<div class="article-content">
<p><strong>ភ្នំពេញៈ</strong> អតិថិជនធនាគារអេស៊ីលីដាម្នាក់ បានថតបង្ហោះ ក្រដាស់ប្រាក់ ២០ដុល្លារមួយសន្លឹក មាន<br />សភាពរឆេច រឆូច រួមនឹងអក្សរធំៗ ដោយរិះគន់ថា ធនាគារមិនទទួលខុសត្រូវ ព្រមទាំងអំពាវនាវឲ្យ<br />អតិថិជនអេស៊ីលីដាដទៃទៀត ប្រុងប្រយ័ត្នឲ្យបានខ្ពស់ពេលដកលុយពីម៉ាស៊ីន ATM។</p>
<p>លោក ឌី ឡាង អ្នកនិយមលេងបណ្តាញសង្គមហ្វេសប៊ុក បានបង្ហោះរូបភាពមួយសន្លឺកនៅក្នុងគណ<br />នេយ្យរបស់ ខ្លួន ដោយបានបង្ហាញនូវអារម្មណ៍សោកស្តាយ ព្រមទាំងរិះគន់ថា ធនាគារអេស៊ីលីដា<br />គ្មានការទទួលខុសត្រូវ និង អំពាវនាវឲ្យអតិថិជនអេស៊ីលីដាដទៃទៀត ប្រុងប្រយ័ត្នឲ្យបានខ្ពស់ពេល<br />ដកលុយពីម៉ាស៊ីន ATM។</p>
<p>លោក ឌី ឡាង បានធ្វើការអត្ថាធិប្បាយថា រូបគាត់បានដកប្រាក់ពីម៉ាស៊ីន ATM នៅក្នុងខេត្តស្វាយរៀង<br />ចំនួន២០ ដុល្លារ តែដោយសារតែក្រដាស់មានសភាពរឆេចរឆូច គាត់ក៏បានយកមកប្តូរវិញ តែបុគ្គលិក<br />ធនាគារប្រកែកមិន ព្រមប្តូរឲ្យគាត់នោះទេ។ «សូមបងប្អូនមានការប្រុងប្រយ័ត្ន និងក្រដាស់ប្រាក់ដុល្លារ<br />ដាច់ ខណៈបងប្អូនដក លុយពីម៉ាស៊ីន ATM។ ថ្ងៃនេះ យើងទទួលក្រដាស់ប្រាក់ម្ភៃដុល្លារដាច់ ថ្ងៃស្អែក<br />យើងនឹងទទួលក្រដាស់ហាសិបដុល្លារ ឬមួយរយដុល្លារដាច់ជាមិនខាន»។</p>
<p>ពាក់ព័ន្ធនឹងការចោទប្រកាន់យ៉ាងសុសសាយតាមបណ្តាញទំនាក់ទំនងសង្គមខាងលើនេះ ប្រធាន<br />សាខាធានាគារ អេស៊ីលីដា ខេត្តស្វាយរៀង លោក តុល ថុល បានថ្លែងប្រាប់មជ្ឈមណ្ឌលព័ត៌មាន<br />ដើមអម្ពិល តាមទូរស័ព្ទនាល្ងាច ថ្ងៃទី១១ ខែឧសភា ដោយច្រានចោលថា រឿងពិតវាមិនដូចអ្វី ដែល<br />បានចោទប្រកាន់ និងផ្សព្វផ្សាយតាមបណ្តាញ សង្គមមួយនេះឡើយ។</p>
<p>លោក តុល ថុល បានបន្តថា តាមពិតទៅអតិថិជនរបស់ខ្លួន ដែលបានបង្ហោះវាយប្រហារធនាគារនេះ <br /> បានដកប្រាក់ពីម៉ាស៊ីន ATM តាំងពីថ្ងៃទី២ ខែឧសភា លុះ៦ថ្ងៃក្រោយ ពោលគឺនៅថ្ងៃទី៨ ខែឧសភា<br /> ទើបយកលុយមក បង្ហាញបុគ្គលិកធនគារ និងសុំប្តូរលុយវិញ ដូច្នេះខាងធនាគារមិនអាចប្តូរឲ្យបាន<br />នោះទេ ព្រោះមិនដឹងលុយមកពី ខាងណាឡើយ។</p>
<p>នាយកធនាគារអេស៊ីលីដា ប្រចាំខេត្តស្វាយរៀងរូបនេះ បានបញ្ជាក់ថា រាល់អតិថិជន ដែលបានដក<br />ប្រាក់ពីម៉ាស៊ីន ATM មានបញ្ហាជាប់ ឬរហែក ហើយយកមកប្តូរភ្លាមៗ ធនាគារមិនដែលបដិសេធនោះ<br />ទេ។</p>
<p>លោក តុល ថុល បន្តបញ្ជាក់ថា «យើងមានឃ្លាំងប្រាក់ យើងអត់ដែលដាក់លុយចាស់ៗនោះទេ ព្រោះ<br />វាដកអត់ ចេញ អាចរមូជាប់នឹងម៉ាស៊ីន ATM តែម្តង»។</p>
<p>ទោះបីជាយ៉ាងណា បញ្ហានេះ ត្រូវបានលោក តុល ថុល រៀបចំឯកសារពាក់ព័ន្ធទាំងអស់ បញ្ជូនទៅ<br />ក្រុមប្រឹក្សាច្បាប់ នៃធនាគាររបស់ខ្លួន តែចំណាត់ការយ៉ាងណា មិនទាន់ដឹងនៅឡើយទេ។</p>
<p>លោក ក៏បានទទូចឲ្យអតិថិជនរបស់ខ្លួន ដែលបានបង្ហោះរូបភាពខាងលើ បញ្ជាក់ឲ្យបានច្បាស់លាស់<br /> ដូចជាកាល បរិច្ឆេទកើតហេតុ កុំបង្ហោះទាំងភាពមិនច្បាស់លាស់ ព្រោះធ្វើឲ្យសាធារណជនយល់ច្រឡំ <br />និងប៉ះពាល់ដល់កិត្តិ យសធនាគារ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-009/ST-067.jpg" alt="" width="550" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>