<p><span style="color: #000000;"><strong>(ពោធិ៍សាត់)៖</strong> ក្មេងស្រីម្នាក់ បានសម្រេចចិត្តគិតខ្លី ចងកសម្លាប់ខ្លួនឯង ជាមួយខ្សែនីឡុងជាមួយខោជើងវែងជាប់នឹងធ្នឹមផ្ទះ ដោយសារតែខឹងឪពុកម្តាយប្រើឲ្យមើលគោក្របីរាល់ថ្ងៃ មិនបានដើរលេងនឹងគេ។ ហេតុការណ៍នេះបង្កឲ្យមានការភ្ញាក់ផ្ញើល កាលពីវេលាម៉ោង៣៖១៥នាទីព្រឹក ឈានចូលថ្ងៃទី០៩ ខែវិច្ឆិកា ឆ្នាំ២០១៦នេះ នៅចំណុចក្រោមផ្ទះក្មេងស្រីរងគ្រោះ ស្ថិតក្នុងភូមិថ្គោលធំ ឃុំអន្លង់ត្នោត ស្រុកក្រគរ ខេត្តពោធិ៍សាត់។</span></p>
<p><span style="color: #000000;">លោក ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងថា សាកសពក្មេងស្រីដែលគិតខ្លី ចងកសម្លាប់ខ្លួនឯងនោះ មានឈ្មោះ សៃ វណ្ណា ភេទស្រី អាយុ ១២ឆ្នាំ ជនជាតិខ្មែរ រស់នៅភូមិឃុំកើតហេតុខាងលើ, មានបងប្អូនបង្កើត ០៥នាក់ ក្នុងនោះប្រុស ០៤នាក់, មានឪពុកឈ្មោះ សៃ សូយ មុខរបរជាកសិករ និងម្តាយឈ្មោះ យន់ យួន មុខរបរចេញចូលរកស៉ីនៅស្វាយស៊ីសាផុន។</span></p>
<p><span style="color: #000000;">លោកអធិការបានបន្តថា កាលពីថ្ងៃទី០៨ ខែតុលា ក្មេងស្រីរងគ្រោះបានដើរលេងភ្លេចមើលគោក្របី ពេលត្រលប់មកផ្ទះវិញ ឪពុករបស់ក្មេងស្រីរងគ្រោះបានជេររករឿង ទើបក្មេងស្រីរងគ្រោះ តូចចិត្តក៏បានសម្រេចចិត្តគិតខ្លី ចងកសម្លាប់ខ្លួនឯង ជាមួយខ្សែនីឡុងជាមួយខោជើងវែងជាប់នឹងធ្នឹមខាងក្រោមផ្ទះ បង្កឲ្យមានការភ្ញាក់ផ្អើលតែម្តង។</span></p>
<p><span style="color: #000000;">ក្រោយពេលកើតហេតុ កម្លាំងជំនាញបានចុះទៅពិនិត្យសាកសព ឃើញថាក្មេងស្រីរងគ្រោះ ពិតជាបានចងកសម្លាប់ខ្លួនឯងប្រាកដមែន ដោយសារតែខឹងឪពុកម្តាយប្រើឲ្យមើលគោក្របីរាល់ថ្ងៃ មិនបានដើរលេងនឹងគេ។ បច្ចុប្បន្នសាកសពក្មេងស្រីរងគ្រោះ ត្រូវបានក្រុមគ្រួសារ រៀបចំធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com//fn-2016-11-09-16-01-40-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com//fn-2016-11-09-16-01-40-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>