<p><span style="color: #000000;">គ្រូបង្វឹករបស់ក្រុមអ្នកមានបុណ្យ Barcelona លោក Ernesto Valverde បានសរសើកីឡាករ Antoine Griezmann ដែលបានជួយធ្វើឲ្យក្រុមយកឈ្នះទៅលើ ក្រុម Real Betis កាលពីថ្ងៃអាទិត្យកន្លងទៅ។</span></p>
<p><span style="color: #000000;"><br /><a class="thickbox" title="" href="/FileManager/Commons/2019/8/27/555432-01-05-27-08-2019--14-05-39.jpg"><img src="/FileManager/Articles/mce/2019/8/27/555432-01-05-27-08-2019--14-05-39.jpg" alt="" /></a><br /></span></p>
<p><span style="color: #000000;">កីឡាករ Griezmann បានរកគ្រប់បាល់ជាលើកដំបូងឲ្យក្រុម អ្នកមានបុណ្យ Barcelona ឈ្នះ Bestis ៥-២ ក្នុងទឹកដីពហុកីឡដ្ឋាន Camp Nou ដែលកីឡាករ Lionel Messi, Luis Suarez និង Ousmane Dembele ត្រូវបានរងរបួស ហើយខ្សែប្រយុទ្ធរូបនេះ បាននាំឲ្យក្លឹបទទួលបានជ័យជម្នះ លើកដំបូងក្នុងក្របខ័ណ្ឌ LaLiga។</span></p>
<p style="text-align: justify;"><span style="color: #000000;"><br /><a class="thickbox" title="" href="/FileManager/Commons/2019/8/27/original-27-08-2019--14-11-15.jpg"><img src="/FileManager/Articles/mce/2019/8/27/original-27-08-2019--14-11-15.jpg" alt="" /></a><br /></span></p>
<p><span style="color: #000000;"><br /></span><span style="color: #000000; font-size: 12px;">លោក Valverde បានកោតសរសើរដល់ Griezmann ដែលបានបញ្ជូនបាល់ដល់ឲ្យមត្តិរួមក្រុម នៅពេលដែល Barca ត្រូវការ។</span></p>
<p><span style="color: #000000;">លោកបានប្រាប់សន្និសីទសារព័ត៌មានមួយតាមរយៈ Marca ថា៖ "ខ្ញុំត្រូវតែទទួលស្គាល់ថា វាជាថ្ងៃដ៏សំខាន់មួយសម្រាប់គាត់ដោយសារតែការរងរបួសដែលយើងមាន។ ហើយគាត់បានបង្ហាញយើងនូវទម្រង់លេងយ៉ាងល្អឥតខ្ចោះ" ។</span></p>
<p><br /><span style="color: #000000;"> គាត់បានបន្ថែមទៀតថា Griezmann ចុះមកលេងជំនួយខ្សែកណ្ដាល ហើយពួកយើងដឹងថា ប្រសិនបើខ្សែប្រយុទ្ធមកជួយតំបន់កណ្ដាលនោះ ពួកយើងនឹងមានសង្ឃឹមឈ្នះកាន់តែខ្លាំង។</span></p>
<p><span style="color: #000000;">Messi បានវិលត្រឡប់ពីរបួសកំភួនជើង ប៉ុន្តែខ្សែប្រយុទ្ធឆ្នើមរូបនេះ ខកខានមិនបានជួបជាមួយ Betis នោះទេ។</span></p>
<p><span style="color: #000000;">លោក Valverde មិនចង់ប្រថុយនឹងបុរសវ័យ ៣២ ឆ្នាំរូបនេះទេ ហើយបាននិយាយថា៖“ វាមិនមានអារម្មណ៍វិជ្ជមានទេ។ </span><span style="color: #000000; font-size: 12px;">យើងបាននិយាយរួចហើយថា យើងនឹងមិនប្រញាប់ប្រញាល់ទៅលើកីឡាករណាម្នាក់ឡើយ។ អ្វីដែលយើងចង់ចៀសវាងគឺការវិលត្រឡប់វិញ៕</span></p>
<p> </p>
<p><span style="color: #000000;">អត្ថបទ៖ ស៊ីថា</span></p>