<p><span style="color: #000000;"><strong>(ភ្នំពេញ)៖</strong> បុរសម្នាក់ដែលបានសរសេរ និងបង្ហោះរូបភាពតាមបណ្តាញសង្គមហ្វេសបុក មានខ្លឹមសារប្រមាថអាយុជីវិត លោកបណ្ឌិត សុខ ទូច ប្រធានក្រុមស្រាវជ្រាវនៃរាជបណ្ឌិតសភាកម្ពុជា នឹងត្រូវដោះលែងចេញពីពន្ធនាគារ នាពេលឆាប់ៗខាងមុខ នេះបើយោងតាមសាលក្រមរបស់តុលាការក្រុងភ្នំពេញ។</span></p>
<p><span style="color: #000000;">បុរសរូបនេះឈ្មោះ ផង់ សីហា អាយុ២៧ឆ្នាំ មានស្រុកកំណើត ស្រុកបាភ្នំ ខេត្តព្រៃវែង ត្រូវបានចៅក្រមជំនុំជម្រះសាលាដំបូងរាជធានីភ្នំពេញ នៅល្ងាចថ្ងៃទី២៣ ខែកុម្ភៈ ឆ្នាំ២០១៦ ផ្តន្ទាទោសដាក់ពន្ធនាគាររយៈពេល១៨ខែ តែអនុវត្តទោសត្រឹម៦ខែប៉ុណ្ណោះ និងពិន័យមួយលានរៀល ពីបទគំរាមកំហែងថានឹងសម្លាប់ តាមមាត្រា២៣៣នៃក្រមព្រហ្មទណ្ឌ។</span></p>
<p><span style="color: #000000;">យោងតាមសាលក្រមនេះ លោក ផង់ សីហា នឹងត្រូវដោះលែងឲ្យមានសេរីភាពឡើងវិញ នៅថ្ងៃទី៧ ខែមីនា ឆ្នាំ២០១៦ ខាងមុខនេះ ។</span></p>
<p><span style="color: #000000;">សូមជំរាបថា លោក ឈ្មោះ ផង់ សីហា ត្រូវបាននគរបាលសន្តិសុខផ្ទៃក្នុងក្រសួងមហាផ្ទៃ ឃាត់ខ្លួន កាលពីល្ងាចថ្ងៃទី៥ ខែកញ្ញា ឆ្នាំ២០១៥ នៅចំណុចព្រំដែនប៉ោយប៉ែត ខេត្តបន្ទាយមានជ័យ បន្ទាប់ពីបុរសរូបនេះ បានឆ្លងដែនពីប្រទេសថៃចូលក្នុងទឹកដីកម្ពុជាវិញ ។</span></p>
<p><span style="color: #000000;">នៅដំណាក់កាលសមត្ថកិច្ច ឈ្មោះ ផង់ សីហា បានសារភាពថា ខ្លួនពិតជាបានបង្ហោះសារមានរូបភាពគំរាមសម្លាប់ លោកបណ្ឌិត សុខ ទូច ដោយប្រើតាមទូរស័ព្ទដៃប្រាកដមែន។ សមត្ថកិច្ចបានឲ្យដឹងថា ដោយមានកិច្ចសហប្រតិបត្តិការ ជាមួយនគរបាលថៃ ជនសង្ស័យឈ្មោះ ផង់ សីហា ត្រូវបានបណ្ដេញចេញ ពីប្រទេសថៃ ដោយសារជននេះបានរស់នៅ និងធ្វើការនៅប្រទេសថៃ ដោយខុសច្បាប់ ហើយត្រូវនគរបាលកម្ពុជាឃាត់ខ្លួននៅចំណុចព្រំដែន ប៉ោយប៉ែតតែម្ដង៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/1916121_1561955274118838_3474705031836088676_n.jpg?oh=11f97541675ec993a7ffad0d80f0cf2d&oe=5725D40A" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12745416_1561955264118839_1106645502551297829_n.jpg?oh=420f0f11cd514152a3de74e008117121&oe=576FE623" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfa1/v/t1.0-9/10583927_1561955280785504_5221835679235372566_n.jpg?oh=ac5f3426e0e871e79081a1975e43c160&oe=575A3CFC" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>