<div class="article-content">
<p><strong>- លោក ហេង សួរ៖ ប្រជាពលរដ្ឋខ្មែរ នៅកូរ៉េ បន្តធ្វើការដោយ សប្បាយរីករាយ ដូចពលរដ្ឋកូរ៉េ<br /></strong></p>
<p><strong>ព្រៃវែង ៖</strong> សម្ដេចនាយករដ្ឋមន្ដ្រី ហ៊ុន សែន បានចាត់ទុកថា វិធានការដ៏ម៉ឺងម៉ាត់ និងច្បាស់លាស់<br />របស់រាជរដ្ឋាភិ បាល ដោយមិនបានជម្លៀសប្រជាពលរដ្ឋ ពលករ និងមន្ដ្រីស្ថានទូត ចេញពីកូរ៉េខាង<br />ត្បូង គឺជាការសម្រេចចិត្ដដ៏ ត្រឹមត្រូវរបស់រាជរដ្ឋាភិបាល ។ </p>
<p>ក្នុងពិធីអញ្ជើញចូលរួម ក្នុងវិស័យពុទ្ធចក្រមួយ ស្រុកស្វាយអន្ទរ៍ ខេត្ដព្រៃវែង នា ព្រឹកថ្ងៃទី២២ ខែ<br />មេសា ឆ្នាំ២០១៣ សម្ដេចតេជោ ហ៊ុន សែន បានមានប្រសាសន៍ថា រាជរដ្ឋាភិបាលបានសម្រេច ចិត្ដ<br />ដ៏ត្រឹមត្រូវ ដែលមិនបានជម្លៀសប្រជាពលរដ្ឋខ្មែរ ពលករ និងមន្ដ្រីទូតចេញពីប្រទេសកូរ៉េ បើទោះបី<br />មានការ រិះគន់តាមប្រព័ន្ធហ្វេសប៊ុក ថាជារាជរដ្ឋាភិបាលពុំមានចំណាត់ការទាល់តែសោះ ចំពោះ<br />បញ្ហានេះ។</p>
<p>សម្ដេចនាយក រដ្ឋមន្ដ្រីបានលើកឡើងថា បើសិននៅពេលនោះរាជរដ្ឋាភិបាលជម្លៀសប្រជាពលរដ្ឋ<br /> ពលករ ក៏ដូចជាមន្ដ្រីស្ថានទូត ចេញពីកូរ៉េ ដូច្នេះនៅពេលនេះ គឺការខុសឆ្គង ហើយនិងធ្វើឱ្យទំនាក់<br />ទំនងកម្ពុជា-កូរ៉េ ធ្លាក់ចុះ ព្រោះតែពេលមាន បញ្ហា មិត្ដរត់ចោលមិត្ដ ។ ប៉ុន្ដែអ្វីៗដែលរាជរដ្ឋាភិបាល<br />បានគិតគូរ និងដាក់វិធានការដោះស្រាយ គឺជារឿងត្រឹម ត្រូវ។</p>
<p>ជាមួយគ្នានេះ សម្ដេចនាយករដ្ឋមន្ដ្រីក៏បានកោតសរសើរ ចំពោះគណៈប្រតិភូកម្ពុជា ដែលបានធ្វើ<br />ដំណើរទៅកាន់ ប្រទេសកូរ៉េជួបជាមួយប្រជាពលរដ្ឋ និងពលករនៅទីនោះ។</p>
<p>លោកហេង សួរ អគ្គនាយក និងជាប្រធានអង្គភាពរដ្ឋបាលនិងហិរញ្ញវត្ថុ នៃគណៈកម្មាធិការបណ្តុះ<br />បណ្តាល និងបញ្ជូនពលករទៅបរទេស នៃក្រសួងការងារ ប្រាប់មជ្ឈមណ្ឌលព័ត៌មានដើមអម្ពិលនៅ<br />ថ្ងៃទី២២ ខែមេសា ឆ្នាំ២០ ១៣ថា ពលករ និង និស្សិត ប្រជាពលរដ្ឋ និងមន្រ្តីទូត ដែលកំពុងបំពេញ<br />ការងារ និងសិក្សានៅប្រទេសកូរ៉េ បានបន្តការងារ ក៏ដូចជាការសិក្សារបស់ខ្លួនជាធម្មតា ពោលពួក<br />គាត់អស់ មិនមានការព្រួយបារម្ភពាក់ព័ន្ធនឹងបញ្ហានៅឧបទ្វីបកូរ៉េ ទៀតឡើយ។</p>
<p>បើតាមលោក ហេង សួរ ក៏បានឲ្យដឹងផងដែរ ក្នុងរយៈពេលជាង១០ថ្ងៃនៅប្រទេសកូរ៉េ លោកបាន<br />ចុះជួបជាមួយ ពលករ ក៏ដូចជាប្រជាពលរដ្ឋខ្មែរ ជាង២.០០០នាក់ និងបានធ្វើដំណើរទៅកាន់៥តំបន់<br /> ដោយជួបជាមួយប្រធានសហ គមន៍មួយចំនួន ដើម្បីធ្វើចាត់ពួកគាត់ធ្វើជាជនបង្គោលសម្រាប់ទំនាក់<br />ទំនង ក្នុងករណីណាមួយ ដែលអាចកើត ឡើងជាយថាហេតុនោះ ។</p>
<p>លោកបានបញ្ជាក់ថា «បងប្អូនខ្មែរយើងសុខសប្បាយ និងប្រកបកិច្ចកាធម្មតា ដូចជនជាតិកូរ៉េដែរ។ <br />សង្រ្គាមនឹងមិន កើតឡើងឡើយ តែប្រសិនបើជាមាន រាជរដ្ឋាភិបាលនឹងមានវិធានការណ៍ទាន់ពេល<br />វេលា ដូច្នេះសូមបងប្អូនកុំ បារម្ភ រាជរដ្ឋាភិបាលនៅតែបន្តតាមដាន និងផ្តល់ព័ត៌មានបន្ថែមទៀត ប្រ<br />សិនមានអ្វី ប្រែប្រួលនោះ»។</p>
<p>លោក ហេង សួរ បន្តថា ប្រជាពលករ និងនិស្សិតខ្មែរ បាននាំគ្នាសម្តែងភាពសប្បាយត្រេកអរ និងអរ<br /> គុណយ៉ាងខ្លាំង ចំពោះនាយករដ្ឋមន្ត្រីកម្ពុជា សម្តេចតេជោ ហ៊ុន សែន ដែលគិតដល់សុខសុវត្ថិភាព<br />របស់គាត់។</p>
<p>បើតាមការបញ្ជាក់ពីលោក ហេង សួរ ពលករខ្មែរ ដែលកំពុងបំពេញការងារនៅប្រទេសកូរ៉េខាងត្បូង<br />នាពេលបច្ចុប្បន្នមានរហូតដល់ ២៣.០០០នាក់៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-010/chanroth013-Apr-26.jpg" alt="" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/April/id-010/chanroth013-Apr-27.jpg" alt="" width="500" /></p>
<p style="text-align: center;"><strong>លោក ហេង សួរ ជួបជុំជាមួយប្រជាពលរដ្ឋខ្មែរក្នុងឱកាសបុណ្យចូលឆ្នាំថ្មី</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>