<p>នៅក្នុងការផ្សាយពាណិជ្ជកម្ម ដ៏ចម្លែកមួយសម្រាប់ស្មាតហ្វូន Xperia M4 Aqua ក្រុមហ៊ុន Sony បាន បង្ហោះ ផ្សាយឲ្យដឹងនូវការពិតគួរឲ្យខ្លាចមួយ ស្តីពីស្មាតហ្វូន។</p>
<p><a href="http://www.camnews.com.kh/News/Detail/24975/blackberry-may-launch-android-phones-this-year"><span style="color: #3366ff;"><em>អាន៖ BlackBerry អាចធ្វើការបង្ហាញណែនាំ ស្មាតហ្វូនប្រើប្រព័ន្ធប្រតិបត្តិការ Android នៅក្នុងឆ្នាំនេះ</em></span></a></p>
<p style="text-align: center;"><a class="thickbox" title="" href="/FileManager/Commons/2015/6/13/074-13-06-2015--13-06-41.jpg"><img src="/FileManager/Articles/mce/2015/6/13/074-13-06-2015--13-06-41.jpg" alt="" /></a></p>
<p style="text-align: center;"><span style="color: #999999;"><em>ស្មាតហ្វូនរបស់អ្នកអាចកខ្វក់ជាង បង្គន់សាធារណះ ទៅទៀត</em></span></p>
<p>នៅក្នុងយុទ្ធនាការផ្សាយពាណិជ្ជកម្មដល់ស្មាតហ្វូន Xperia M4 Aqua ដែលទើបបានបង្ហាញខ្លួនកាល ពីពេលថ្មីៗនេះ ក្រុមហ៊ុន Sony បានប្រកាសនូវគេហទំព័រមួយមានឈ្មោះថា "dirtyphones.org"។ ដូច ទៅនឹងឈ្មោះដាក់របស់ខ្លួន dirtyphones.org ត្រូវបានប្រើដើម្បីប្រកាសបង្ហាញ បណ្តាឯកសារគួរឲ្យ ខ្លាចស្តីពីស្មាតហ្វូន ក្នុងនោះ 92% នៃស្មាតហ្វូនសុទ្ធតែបានឆ្លងជាប់នូវបាក់តេរី 16% ក្នុងចំនួននោះ មានបាក់តេរីឈ្មោះ E.coli ដែលជាបាក់តេរីមួយប្រភេទមានគ្រោះថ្នាក់ ហើយច្រើនមាននៅក្នុង លាមក។</p>
<p>នៅពេលដែលចុចចូលមើលគេហទំព័រ dirtyphones.org អ្នកអាចប្រើប្រាស់ Tool ដើម្បីដឹងពីការប៉ាន់ ប្រមាណចំនួនបាក់តេរីដែលកំពុងមាននៅលើស្មាតហ្វូនរបស់អ្នក ជាមួយនឹង Tool មានឈ្មោះ "Germ-o-Meter" ដែល Sony ជាអ្នកផ្គត់ផ្គង់។</p>
<p><a href="http://www.camnews.com.kh/News/Detail/28743/lacked-photo-of-galaxy-s6-plus-screen-55-inch"><em><span style="color: #3366ff;">អាន៖ លេចចេញរូបភាពជាក់ស្តែង របស់ Galaxy S6 Plus អេក្រង់ទំហំ 5,5 inch</span></em></a></p>
<p>តាមរយះគេហទំព័រខាងលើដដែល Sony បានប្រកាសផ្សាយបណ្តាព័ត៌មាន ដែលអត្ថប្រយោជន៍ អាចជួយអ្នកប្រើប្រាស់ស្មាតហ្វូន នូវវិធីប្រើប្រាស់ ឲ្យមានសុវត្ថិភាពជាងនេះ។ តាមប្រភពពីគេហទំព័រ dirtyphones.org ទូរស័ព្ទច្រើនតែឆ្លងបាក់តេរីពីមជ្ឍដ្ឋាននៅក្នុងហាង បន្ទប់ទឹកសាធារណះ និងបន្ទប់ Gym (កន្លែងហាត់ប្រាណ)។ Sony ក៏បានបញ្ជាក់ឲ្យដឹងថា អ្នកអាចធ្វើឲ្យស្មាតហ្វូនរបស់អ្នកស្អាតមាន អនាម័យបាន ដោយជូតសំអាតនឹងក្រដាសអនាម័យ ដោយប្រើជាតិអាល់កុល ឬបណ្តាឧបករណ៍ប្រើ ពន្លឺ UV។</p>
<p style="text-align: center;"><a class="thickbox" title="" href="/FileManager/Commons/2015/6/13/075-13-06-2015--13-08-04.jpg"><img src="/FileManager/Articles/mce/2015/6/13/075-13-06-2015--13-08-04.jpg" alt="" /></a></p>
<p style="text-align: center;"><span style="color: #999999;"><em>អ្នកអាចសំអាតស្មាតហ្វូនអ្នកឲ្យស្អាតបាន ដោយជូតសំអាតនឹងក្រដាសអនាម័យ ដោយប្រើសារធាតុអាល់កុល ឬបណ្តាឧបករណ៍ប្រើពន្លឺ UV...</em></span></p>
<p style="text-align: center;"><a class="thickbox" title="" href="/FileManager/Commons/2015/6/13/076-13-06-2015--13-11-10.jpg"><img src="/FileManager/Articles/mce/2015/6/13/076-13-06-2015--13-11-10.jpg" alt="" /></a></p>
<p style="text-align: center;"><span style="color: #999999;"><em>...ឬយកស្មាតហ្វូនរបស់អ្នកទៅលាងទឹក បើសិនអ្នកប្រើប្រាស់ Xperia M4 Aqua</em></span></p>
<p><span class="internalLink"><a href="http://www.camnews.com.kh/News/Detail/31605/galaxy-tab-e%E2%80%8B-screen-96-inch-revealed"><span style="color: #3366ff;"><em>អាន៖ Galaxy Tab E អេក្រង់ 9.6 inch ថែប្ល៊ែតថ្មីមួយទៀតរបស់ Samsung លេចចេញរូបរាង</em></span></a></span></p>
<p>ប៉ុន្តែជាក់ស្តែង Sony មិនមែនបង្កើតគេហទំព័រមួយ ដើម្បីតែជួយផ្តល់អត្ថប្រយោជន៍មួយចំនួន ដល់ សាធារណជនប៉ុណ្ណោះទេ។ ដើម្បីទទួលបានបទពិសោធប្រើប្រាស់ស្មាតហ្វូន ដែលស្អាតគ្មានបាក់តេរី អ្នកត្រូវតែឧស្សាហ៍យកស្មាតហ្វូនរបស់ខ្លួន ទៅលាងសំអាតជាញឹកញាប់ ហើយស្មាតហ្វូន Sony Xperia M4 Aqua គឺជាស្មាតហ្វូនមួយ ក្នុងចំណោមស្មាតហ្វូនមួយចំនួនតិចផ្សេងទៀត ដែលអាច ជួយអ្នកលាងសំអាតវា ដោយមិនព្រួយបារម្ភពីការខូចខាត។</p>
<p>បង្ហាញខ្លួននៅលើទីផ្សារកាលពីខែ ឧសភា កន្លងទៅនេះ Xperia M4 Aqua គឺជាស្មាតហ្វូនស៊េរីមធ្យម គួរឲ្យចាប់អារម្មណ៍មួយ ជាមួយនឹងអេក្រង់ 5 inch កំរិតរីសូលុយហ្សិន HD 720p, CPU Snapdragon 615, RAM 2GB, ថាមពលថ្ម 2400 mAh និងមេម៉ូរីក្នុងមានបីប្រភេទគឺ 8/16/32GB ហើយអាចថែម មេម៉ូរីក្រៅបាន ហើយមានកាមេរ៉ាក្រោយ 13MP និងកាមេរ៉ា Selfie 5MP។ ប៉ុន្តែលក្ខណៈសម្បត្តិល្អ គួរសមនេះ វាមិនសំខាន់ស្មើនឹងសមត្ថភាពអាចការពារជម្រាបទឹក និងហុយចូលធូលី តាមស្តង់ដារ IP58 របស់ Xperia M4 Aqua នោះទេ។ ពេលប្រើប្រាស់ស្មាតហ្វូនអាចការពារជម្រាបទឹករបស់ Sony អ្នកអាចយកវាទៅលាងទឹក សំអាតបាក់តេរីបានដោយសេរី ដើម្បីកំចាត់ចេញនូវបាក់តេរីរាប់សិបពាន់ ដែលមាននៅលើទូរស័ព្ទ របស់អ្នក។</p>
<p><a href="http://www.camnews.com.kh/News/Detail/42978/galaxy-note-5-will-screen-79-mm"><span style="color: #3366ff;"><em>អាន៖ Galaxy Note 5 នឹងប្រើប្រាស់អេក្រង់ 5,9 inch, USB-C, Chip ថ្មី, ថាមពលថ្ម 4100mAh, មានកម្រាស់ 7,9mm?</em></span></a></p>
<p style="text-align: left;">គួរបញ្ជាក់ដែរថា ការយកសារធាតុអាល់កុលមកជួតសំអាតនឹងសំបករបស់ស្មាតហ្វូន ជាពិសេសគឺ ស្មាតហ្វូនដែលមានសំបកធ្វើពីសារធាតុអាលុយមីញ៉ូម តួយ៉ាងដូចជា iPhone 6, 6 Plus ជាដើម គឺវា អាចធ្វើឲ្យពណ៌សំបក ប្រែទៅជារាងស្លេក ដែលនេះជាបទពិសោធន៍ជាក់ស្តែងរបស់ខ្ញុំផ្ទាល់ ពេល ដែលខ្ញុំយកសំឡីផ្តិតជាប់នឹងសារធាតុអាល់កុល មកជូតសំអាតលើសំបក iPhone 6 Gold ដែលមាន ជាប់ស្នាមប្រឡាក់។ ដូច្នេះបើអាច គួរកុំជូតសំអាតសំបកស្មាតហ្វូនដែលធ្វើពីអាលុយមីញ៉ូម ជាមួយ សារធាតុអាល់កុល៕</p>
<p style="text-align: right;">ប្រែសម្រួល៖ ករុណា<br />ប្រភព៖ <em>PhoneArena, Vreview</em></p>