<p>ករណីបំផ្ទុះគ្រាប់បែក និងបាញ់ប្រហារជាបន្តបន្ទាប់ នៅឯព្រលានយន្តហោះ Ataturk នាក្រុង<br /> Istanbul កាលពីម្សិលមិញ សម្លាប់មនុស្សយ៉ាងតិច ៣៦នាក់។</p>
<p>ទំព័រ AFP ដកស្រង់សំដីអាជ្ញាធរឱ្យដឹងថា ក្រុមជនល្មើស បានបាញ់ប្រហារទៅលើសន្ដិសុខ<br />ព្រលានយន្តហោះ មុនពេលពួកគេចុចបំផ្ទុះគ្រាប់បែកអត្តឃាត។</p>
<p style="text-align: center;"><a class="thickbox" title="" href="/FileManager/Commons/2016/6/29/turkey-airport-data-29-06-2016--11-20-42.jpg"><img src="/FileManager/Articles/mce/2016/6/29/turkey-airport-data-29-06-2016--11-20-42.jpg" alt="" /></a></p>
<p>មន្ដ្រីទួគីនិយាយថា យ៉ាងហោច មានអ្នកស្លាប់ចំនួន ៣៦នាក់ និងអ្នករងរបួសចំនួនជាង ១៥០<br />នាក់។ ទូរទស្សន៍ NTV ឱ្យដឹងថា ភាគច្រើននៃអ្នកស្លាប់ដោយសារអំពើភេរវកម្មនេះ គឺជាជន<br />ជាតិទួគី ហើយមួយចំនួនទៀត គឺជាជនបរទេស។</p>
<p>សាក្សីបាននិយាយថា ភាពច្របូកច្របល់បានកើតឡើងនៅកន្លែងកើតហេតុ។ រូបភាពនៅលើ<br />បណ្ដាញសង្គម ក៏បានបង្ហាញថា អ្នកដំណើរដេកដួលនៅលើឥដ្ឋ និងមានកាំភ្លើង AK-47 បង្ហាញ<br />ខ្លួន ក្រោយពីអំពើភេរវកម្មបានកើតឡើង។</p>
<p>សាក្បីម្នាក់បានប្រាប់ CNN-Turk ថា “ការបំផ្ទុះគ្រាប់បែកនេះ លាន់លឺសូខ្លាំង មនុស្សរាល់គ្នា<br />ភ័យខ្លាច រត់រប៉ាត់រប៉ាយ។</p>
<p>Paul Roos អាយុ ៧៧ឆ្នាំ ឱ្យដឹងថា ខ្មាន់កាំភ្លើងម្នាក់បានបាញ់ប្រហារទៅលើមនុស្សដែលនៅ<br />ពីមុខវា។ វាពាក់ឈុតខ្មៅ មិនបិទមុខនោះទេ។ Paul Roos បន្តថា “យើងខ្ញុំបានជ្រោកខាង<br />ក្រោយកន្លែងប្រមូលប្រាក់។ ខ្ញុំក្រោកឈរដើម្បីមើល ក៏ស្រាប់តែលឺសម្លេងផ្ទុះបន្តបន្ទាប់”។</p>
<p style="text-align: center;"><a class="thickbox" title="" href="/FileManager/Commons/2016/6/29/turkey-ambulance-data-29-06-2016--11-20-58.jpg"><img src="/FileManager/Articles/mce/2016/6/29/turkey-ambulance-data-29-06-2016--11-20-58.jpg" alt="" /></a></p>
<p>នគរបាលបានប្រើរបងព័ទ្ធជុំវិញកន្លែងកើតហេតុ ខណៈដែលមានរថយន្តរាប់សិបគ្រឿងកំពុង<br />ដឹកអ្នករបួសទៅមន្ទីរពេទ្យ។</p>
<p>ទំព័រ Dogan ដកស្រង់ប្រភពពីនគរបាលឱ្យដឹងថា ករណីនេះ អាចទាក់ទឹននឹងក្រុមរដ្ឋអ៊ីស្លាម<br /> ប៉ុន្តែ ក្រុមមន្ដ្រីទួគីយល់ថា គេមិនទាន់សន្និដ្ឋានបាននៅឡើយ។</p>
<p style="text-align: right;">ប្រែសម្រួល ៖ បុត្រា</p>