<p><span style="color: #000000;"><strong>(មណ្ឌលគិរី)៖</strong> ស្របពេលដែលមានបទបញ្ជាយ៉ាងតឹងរ៉ឹងពីសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជាស្តីពីការរឹតបណ្តឹង បទល្មើសព្រៃឈើ និងចាត់ចែងគណៈកម្មការថ្នាក់ជាតិដើម្បីចុះស្រាវជ្រាវ និងធ្វើកាទប់ស្កាត់នៃករណីនេះទូទាំងប្រទេស។</span></p>
<p><span style="color: #000000;">ដោយឡែកនៅខេត្តមណ្ឌលគិរី ឯណោះវិញប្រជាពលរដ្ឋ និងសហគមន៍កាពារព្រៃឈើនៅតំបន់នេះ បានរាយការណ៍ថា៖ ភ្លើងកំពុង បន្តឆាបឆេះឈើ នៅក្នុងក្រុមហ៊ុនចំនួន៣ជាបន្តបន្ទាប់ ក្នុងនោះដំបូងគេមានភ្លើងឆេះឈើនៅក្នុងក្រុមហ៊ុន ប៊ិនភឿក១រហូតដល់ថ្ងៃនេះ បានកើនឡើងដល់ ៨៨កំណាត់ ហើយសេចក្តីរាយការណ៍ប្រាប់ពេលនេះភ្លើងពុំទាន់ត្រូវបានរលត់នោះទេនៅវេលាយប់មិញនេះគឺក្នុង ថ្ងៃទី ២៥-២៦ ខែមករា ឆ្នាំ២០១៦ នេះភ្លើង កំពុងឆាបឆេះឈើនៅក្នុងក្រមហ៊ុនចំនួន ពីរផ្សេងទៀតគឺក្រុមហ៊ុនកសិកម្មខ្មែរអង្គរ និងក្រុមហ៊ុនដាយណាម ដោយក្រុមហ៊ុន កសិកម្មខ្មែរអង្គរ យប់ម៉ិញនេះភ្លើងបានឆាបឆេះឈើនៅទីនោះអស់ចំនួន៣៨កំណាត់ នៅវេលាយប់មិញដូចគ្នា ឈើនៅក្នុងក្រុមហ៊ុន ដាយណាមក៍ មានភ្លើងឆេះឈើអស់ចំនួន២០០កំណាត់។</span></p>
<p><span style="color: #000000;">សហគមន៍ការពារព្រៃឈើ និងប្រជាពលរដ្ឋបានសម្តែងនូវការងឿងឆ្ងល់យ៉ាងខ្លាំង ចំពោះករណីរឿងភ្លើងឆេះឈើខាងលើនេះពួកគាត់ និយាយថា ហេតុអ្វីមុនពេលសម្តេចតេជោ ហ៊ុន សែន នាយករដ្ឋមន្រ្តីដាក់ចេញនូវបទបញ្ជាគឺពុំដែលមានភ្លើងឯណាមកឆាបឆេះ ឈើងាយៗនោះឡើយ តែស្របពេលនេះគឺមានភ្លើងចាប់ផ្តើមឆេះឈើជាបន្តបន្ទាប់ ពួកគាត់បានដាក់ការសង្ស័យថាអាចជាការលួចដុត ដើម្បីបំបាត់ភស្តុតាងទាំងស្រុង។</span></p>
<p><span style="color: #000000;">ពួកគាត់បានធ្វើការអំពាវនាវស្នើឱ្យអាជ្ញាធរខេត្ត និងអង្គភាពពាក់ព័ន្ធព្រមទាំងមន្រ្តីជំនាញនៅតំបន់នេះមេត្តាជួយស្រាវជ្រាវរកមូលហេតុ ពិតនៃករណីនេះ ផងដើម្បីចាត់វិធានការតាមផ្លូវច្បាប់។</span></p>
<p><span style="color: #000000;">ទាក់បញ្ហាខាងលើនេះលោក ជុយ សុឃាង នាយផ្នែករដ្ឋបាលព្រៃឈើ ស្រុកកែវសីមា អ្នកឆ្លើយឆ្លងព័ត៌មានយើងប្រចាំខេត្តនេះ បានធ្វើការទំនាក់ទំនង សុំការបភ្លឺបន្ថែមជុំវិញបញ្ហានេះដែរនៅរសៀលថ្ងៃទី២៦ ខែមករា ឆ្នាំ២០១៦នេះតែទូរស័ព្ទចូលជាច្រើនដងគ្មាន អ្នកទទួល។ លោក វង់ សុកសិរី នាយខណ្ឌរដ្ឋបាលព្រៃឈើ ខេត្តមណ្ឌលគិរី នៅរសៀលថ្ងៃនេះមិនអាចទាក់ទងសុំការបំភ្លឺជុំវិញ ករណីនេះបានទេ។</span></p>
<p><span style="color: #000000;">លោក អេង ប៊ុនហ៊ាង អភិបាលខេត្តមណ្ឌលគិរី នៅរសៀលថ្ងៃទី២៦ ខែមករា ឆ្នាំ២០១៦នេះ វេលាម៉ោង១៥៖៥០នាទី លោកបានបញ្ជាក់ប្រាប់ថា ពិតជាមានភ្លើងឆេះឈើនេះពិតមែន តែលោកថា វាជាភ្លើងឆេះព្រៃរាល ទៅឆេះឈើនោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/26/1-26-2016-5-04-11-pm-26-01-2016--17-11-24.png"><span style="color: #000000;"><img src="/FileManager/Articles/mce/2016/1/26/1-26-2016-5-04-11-pm-26-01-2016--17-11-24.png" alt="" /></span></a></span></p>
<p><span style="color: #000000;"><a class="thickbox" title="" href="/FileManager/Commons/2016/1/26/1-26-2016-5-03-54-pm-26-01-2016--17-11-42.png"><span style="color: #000000;"><img src="/FileManager/Articles/mce/2016/1/26/1-26-2016-5-03-54-pm-26-01-2016--17-11-42.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>