<p><span style="color: #000000;"><strong>(ភ្នំពេញ)៖</strong> លោក រិន វិរៈ រដ្ឋលេខាធិការក្រសួងផែនការ និងជាប្រធានក្រុមការងារយុវជនខ្មែរ ប្រចាំប្រទេសកាណាដា នៅថ្ងៃទី០២ ខែធ្នូ ឆ្នាំ២០១៦នេះ បាននាំយកថវិកាចំនួន១ពាន់ដុល្លារ ព្រមជាមួយអង្ករ និងឱសថពេទ្យមួយចំនួនធំ ផ្ដល់ជូនមន្ទីរពេទ្យគន្ធបុប្ផា។</span></p>
<p><span style="color: #000000;">ក្នុងឱកាសនោះ លោក រិន វិរៈ បានឲ្យដឹងថា នេះគឺជាលើកទី២ហើយ ដែលរូបលោកបានដឹកនាំក្រុមការងារយុវជនខ្មែរ នៅកាណាដា នាំយកថវិកា និងអំណោយឧបត្ថម្ភដល់មន្ទីរពេទ្យគន្ធបុប្ផា ក្រោមការសម្របសម្រួលពី លោក ហ៊ុន ម៉ាណែត ដែលតែងតែបានអំពាវនាវ ដល់ប្រជាពលរដ្ឋខ្មែរក្រៅប្រទេស ជួយឧបត្ថម្ភថវិកាជាបន្តបន្ទាប់ ដើម្បីជួយគាំទ្រដល់មន្ទីរពេទ្យគន្ធបុប្ផា ក្នុងពិនិត្យព្យាបាលជំងឺជូនកុមារ ដោយឥតគិតថ្លៃ។</span></p>
<p><span style="color: #000000;">លោករដ្ឋលេខាធិការបានបន្តថា ក្រុមការងារយុវជនខ្មែរប្រចាំកាណាដា បានបន្តខិតខំប្រឹងប្រែងប្រមូលថវិកាមនុស្សធម៌ ដើម្បីយកមក ជួយមន្ទីរពេទ្យគន្ធបុប្ផា ជាបន្តនៅពេលក្រោយៗទៀត។</span></p>
<p><span style="color: #000000;">ចំណែកប្រជាពលរដ្ឋខ្មែរនៅកាណាដា ទៀតសោត ក៏បានយកថវិកាចំនួន ៧,០៨៥ដុល្លារកាណាដា ស្មើនឹង១,០០០ដុល្លារអាមេរិក និងអង្ករ២តោន រួមទាំងថ្នាំពេទ្យចំនួន ៥,០០០គ្រាប់ ផ្តល់ជូនមន្ទីរពេទ្យគន្ធបុប្ផា ផងដែរ ដើម្បីឲ្យមន្ទីរពេទ្យយកទៅជួយដល់កុមារ ដែលសម្រាកព្យាបាលនៅទីនោះ៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-25-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-25-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-26-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-26-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-26-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-26-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-02-15-10-26-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>