<div class="article-content">
<p><strong>ភ្នំពេញៈ</strong> លោក Fabio Cannavaro អតីតប្រធាន ក្រុមជម្រើសជាតិ អ៊ីតាលី ដែលឈ្នះពាន <br /> World Cup ២០០៦ នឹងមកកាន់រាជធានីភ្នំពេញ ចាប់ពីថ្ងៃទី ១៤ ដល់ ១៦ ខែមីនា ឆ្នាំ <br />២០១៣ ក្នុ នាមជាតារាតំណាងកម្មវិធី Tiger Street Football 2013 ដែលនឹងជួយលើកស្ទួយ<br />វិស័យបាល់ទាត់ នៅប្រទេសកម្ពុជា និងក្នុងតំបន់អាស៊ីប៉ាស៊ីហ្វិក។</p>
<p>លោក Fabio Cannavaro ត្រូវបានចាត់ទុកជា ខ្សែការពារដ៏ឆ្នើមបំផុត នៅក្នុងសម័យកាល របស់<br /> លោក ហើយត្រូវបាន អ្នកគាំទ្រអ៊ីតាលី បានដាក់រហស្សនាមថា “ កំផែងប៊ែរឡាំង “។ លោកបាន<br /> ចំណាយពេលវេលា ភាគច្រើន ក្នុងអាជីពបាល់ទាត់ នៅប្រទេសអ៊ីតាលី និងធ្លាប់លេង ឱ្យក្លឹប<br />ល្បីៗ ជាច្រើន។</p>
<p>លោក Cannavaro ក៏ទទួលបានជោគជ័យ ដ៏ត្រចះត្រចង់ផងដែរ ជាមួយក្រុមជម្រើសជាតិ អ៊ីតា-<br />លី។ គាត់ជាសមាជិកម្នាក់ នៃក្រុមអ៊ីតាលី ដែលបានឈ្នះពានរង្វាន់ ជើងឯកអឺរ៉ុប ក្នុងក្របខណ្ឌ<br /> អាយុក្រោម ២១ឆ្នាំ នាឆ្នាំ១៩៩៤ និង១៩៩៦។ បន្ទាប់ពីចូលលេង ឱ្យក្រុមជម្រើសជាតិ ជាលើក<br />ដំបូង នៅឆ្នាំ ១៩៩៧ គាត់ក៏បានក្លាយជា ប្រធានក្រុមជម្រើសជាតិ។ Cannavaro បានដឹកនាំ ក្រុម<br />អ៊ីតាលី ឱ្យទទួលបានជ័យជំនះ ក្នុងព្រឹត្ដិការណ៍បាល់ទាត់ World Cup 2006 ហើយនៅឆ្នាំ ២០០៩<br /> បានបំបែកឯកត្ដកម្មពីកីឡាករ Paolo Maldini ហើយបានជាប់ជាកីឡាករដែលលេងឱ្យក្រុមជម្រើស<br />ជាតិ យូរជាងគេបំផុត ក្នុងប្រវត្ដិសាស្ដ្រ បាល់ទាត់ ប្រទេសអ៊ីតាលី។ គាត់បានប្រកាស ចូលនិវត្ដន៍<br /> ពីការប្រកួតបាល់ទាត់ លក្ខណៈអន្ដរជាតិ នៅថ្ងៃទី ២៥ មិថុនា ២០១០ បន្ទាប់ពីក្រុម អ៊ីតាលី បាន<br />បរាជ័យ ក្នុងការឡើងដល់វគ្គ ជម្រុះ World Cup 2010។ គាត់បានឈ្នះ ពានរង្វាន់ កីឡាករឆ្នើមប្រ<br />ចាំឆ្នាំរបស់ FIFA ក្នុងឆ្នាំ ២០០៦ ដែលធ្វើឱ្យគាត់ក្លាយជា ខ្សែការពារទីពីរ ដែលឈ្នះ ពានរង្វាន់<br />នេះ។</p>
<p>ដោយទទួលជោគជ័យ យ៉ាងត្រចះត្រចង់ និងបទពិសោធន៍ ជាច្រើន លោក Cannavaro ត្រូវបាន<br /> ជ្រើសរើស ជាតារាតំណាង កម្មវិធី Tiger Street Football ។ លោកនឹងបំពេញតួនាទីជាផ្លូវការ របស់<br />គាត់ និងចូលរួម នៅក្នុងការប្រកួតផ្ដាច់ព្រ័ត្រ Tiger Street Football ២០១៣ នៅក្នុង ប្រទេស ចំនួន<br />៧ ដូចជាកម្ពុជា អូស្ដ្រាលី ម៉ុងហ្គោលី សិង្ហបុរី ម៉ាឡេស៊ី វៀតណាម និងប្រទេសចិន។</p>
<p>លោករៀបការជាមួយអ្នកនាង Daniela ហើយមានកូនប្រុសពីរនាក់ និងកូនស្រីម្នាក់។ ដោយបាន<br /> គាំទ្រនូវសកម្មភាព មនុស្សធម៌ ជាច្រើន លោកបានសហការជាមួយ អតីតសមាជិក ក្រុមរបស់<br />លោក ដែលមានឈ្មោះ Ciro Ferrara ដើម្បីបង្កើតមូលនិធិ Foundation Cannavaro Ferrara <br />សម្រាប់ ផ្ដល់ការស្រាវជ្រាវ ជំងឺមហារីក និងសម្ភារៈបរិក្ខា នៅក្នុងទីក្រុង Naples ។</p>
<p>ក្នុងអំឡុងពេលស្នាក់នៅប្រទេសកម្ពុជា លោក Ciro Ferrara នឹងធ្វើសន្និសីទ កាសែតជាផ្លូវការ<br />មួយនៅសណ្ឋាគារ ណាហ្គាវើល ចូលរួមការប្រកួតមិត្ដភាព ដើម្បីបង្ហាញពី យុទ្ឋសាស្ដ្រ ការពារ<br />ជាមួយ ជំនាញដ៏អស្ចារ្យរបស់លោក ចុះហត្ថលេខា និងថតរូបជាមួយអ្នកគាំទ្រ ព្រមទាំង ចូលរួម<br />សកម្មភាពជាច្រើនក្នុងការប្រកួតផ្ដាច់ព្រ័ត្រ នៃកម្មវិធី Tiger Street Football នៅ ទីក្រុងភ្នំពេញ។</p>
<p>សូមកុំខកខានឱកាសជួបផ្ទាល់ជាមួយកំពូលតារាបាល់ទាត់ដ៏ល្បីរូបនេះ ព្រមទាំងទស្សនានូវ <br />ទស្សនីយភាព ដ៏អស្ចារ្យប្លែកៗ ដែលមិនធ្លាប់មាន។ កុំភ្លេចជួបផ្ទាល់ជាមួយ Cannavaro ក្នុង<br />កម្មវិធី Tiger Street Football នៅសួន វត្ដបទុម រាជធានីភ្នំពេញ ថ្ងៃទី ១៥-១៦ មីនា ២០១៣។</p>
<p>ព័ត៌មានលំអិត សូមមើលគេហទំព័រៈ tigerstreetfootball.com ឬ facebook: Tiger Beer Cambodia<br /> ឬទាក់ទងទូរស័ព្ទលេខ ០៧៧ ៧៧៧ ៩២៨ ៕</p>
<p style="text-align: center;"><img src="http://111.92.240.170:81/dap-news/dap-images/2013/February/id-037/S3237.jpg" alt="Photo by DAP-NEWS" width="450" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-037/S3236.jpg" alt="Photo by DAP-NEWS" width="450" /></p>
<p style="text-align: center;"><img src="http://111.92.240.170:81/dap-news/dap-images/2013/February/id-037/S3238.jpg" alt="Photo by DAP-NEWS" width="450" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>