<div>ក្មេងស្រីអាយុ ១០ឆ្នាំម្នាក់នៅប្រទេស Colombia បានក្លាយជាអ្នកម្ដាយម្នាក់ក្នុងចំណោមកុមារី<br />មានកូននៅក្នុងពិភពលោក បន្ទាប់ពីសម្រាលបានកូនស្រីមួយរូបដែលមានសុខភាពរឹងមាំ។<br /><br /></div>
<div><a class="thickbox" title="" href="/FileManager/Commons/2012/4/10/atenyearoldgivesbirth2-10-04-2012--09-45-08.jpg"><img src="/FileManager/Articles/mce/2012/4/10/atenyearoldgivesbirth2-10-04-2012--09-45-08.jpg" alt="" /></a><br /><br /></div>
<p>ក្មេងស្រីដែលត្រូវបានគេលាក់ឈ្មោះនេះរស់នៅក្នុងក្រុង Manaure រដ្ឋ La Guajira នៃប្រទេស <br />Colombia។ ក្មេងស្រីនេះមានការឈឺចាប់យ៉ាងខ្លាំង និងស្រែកយំគួរអោយអាណិតនៅពេលទៅ<br />ដល់មន្ទីរពេទ្យ។ បន្ទាប់មក នាងក៏សម្រាលកូនដោយវិធីវះកាត់។</p>
<p>ក្រុមគ្រូពេទ្យបានអោយដឹងថា ការវះកាត់ចំពោះករណីដូចខាងលើគឺមិនមានអ្វីចម្លែកនោះទេ ព្រោះ<br />ថា ក្បាលរបស់ទារកក្នុងផ្ទៃធំ ចំណែករាងកាយរបស់ក្មេងស្រីអាយុ ១០ឆ្នាំនេះមិនទាន់រីកចម្រើន<br />អោយបានត្រឹមត្រូវនៅឡើយ។</p>
<p>អ្នកឯកទេសក៏បាននិយាយថា បណ្ដាអ្នកម្ដាយដែលមានវ័យក្មេងតែងទទួលផលប៉ះពាល់ពីការ<br />ឡើងសម្ពាធឈាមនៅពេលមានផ្ទៃពោះ ហើយពួកគេក៏អាចប្រឈមនឹងបញ្ហានៃការរីកចម្រើន<br />របស់រាងកាយផងដែរ។</p>
<p>ប្រភពព័ត៌មានបានអោយដឹងថា ក្មេងស្រីខាងលើគឺជាកូនស្រីម្នាក់របស់កុលសម្ព័ន្ធ Wayuu នៅ<br />ភាគខាងជើងប្រទេស Colombia។ រហូតមកទល់នឹងពេលនេះ គេនៅតែមិនទាន់ដឹងច្បាស់ពីឪពុក<br />របស់ទារកនេះនៅឡើយ ប៉ុន្ដែនគរបាលក៏មិនអាចនាំខ្លួនជនសង្ស័យឡើងតុលាការ ដោយសារ<br />តែកុលសម្ព័ន្ធនេះមានក្រឹត្យក្រមដោយឡែករបស់ពួកគេ។</p>
<p>វិទ្យុះ RCN La Radio ដកស្រង់សំដីលោក Efraín Pacheco Casadiego អគ្គនាយកមន្ទីរពេទ្យ<br />ដែលក្មេងស្រីនោះសម្រាលកូន ថ្លែងថា ៖ "យើងធ្លាប់បានរកឃើញករណីបែបនេះជាច្រើននៅ<br />ក្នុងកុលសម្ព័ន្ធ Wayuu"។ គាត់បន្ដថា ៖ "ក្មេងស្រីដែលមានអាយុតិចបែបនេះ ពួកគេគួរណាស់<br />តែនៅជាក្មេងលេងតុក្ដតា តែបែរជាត្រូវមើលថែកូនបែបនេះ។ ពិតជាអាក្រក់ណាស់"៕</p>
<p style="text-align: right;">ដោយ ៖ សូរីយ៉ា<br />ប្រភព ៖ DT</p>