<p><span style="font-size: small; line-height: 1.8;"><strong>ភ្នំពេញ៖</strong> សល់តែដប់ថ្ងៃទៀតទេ ការប្រគំតន្រ្តីធំប្រចាំឆ្នាំ របស់ហង្សមាស Best of the best<br /> 2013 នឹងមកដល់ហើយ តារាចម្រៀងស្រីប្រុសជាច្រើន បានសម្រិតសម្រាំង បទចម្រៀង<br />នឹងក្បាច់រាំ នឹងស្ទីលស្លៀកពាក់ប្លែក ដើម្បីបង្ហាញទស្សនិកជន។ ដោយឡែក ផន ស្រីខួច តារាចម្រៀងចំណូលថ្មីរបស់ហង្សមាសវិញ បែរជាអវត្តមានគួរឲ្យ សោកស្ដាយជាទីបំផុត<br /> សម្រាប់តារាល្បីដូចរូបនាង ដែលមិនបានជាន់ឆាក ប្រគំតន្រ្តីដ៏ធំសម្បើប តែមួយគត់ប្រចាំ<br />ឆ្នាំ។</span></p>
<p><span style="font-size: small;">ជំនួបផ្ទាល់នៅក្នុងកម្មវិធីថត MTV បទកន្ត្រឹមរបស់ហង្សមាស ស្រីស្អាត ផន ស្រីខួច បាន<br />រៀបរាប់ប្រាប់ LookingTODAY ថា មូលហេតុដែលនាងមិនបាន ឡើងឆាកតន្រ្តីធំនោះដោយ<br />សារ តែនាងមិនទាន់មានបទបែបយុរវ័យ ហើយក៏មិនទាន់មានបទញាក់កន្ត្រាក់អារម្មណ៍ដូច<br />តារាចម្រៀងដទៃ។ តែយ៉ាងណានាងមិនឡើងក៏អត់បញ្ហាដែរ អ្វីដែលសំខាន់ពេលនេះនាង<br />កំពុងពង្រឹងបទបែបប្រជាប្រិយសិន ព្រោះនាងមិនមែន តារាចម្រៀងសម័យនោះទេ ហើយ គ្រាន់តែបទកន្រ្តឹមសោះនាងបានដល់ទៅ៥បទទៅហើយ នៅបទសម្រាប់អបអរសាទរបុណ្យ<br />ចូលឆ្នាំ ប្រពៃណីខ្មែរចំនួន១០បទ ដែលបញ្ជាក់ថានាងពិតជាមិនធម្មតានោះទេ។</span></p>
<p><span style="font-size: small;">ស្រីខួច បន្តថា នៅដើមខែមេសាខាងមុននេះនាងនឹងទៅសម្ដែងនៅសហរដ្ឋអាមេរិច។ នាង<br />បន្តទៀតថា ឆ្នាំនេះមិនបានឡើងជាន់ឆាក Best of the Best តែឆ្នាំក្រោយនាងមិនបន្ធូរដៃ<br />នោះទេ ព្រោះនាងអាចច្រៀងបានបទ គ្រប់ប្រភេទមិនមែនតែបទបែបប្រពៃណីនោះទេ។</span></p>
<p><span style="font-size: small;">សម្រាប់ព្រឹត្តិកាណ៍ប្រគំតន្រ្តីធំបំផុតរបស់ហង្សមាសឆ្នាំនេះ បាត់តារាចម្រៀងច្រើនណាស់<br /> ដូចជា តារាចម្រៀងដែលរងការិះគន់រឿងចម្លងស្ទីលពីគេ ណុប បាយ៉ារឹទ្ធ តារាចម្រៀង សា<br />ពូនមីដាដា តារាចម្រៀងរបស់ក្រសួងទេសចរណ៍ ស៊ុន ស្រីពេជ្រ តារាចម្រៀងសំឡេងរដឺន<br />មានស្នេហ៍លោក យក់ ដួងតារា ហើយចុងក្រោយ គឺស្រីស្អាត ផន ស្រីខួចនេះឯង ។ មានន័យថាស្រីខួចមិនបានច្រៀងក្នុងការប្រគំតន្រ្តីដ៏ធំសម្បើម មិនមែនជារឿងចម្លែកនោះទេ ព្រោះតារាចម្រៀងផ្សេងក៏អវត្តមានដូចនាងដែរ មិនមែនមានតែនាងម្នាក់ឯងនោះទេ៕</span></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-017/chetha-38.jpg" alt="www.lookingtoday.com" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/Feb/id-017/chetha-39.jpg" alt="www.lookingtoday.com" width="400" /></p>
<p style="text-align: right;"><span style="font-size: small;">ផ្តល់សិទ្ធិដោយ៖ ដើមអំពិល</span></p>