<p><span style="color: #000000;"><span class="Tinhte_XenTag_TagLink">Nokia</span> Technologies ទើបតែបានឲ្យដឹងថា <span id="result_box" lang="km"><span class="hps">ពួកគេបាន</span>ឈានដល់ការធ្វើ កិច្ចព្រមព្រៀងមួយ ដើម្បី ដោះស្រាយជម្លោះ ស្តីពីបញ្ហាប័ណ្ណប៉ាតង់ ជាមួយក្រុមហ៊ុន Samsung។ តាមរយៈនេះ Samsung នឹង ប្រគល់ជាទឹកប្រាក់ចំនួន ១,១ ពាន់លានដុល្លារអាមេរិចសម្រាប់ឆ្នាំ ២០១៥ ដល់ក្រុមហ៊ុន Nokia បន្ទាប់ មកនឹងប្រគល់ប្រាក់បន្ថែមចំនួន ១,៤ ពាន់លានដុល្លារអាមេរិចថែមទៀត សម្រាប់ឆ្នាំបន្តបន្ទាប់រហូត ដល់ឆ្នាំ ២០១៨។ ដូច្នេះ សរុបទឹកប្រាក់ដែក Nokia ទទួលបានពីបណ្តាកិច្ចព្រមព្រៀងជាមួយក្រុមហ៊ុន</span> Samsung នឹងមានចំនួនឡើងដល់ ២,៥ ពាន់លានដុល្លារអាមេរិច។ </span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/2/2/nokia01-02-02-2016--10-13-36.jpg"><img src="/FileManager/Articles/mce/2016/2/2/nokia01-02-02-2016--10-13-36.jpg" alt="" /></a></span></p>
<p style="text-align: center;"><em>(រូបភាព៖ WindowsCentral</em><span style="color: #000000;"><em>)</em><br /></span></p>
<p><span style="color: #000000;">ជាក់ស្តែង បើទោះបីទទួលបាននូវទំហំទឹកប្រាក់ច្រើនគួរសមក៏ពិតមែន ប៉ុន្តែបណ្តាអ្នកវិនិយោគនៅតែ មានភាពមិនសូវសប្បាយចិត្ត ជាមួយនឹងលទ្ធផលខាងលើនេះទេ ដោយពួកគេបានគិតថា ប័ណ្ណប៉ាតង់ របស់ Nokia មានតម្លៃច្រើនជាងនេះ។ ព្រោះហេតុនេះហើយ ប័ណ្ណភាគហ៊ុនរបស់ក្រុមហ៊ុន បានបាត់ បង់អស់ចំនួន ១១% បន្ទាប់ពីព័ត៌មានខាងលើនេះ បានចុះផ្សាយរួចមក។ អ្នកវិភាគម្នាក់បានឲ្យដឹងថា៖ "មានវិស្វករម្នាក់បានសង្ឃឹមថា ប័ណ្ណប៉ាតង់របស់ Nokia នឹងរកប្រាក់បានច្រើនជាង <span class="Tinhte_XenTag_TagLink">Ericsson</span>"។ Nokia ត្រូវបានគេដឹងថា បានចំណាយអស់ទឹកប្រាក់ច្រើនជាង ៥០ ពាន់លានដុល្លារអាេមរិច ក្នុងការស្រាវជ្រាវ និងអភិវឌ្ឍន៍ ក្នុងរយះពេលច្រើនជាង ពីរទសវត្សន៍កន្លងមកនេះ ដែលមានប័ណ្ណប៉ាតង់ជាង ៣០០០០ ប៉ាតង់ផ្សេងៗគ្ន</span></p>
<p><span style="color: #000000;">Samsung មិនមែនជាក្រុមហ៊ុនតែមួយគត់ ដែលជួបបញ្ហាស្តីពីប័ណ្ណប៉ាតង់ ជាមួយនឹងក្រុមហ៊ុន Nokia នោះទេ ក្រុមហ៊ុន LG ក៏កំពុងតែស្ថិតក្នុងស្ថានភាពជួបនូវបញ្ហានេះដែរ។ ហើយ Nokia ក៏នឹងធ្វើកិច្ចព្រម ព្រៀងថ្មីមួយឆាប់ៗនេះជាមួយនឹង Apple ស្តីពីកិច្ចសន្យាបន្ត នៅពេលដែលរយះពេលនៃកិច្ចសន្យា បច្ចុប្បន្ន បានបញ្ចប់ហើយនោះ។ Apple ទើបតែចុះហត្ថលេខាលើកិច្ចសន្យាមួយ ស្តីពីប័ណ្ណប៉ាតង់ ជាមួយនឹងក្រុមហ៊ុន Ericsson ក្នុងតម្លៃទឹកប្រាក់ចំនួនជាង ១,៣ ពាន់លានដុល្លារអាមេរិច ៕</span></p>
<p><span style="color: #000000;"><a href="http://www.camnews.com.kh/News/Detail/30161/bluboo-xfire-2-cheap-smartphoen-with-finger-print"><span style="color: #0000ff;"><em>- អានអត្ថបទ៖ រកនៅណាបាន ស្មាតហ្វូនអេក្រង់ ៥អ៊ីន សំបកលោហធាតុ មានស្គែនក្រយៅដៃ រូបរាងស្អាត តម្លៃតែ ៦០ ដុល្លារ</em></span></a><br /><a href="http://www.camnews.com.kh/News/Detail/33833/evleaks-revealed-invitation-image-for-launching-galaxy-s7-on-21-february"><span style="color: #0000ff;"><em>- អានអត្ថបទ៖ Evleaks បង្ហើបឲ្យដឹង ពីរូបភាពលិខិតអញ្ជើញ ចូលរួមព្រឹត្តិការណ៍ បង្ហាញខ្លួន Galaxy S7 នៅថ្ងៃទី២១ កុម្ភៈ</em></span></a><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល៖ មង្គល<br />ប្រភព៖ <em>Reuters, Tinhte</em><br /></span></p>