<div class="article-content">
<p><strong>ខេត្តកណ្តាលៈ</strong> យុវជនម្នាក់ ត្រូវរថយន្តបែកកៀរ ពីក្រោយបណ្តាល ឲ្យដួលបោកក្បាល បែកស្លាប់<br />ភ្លាមៗ នៅនឹងកន្លែង អ្នកបើកបររថយន្ត បន្ទាប់ ពីកើតហេតុ បានរត់គេចខ្លួនបាត់ បន្សល់តែរថយន្ត<br />ចោល នៅនឹងកន្លែងកើតហេតុ ។</p>
<p>ហេតុការណ៍នេះ កើតឡើងកាលពីវេលាម៉ោង ១៩ និង១៥នាទី ថ្ងៃទី៣១ ខែកក្កដា ឆ្នាំ២០១៣ ស្ថិត<br />នៅតាមបណ្តោយ ផ្លូវជាតិលេខ៤ ចន្លោះគីឡូម៉ែត្រលេខ២២ ទៅ ២៣ក្នុងភូមិស្វាយជ្រំ ឃុំបែកចាន<br /> ស្រុកអង្គស្នួល ខេត្តកណ្តាល ។</p>
<p>នគរបាល បានឲ្យដឹងថា ជនរងគ្រោះមានឈ្មោះ ប៊ុន សុភារ័ត្ន ភេទប្រុស អាយុ២១ឆ្នាំ មានមុខរបរ<br />ជានិស្សិតរស់នៅភូមិព្រៃភក្តី ឃុំព្រៃពួច ស្រុកអង្គស្នួល ខេត្តកណ្តាល ជិះម៉ូតូមួយគ្រឿងម៉ាកស្កូបពី<br />ពណ៌ ក្រហមលាយសពាក់ស្លាកលេខភ្នំពេញ 1BR-2533 ពុំមានពាក់មួកសុវត្ថិភាពនិងកញ្ចក់មើល<br />ក្រោយនោះទេ ។ ចំណែកឯរថយន្តបង្កវិញ ម៉ាកហ៊ីយ៉ានដាយ ពណ៌ត្រួយចេក ប្រភេទបែនធុនធំ <br />ពាក់ស្លាកលេខភ្នំពេញ 3B-3954 បើកបរស្របទិសគ្នា ពីកើតទៅលិច (អ្នកបើកពុំត្រូវ បានគេស្គាល់<br />ឈ្មោះនោះទេ បន្ទាប់ពីកើតហេតុ រត់គេចខ្លួនបាត់)។</p>
<p>នគរបាលបានបន្តទៀតថា មុនពេលកើតហេតុ គេឃើញរថយន្តបើកបរ ពីកើតទៅលិចក្នុងល្បឿន<br />លឿន លុះដល់ចំណុចកើតស្រាប់តែជ្រុលចង្កូតទៅកៀបុកម៉ូតូពីក្រោយយ៉ាងពេញទំហឹងបណ្តាល<br />ឲ្យអ្នកបើក បរម៉ូតូដួលបោកទៅនឹងថ្នល់បែកក្បាយ ហូរឈាមទាំងថ្លុក ដាច់ខ្យល់ស្លាប់ភ្លាមៗ នៅ<br />នឹងកន្លែង រីឯអ្នកបើកបរ រថយន្តភ្លាមៗ បន្ទាប់ពីឃើញ ស្ថានការ បែបនោះ បានចុះចេញពីរថយន្ត<br /> គេចខ្លួនបាត់ ។ ក្រោយ ពេលកើតហេតុ នគរបាលចុះទៅ ដល់កន្លែងកើត ហេតុធ្វើការ វាស់វែង <br />និងប្រគល់សាកសព ទៅឲ្យក្រុម គ្រួសារយកទៅធ្វើបុណ្យតាមប្រពៃណី ចំណែកឯវត្ថុតាង វិញត្រូវ<br />យកមក រក្សាទុកនៅអធិការដ្ឋានដើម្បី កសាងសំណុំរឿង បញ្ជូនមកកាន់ស្នងការដ្ឋានចាត់ការទៅ<br />តាម នីតិវិធីច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0789.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0788.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0790.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>