<p><strong>បាត់ដំបង ៖</strong> ក្រោយពីបានឃើញ មជ្ឈ មណ្ឌលព័ត៌មានដើមអម្ពិល បានចុះផ្សាយពី ការទទួល<br />មរណភាព កូនប្រុសរបស់ខ្លួនតែ មួយគត់ និងកំពុងស្រឡាញ់លើសពីអ្វីៗ ទៀតនោះ នៅរសៀល<br />ថ្ងៃទី២៨ ខែសីហា ឆ្នាំ២០១៣ អ្នកស្រី គុយ ដានិត ត្រូវជា ម្ដាយក្មេងប្រុសរងគ្រោះ បានចេញមុខ<br />មក រៀបរាប់ពីដំណើររឿង ដ៏មហាសោកសៅ និងស្ដាយស្រណោះមួយជីវិត នៃការបាត់ បង់ជីវិត<br />កូនប្រុសរបស់ខ្លួន តាំងពីថ្ងៃធ្លាក់ ខ្លួនឈឺ រហូតដល់ថ្ងៃទទួលមរណភាព ។</p>
<p>ថ្លែងប្រាប់មជ្ឈមណ្ឌលព័ត៌មានដើម អម្ពិលតាមទូរស័ព្ទ នៅរសៀលថ្ងៃទី២៨ ខែ សីហា ឆ្នាំ២០១៣<br /> អ្នកស្រី គុយ ដានិត បាន និយាយថា កូនប្រុសរបស់ខ្លួនមានឈ្មោះ កែវ នរៈវិទូ ហៅ ស្កាយ កើត<br />នៅថ្ងៃទី១៣ ខែ វិច្ឆិកា ឆ្នាំ២០១០ ពោលរហូតមកដល់ ពេលនេះ រូបគេមានអាយុ ២ឆ្នាំ៩ខែ ។</p>
<p>បច្ចុប្បន្នក្រុមគ្រួសារពួកគេ ទាំងមូលរស់នៅក្នុងភូមិដូនទាវ ឃុំពាមឯក ស្រុកឯកភ្នំ ខេត្ដ បាត់ដំបង<br /> ដែលបច្ចុប្បន្នមានមុខរបរ ជាអ្នក លក់ដូរ រីឯស្វាមីឈ្មោះ កែវ ហ្សាឌាំ អាយុ ៣០ឆ្នាំ មានមុខរបរជា<br />អ្នកកាត់តរូបភាព និងបញ្ចូលបទភ្លេង ទូរស័ព្ទ ។</p>
<p>ក្នុងវ័យ ២៤ ឆ្នាំ កែវ ដានិត បានរំលឹកពីប្រវត្ដិអាពាហ៍ ពិពាហ៍ថា ពួកគេទាំងពីរនាក់ប្ដី-ប្រពន្ធ បាន<br /> រៀបការកាលពីដើមឆ្នាំ ២០១០ លុះដល់ ថ្ងៃទី១៣ ខែវិច្ឆិកា ឆ្នាំ២០១០ដដែលនោះ បានកើតកូន <br />ប្រុសលើកដំបូង និងជាចៅ ដំបូងសម្រាប់ឪពុក-ម្ដាយទាំងសងខាង ដែលមានកូន ៣នាក់ៗដូចគ្នា<br /> ប៉ុន្ដែ មិនទាន់ មានចៅណាម្នាក់នៅឡើយទេ ដូច្នេះ កែវ នរៈវិទូ ហៅ ស្កាយ គឺជាកូនទី១ និងជាចៅ<br />ទី១ សម្រាប់ ក្រុមគ្រួសារ ដែលមានជីវភាព ធូរធារ និងមានមុខមាត់មួយប្រចាំស្រុកឯកភ្នំ ។</p>
<p>គុយ ដានិត បានបន្ដថា កាលពីថ្ងៃទី១២ ខែសីហា ឆ្នាំ២០១៣កន្លងទៅនេះ កូនប្រុសរបស់ខ្លួនបាន<br />ចាប់ ផ្ដើមឈឺ ប៉ុន្ដែមិនធ្ងន់ធ្ងរនោះឡើយ ពោលពួកគេក៏មិនបានគិតថា មានអាការៈធ្ងន់ធ្ងរ ហេតុ<br />ដូច្នេះគ្រាន់តែឱ្យ គ្រូពេទ្យប្រចាំភូមិ និងនៅតំបន់នោះមើល ជាធម្មតា ប៉ុន្ដែ ក្នុងរយៈពេលមួយ<br />សបា្ដហ៍ អាការៈរបស់ ស្កាយ មិនទាន់ធូរស្រាល ទើបសម្រេចបញ្ជូនទៅកាន់មន្ទីរពេទ្យគន្ធ បុបា្ជ <br />ក្នុងទីរួមខេត្ដសៀមរាប ដែលល្បីខាង មើល និងព្យាបាលជំងឺកូនក្មេង ។</p>
<p>ការធ្វើ ដំណើរ ទៅដល់មន្ទីរពេទ្យគន្ធបុបា្ជគឺនៅថ្ងៃ ទី១៩ ខែសីហា ឆ្នាំ ២០១៣ និងក្រោយពី ពិនិត្យ<br />ព្យាបាលរបស់ក្រុមគ្រូពេទ្យនៅទី នោះ បានប្រាប់ពួកគេថា ក្មេងប្រុសរូបនេះ កើតជំងឺគ្រុនឈាម <br />ដែលតម្រូវឱ្យសម្រាក និងតាមដានស្ថានភាពជំងឺរហូតដល់ជាសះ ស្បើយ ។</p>
<p>ក្រោយពីសម្រាកព្យាបាលនៅទី នោះ អស់រយៈពេលប្រមាណមួយសបា្ដហ៍ ពោល រហូតដល់ព្រឹក<br />ថ្ងៃទី២៥ ខែសីហា ឆ្នាំ ២០១៣ ក្រុមគ្រូពេទ្យក្រោយពីពិនិត្យឃើញ ថា ក្មេងប្រុសរូបនេះបានជាសះ<br />ស្បើយ និង ពុំ មានរោគអ្វីផ្សេងទៀតនោះ ក្រោយពី ពិនិត្យរួចរាល់ ក៏បានប្រាប់ឱ្យពួកគេទាំងពីរ <br />នាក់ប្ដី-ប្រពន្ធ រៀបចំ ឥវ៉ាន់អាចធ្វើដំណើរ ត្រឡប់ទៅផ្ទះវិញបានហើយ ព្រោះជាសះ ស្បើយ ។</p>
<p>គ្រាន់តែឮដំណឹងនេះភ្លាម គុយ ដានិត និងស្វាមី ព្រមទាំងក្រុមគ្រួសារទាំង មូល ត្រេកអរយ៉ាងខ្លាំង<br />នៅពេលដែលកូន ប្រុសជាទីស្រឡាញ់ របស់ខ្លួន បានរួចផុតពី ជំងឺគ្រុនឈាម ហើយក៏បានរៀបចំ<br />ឥវ៉ាន់ និងសម្ភារៈ រួចបានឡើងរថយន្ដផ្ទាល់ខ្លួន បម្រុងទៅកាន់ផ្ទះនៅឯខេត្ដបាត់ដំបង នាវេលា <br />ម៉ោង ១០ព្រឹក ថ្ងៃខែឆ្នាំដដែលនោះ ។ត្រង់ចំណុចនេះ គុយ ដានិត និងក្រុមគ្រួសារក៏បាននឹកឃើញ<br />ពីការបន់ស្រន់នៅកន្លែងព្រះអង្គចេក ព្រះអង្គចម មុនពេលនាំ កូនមកព្យាបាល ដូច្នេះពេលជាសះ<br />ស្បើយក៏នាំគ្នាទៅលាបំណន់ នៅព្រះអង្គចេក ព្រះអង្គចម ហើយក៏ អង្គុយលេង ដើម្បីលំហែកាយ<br />នៅទីនោះមួយសន្ទុះធំ។</p>
<p>ក្រោយពីអង្គុយលេង និងស្ទាបកូនប្រុសទៅត្រជាក់ ខ្លួន ពុំមានសញ្ញាអ្វីកើតឡើងនោះ ពួកគេក៏<br />បានចេញ ដំណើរប្រុងឆ្ពោះទៅគេហដ្ឋាន នៅឯស្រុក ឯកភ្នំ ខេត្ដបាត់ដំបង ។ ប៉ុន្ដែ ពេលកំពុងធ្វើ<br />ដំណើរ មិនទាន់ចេញផុតពីទីរួមខេត្ដសៀមរាបផងនោះ ស្កាយ បាន ចាប់ផ្ដើមក្អួតពីរបីដង ប៉ុន្ដែ <br />ស្ថានភាពនេះត្រូវបានពួកគេគិតថា ជាការពុលរថយន្ដព្រោះតែអស់កម្លាំង និង ហេវហត់ ក្រោយ<br />ពីឈឺស្កាត់ដោយមិនបានគិតពីអាការៈធ្ងន់ធ្ងរ ដែលអាចកើតឡើងម្ដងទៀតនោះទេ ។</p>
<p>យ៉ាងនេះក្ដី ដោយឃើញស្ថានភាពកូនប្រុសក្អួតនៅក្នុងរថយន្ដ ពួកគេក៏បានដាច់ ចិត្ដទៅសម្រាក<br />នៅផ្ទះបង ប្អូនក្នុងទីរួមខេត្ដសៀមរាប ដើម្បីហូបបាយថ្ងៃត្រង់នៅទីនោះ និងចង់ឱ្យកូនប្រុសបាន<br />គេងឱ្យស្រួល ខ្លួនផងដែរ ។</p>
<p>ដានិត បានបន្ដទាំងអួលដើមក ថា នៅវេលាម៉ោងប្រមាណជាង ៣រសៀលថ្ងៃទី២៥ ខែសីហា ឆ្នាំ<br /> ២០១៣ ខណៈដែលកូនប្រុសរបស់ខ្លួនកំពុងគេង ហើយប្រែខ្លួន ម្ដាយរបស់គេ ក៏ចាប់ផ្ដើមឆុងទឹក<br />ដោះគោឱ្យចៅ ប៉ុន្ដែភ្លាមៗនោះអាការៈរបស់ ស្កាយ បានចាប់ផ្ដើមប្រែប្រួលមួយពព្រិចភ្នែកដោយ<br />មានអាការៈខើច មាត់ ភ្នែកស្លឺ ដែលហៅថា ប្រកាច់ ធ្វើឱ្យពួកគេទាំងក្រុម គ្រួសារនាំគ្នាស្រែឆោ<br />ឡោ និងភ័យស្លន់ស្លោគ្រប់ៗ គ្នាស្ទើរធ្វើអ្វីមិនចេញ ។</p>
<p>ឃើញស្ថានភាពបែបនេះ បងប្រុសរបស់ខ្លួនបានបីក្មេងប្រុស ស្កាយ ចុះពីជាន់ទី១ ឡើងរថយន្ដ<br /> បើកចេញយ៉ាងលឿន ឆ្ពោះទៅកាន់មន្ទីរ ពេទ្យគន្ធបុបា្ជ ទាំងមិនឈប់ភ្លើងស្ដុបក្រហមទៀតផង។<br /> ពេលទៅដល់មន្ទីរពេទ្យភ្លាម បងប្រុសរបស់ខ្លួន បានបីកូនរត់យ៉ាងលឿន ចូលទៅក្នុងមន្ទីរពេទ្យ<br /> ហើយក្រោយពីគ្រូពេទ្យសួរនាំ និងសុំមើលឯកសារដែលបានចេញ កាលពីព្រឹកនោះ ក៏នាំទៅ<br />បន្ទប់សង្គ្រោះបន្ទាន់ ដាក់អុកស៊ីហ្សែន ប៉ុន្ដែ គ្រូពេទ្យក៏បានប្រាប់មកពួកគេថា ត្រៀមរថយន្ដចូល<br />ក្នុងមន្ទីរពេទ្យ ដើម្បីដឹកកូន ប្រុសនេះត្រឡប់ទៅផ្ទះវិញ ស្រាប់តែមួយសន្ទុះក្រោយមក ក៏បាន<br />ឃើញគ្រូពេទ្យ រុំកូនប្រុសរបស់របស់ខ្លួន ក្នុងក្រណាត់ស យកមកដាក់ក្នុងរថយន្ដ ដែលពេល<br />នោះ ស្ទើរធ្វើឱ្យពួកគេទ្រាំលែងចង់បាន ក្នុងការបន្ដរស់ នៅព្រោះតែស្ដាយ និងអាណិតកូនយ៉ាង<br />ខ្លាំង ។</p>
<p>រហូតមកដល់ពេលនេះ ដានិត បាននិយាយថា ទាំងក្រុមគ្រួសារទាំងមូលមិនទាន់បានដឹងពីរោគ<br />ពិតប្រាកដ ដែលនាំឱ្យកូនប្រុសរបស់ខ្លួន ស្លាប់នោះឡើយ ពីព្រោះ ក្រោយពីមើលជាពីជំងឺគ្រុន<br />ឈាម មិនដឹងថា ហេតុ អ្វីបានជាមានអាការៈក្អួតបែបនេះ ឡើយ សូម្បីតែគ្រូពេទ្យក៏ឆ្ងល់ និងមិន<br />នឹក ស្មានយ៉ាងដូច្នេះ ។</p>
<p>ក្រោយពី នាំសពកូនប្រុសមកដល់គេហដ្ឋាន ដើម្បីធ្វើបុណ្យចាត់ ចែងតាមប្រពៃណីនោះ ប្រជា<br />ពលរដ្ឋនៅទូទាំងភូមិ ដូនទាវ បាននាំគ្នាចោមរោមមើល សម្ដែងការអាណិតអាសូរយ៉ាងពន់ពេក <br />ចំពោះការបាត់បង់ក្មេងប្រុសរូប នេះ ដែលគេនិយាយថា ជាក្មេងឆ្លាត និងក្រមិចក្រមើមគួរឱ្យ<br />ស្រឡាញ់ជាទីបំផុត ។</p>
<p>យោងតាមប្រភពព័ត៌មានមួយ ដែលលួចបង្ហើបចេញពីមន្ទីរពេទ្យ គន្ធបុបា្ជ ខេត្ដ សៀមរាបបាន<br />ឱ្យដឹងថា ក្រោយពីមានរឿងហេតុ ការស្លាប់របស់ក្មេងប្រុសរូបនេះដែល កើតឡើង មិនទាន់បាន<br />ប៉ុន្មានម៉ោងផង ក្រោយចេញពីមន្ទីរពេទ្យនោះ បានធ្វើឱ្យអគ្គនាយកមន្ទីរពេទ្យគន្ធបុបា្ជ ជនជាតិ<br />ស្វីស លោក រីជីនើ បានស្ដី ឱ្យប្រធានសាលដែល ក្មេងប្រុសរូបនេះសម្រាកព្យាបាលហើយ បាន<br />បើកកិច្ចប្រជុំភ្លាមៗ ដើម្បីលើកពីបញ្ហា នេះ និងពង្រឹងសេវាព្យាបាលកាន់តែខ្លាំងឡើង ជូនដល់<br />ក្មេងៗ ដែលឪពុក-ម្ដាយរបស់ពួកគេបញ្ជូនមក មន្ទីរពេទ្យ ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0415.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0416.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-068/SH-0417.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0418.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0419.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2013/August/id-068/SH-0420.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>