមធ្វើបាបខ្ញុំ តាមរករឿងខ្ញុំ ហើយគេនោះជាជនជាន់ខ្ពស់ម្នាក់ ដែលមិនមែនជាជនជាតិខ្មែរ។ ដូច្នេះខ្ញុំសូមផ្តាំ ទៅបង ប្អូនមិត្តៗទាំងអស់ ទៅដល់ពិភពលោកផងដែរ អំពីរឿងអាក្រក់ មកលើខ្ញុំ បើសិនជាមានរឿងនេះ កើតមកលើខ្ញុំម្តងទៀត ខ្ញុំនឹងបើកកកាយ រឿងទាំងអស់ ដែលបានធ្វើមកលើខ្ញុំ។ ដូច្នេះសូមមិត្តៗទាំង អស់ជួយដឹងឮផង ហើយសូមជំរាបផងដែរអំពី Account ក្នុង Facebook របស់ខ្ញុំ មានតែមួយគត់ ហើយក៏ មាន E-mail តែមួយផងដែរ គឺ <a href="mailto:svengsocheata99@gmail.com">svengsocheata99@gmail.com</a> ចំពោះAccount ផ្សេងៗ គឺក្លែងក្លាយទេ” ។</p>
<p>តាមរយៈការព្រលយសម្តី បែបលាក់លៀមខ្លះៗនេះ អ្នកនាង ស្វែង សុជាតា មិនបានបញ្ជាក់ លំអិតពីអត្តសញ្ញាណ អ្នកដែលព្យាយាម តាមធ្វើបាបនាងឲ្យច្បាស់លាស់ ឬក៏មានគម្រោងដាក់ពាក្យ ប្តឹង ទៅតុលាការ ដើម្បីការពារខ្លួននោះទេ ដោយគោលបំណងនាងគ្រាន់ តែសុំឲ្យ ទស្សនិកជន ក៏ដូចជាមិត្តភក្តិក្នុង Facebook បានដឹងហើយចូលរួមធ្វើជាសាក្សីតែប៉ុណ្ណោះ។</p>
<p>ពិតជារឿងចំឡែកណាស់ សម្រាប់ការលើកឡើងបែបនេះ របស់ អ្នកនាង ស្វែង សុជាតា ដែលជាធម្មតាសម្រាប់ជនរងគ្រោះ នៅពេលជួបរឿងអ្វីមួយ គេតែងតែខំប្រឹង ស្វែងរកស្ថាប័នមានសមត្ថកិច្ច ឲ្យជួយអន្តរាគមន៍ ជួយការពារ សុវត្ថិភាពផ្ទាល់ខ្លួន តែសម្រាប់តារាស្រីរូបនេះបែរ ជាគ្មានវិធានការអ្វី ទាល់តែសោះ ហាក់បីដូចជាមានអាថ៌កំបាំង នៅពីក្រោយខ្នង ហើយគេ ក៏មិនដឹងដែរថា តើអ្នកដែលតាមធ្វើបាបនាងនោះ មានចេតនាអ្វីឲ្យពិតប្រាកដ នោះទេ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0113.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0114.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0115.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0116.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-065/PISETH-0117.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/28496-2014-03-13-10-30-09.html" target="_blank">ផ្តល់សិទ្ធដោយ ៖ ដើមអម្ពិល</a></p>