<p><span style="color: #000000;"><strong>បន្ទាយមានជ័យ ៖</strong> លោកយាយ និងចៅប្រុស ត្រូវបានជនខិលខូច បានមកដាក់ថ្នាំសណ្តំ និងបានដោះយក ចិញ្ចៀនមាស១វង់ និងក្រវិលផ្លាកទីន១គូរ តែសំណាង មិនបាត់ ទ្រព្យនៅលើផ្ទះ។ ហេតុការណ៍នេះ បានកើតឡើង នៅវេលាម៉ោង១០និង៤០នាទីព្រឹក ថ្ងៃទី០៣ ខែវិច្ឆិកា ឆ្នាំ២០១៤ នៅចំណុចភូមិទួលពង្រ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ ។</span></p>
<p><span style="color: #000000;">បើតាមប្រភពព័ត៌មាន ពីសមត្ថកិច្ច បានប្រាប់ទៀតថា លោកយាយ និងចៅប្រុស កំពុងចាំផ្ទះ ចំណែកក្រុមគ្រួសារ ផ្សេងៗទៀត បាននាំទៅធ្វើការអស់ និងមិនដឹងថា មានជនខិតខូច មកដាក់ថ្នាំសណ្តំ មានគ្នាប៉ុន្មាននាក់នោះដែរ ។</span></p>
<p><span style="color: #000000;">លោកយាយរងគ្រោះ ឈ្មោះ សូ វុន អាយុ ៧៥ឆ្នាំ និងចៅប្រុស មានឈ្មោះផាន់ មករា អាយុ១២ឆ្នាំ រស់នៅ ភូមិកើតហេតុខាងលើ បានបាត់បង់រួមមាន ចិញ្ជៀនមាសទម្ងន់២ជី និងក្រវិល ផ្លាកទីនមួយគូរ តែសំណាង ជនទាំងនេះ មិនបានបង្កឲ្យ អ្នករងរបួសអ្វីនោះឡើយ។<strong> </strong>ក្រោយពីកើតហេតុ គេឃើញមានសមត្ថកិច្ច អ.ហ ចុះទៅស្រាវជ្រាវ និងបានតាម ប្រម៉ាញ់រកជនទាំងផងដែរ ដើម្បីយកមក ដាក់ទោស តាមផ្លូវច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/3/ho-1561-03-11-2014--16-34-24.jpg"><img src="/FileManager/Articles/mce/2014/11/3/ho-1561-03-11-2014--16-34-24.jpg" alt="" /></a><br /></span></p>
<p style="text-align: right;"><span style="color: #000000;"><br />ផ្ដល់សិទ្ធិដោយ៖ ដើមអម្ពិល</span></p>