<p><span style="color: #000000;"><strong>(វ៉ាស៊ីនតោន)៖</strong> បេក្ខភាពប្រធានាធិបតីអាមេរិក ប្រចាំគណបក្សសាធារណរដ្ឋលោក ដូណាល់ ត្រាំភ៍ បាននិយាយថាលោកនឹងអញ្ជើញមេដឹកនាំ កូរ៉េខាងជើងលោក គីម ជុងអ៊ុន មកបំពេញទស្សនកិច្ច នៅសហរដ្ឋអាមេរិក ហើយធ្វើការចរចាគ្នាលើកម្មវិធីនុយក្លេអ៊ែរ ស្របពេលនៃការញុំាហាំប៊ឺហ្គឺ។ នេះបើតាមការចេញផ្សាយដោយសារព័ត៌មាន យ៉ុនហាប់ របស់កូរ៉េខាងត្បូង នៅមុននេះបន្តិច នាព្រឹកថ្ងៃព្រហស្បតិ៍ ទី១៦ ខែមិថុនា ឆ្នាំ២០១៦។</span></p>
<p><span style="color: #000000;">លោក ដូណាល់ ត្រាំភ៍ បានថ្លែងនៅក្នុងបទបង្ហាញ ពីគោលនយោបាយនៅ Atlanta នាថ្ងៃពុធ ដូច្នេះថា «ប្រសិនបើគាត់មកទីនេះ ខ្ញុំនឹងទទួលស្វាគមន៍គាត់។ ខ្ញុំចង់ជួបនាំមេដឹកកូរ៉េខាងជើង។ តើវាមានបញ្ហាអីទៅ គ្រាន់តែរឿងប៉ុណ្ណឹង? ខ្ញុំចង់និយាយជាមួយគ្រប់គ្នា ដែលខ្ញុំចង់»។</span></p>
<p><span style="color: #000000;">គួរបញ្ជាក់ថា កាលពីខែឧសភា អំឡុងពេលនៃយុទ្ធនាការឃោសនា រកសំឡេងឆ្នោត លោក ត្រាំភ៍ ក៏ធ្លាប់លើកឡើងពីការ គ្រោងជួបចរចាផ្ទាល់ ជាមួយនឹងមេដឹកនាំផ្តាច់ការ កូរ៉េខាងជើងដែរ ដែលកាល ណោះសាធារណមតិជាតិ និងអន្តរជាតិមួយចំនួនបាន ធ្វើការរិះគន់យ៉ាងខ្លាំង រួមទាំងលោក បារ៉ាក់ អូបាម៉ា និងលោកស្រី ហ៊ីលឡារី គ្លីនតុន ផងដែរ។</span></p>
<p><span style="color: #000000;">ងាកមកកាន់កូរ៉េខាងជើងវិញ សារព័ត៌មានរដ្ឋកូរ៉េខាងជើង បានកោតសរសើរពីជំហររបស់លោក ដូណាល់ ត្រាំភ៍ ដែលអាចនឹងធ្វើឲ្យកូរ៉េខាងជើង និងអាមេរិក មើលមុខគ្នាត្រង់ប្រសិនបើបេក្ខភាព ប្រធានាធិបតីអាមេរិករូបនេះ ឈ្នះឆ្នោតនៅខែវិច្ឆិកា ខាងមុខ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/16/07d-16-06-2016--15-04-55.jpg"><img src="/FileManager/Articles/mce/2016/6/16/07d-16-06-2016--15-04-55.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ យ៉ុនហាប់</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>