<div class="article-content">
<p><strong>ភ្នំពេញ ៖</strong> បុរសម្នាក់ បានស្លាប់ភ្លាមៗ នៅកន្លែងកើតហេតុ ក្រោយពីរថយន្ដដឹកទឹកកក បានបើក<br />បុកអ្នកជិះម៉ូតូ ពេលឆ្លងផ្លូវចេញពីផ្ទះ កាលពីវេលាម៉ោង ២ រសៀល ថ្ងៃទី១៥ ខែកក្កដា ឆ្នាំ២០១៣<br /> ស្ថិតនៅលើកំណាត់ផ្លូវជាតិ លេខ១ ភូមិស្តៅកន្លែង ស្រុកកៀនស្វាយ ខេត្តកណ្តាល ។</p>
<p>សេចក្ដីរាយការណ៍ ពីកន្លែងកើតហេតុ បានឱ្យដឹងថា ខណៈដែលបុរសម្នាក់ កំពុងជិះម៉ូតូហុងដា<br /> សេ១២៥ មួយ គ្រឿង ពណ៌ខ្មៅ ពាក់ស្លាកលេខ ភ្នំពេញ1Q-1541លើកំណាត់ ផ្លូវជាតិលេខ១ ស្រាប់<br />តែដល់ចំណុចកើតហេតុ ក៏ ត្រូវរថយន្តដឹកទឹកកក បើកបុកចំពាក់កណ្តាល ម៉ូតូ បណ្ដាលឱ្យជនរង<br />គ្រោះប៉ើង អូសលើទ្រូងផ្លូវ ប្រមាណជាង ១០ម៉ែត្រ ធ្លាយពោះវៀន ស្លាប់ភ្លាមៗនៅនឹងកន្លែងតែម្តង។<br /> ក្រោយបង្កគ្រោះ ថ្នាក់ចរាចរ អ្នកបើករថយន្ដ បាន បើករត់គេចខ្លួន ដោយបានទុក រថយន្ដចោល នៅ<br />កន្លែងកើតហេតុ ។</p>
<p>យោងតាម សមត្ថកិច្ចមូលដ្ឋាន បានឱ្យដឹងថា រថយន្ដបង្កម៉ាក ហ៊ីយ៉ាន់ដាយ ពណ៌ត្រួយចេក ពាក់<br />ស្លាកលេខ ភ្នំពេញ 3A-9832 ។</p>
<p>បើយោងតាម សមត្ថកិច្ច ជនរងគ្រោះ ឈ្មោះ សាត់ ប៊ុនធឿន អាយុ ២៣ ឆ្នាំ ស្នាក់នៅភូមិស្តៅកន្លែង<br /> ស្រុកកៀន ស្វាយ ខេត្តកណ្តាល ។ ជនរងគ្រោះ ជិះម៉ូតូឆ្លងផ្លូវពីត្បូងទៅជើង ខណ:ឆ្លងបានពាក់<br />កណ្តាលផ្លូវ ស្រាប់តែ រថយន្ត ដឹកទឹកកក ដែលបើកបរក្នុងល្បឿនយ៉ាងលឿន ពីលិចទៅកើត ពោល<br />គឺពីភ្នំពេញទៅអ្នកលឿង ហើយបុកចំពាក់កណ្តាលម៉ូតូជាប់ក្រោមរថយន្ត អូសជាង១០ម៉ែត្រ បណ្តាល<br />ឲ្យជនរងគ្រោះធ្លាយពោះវៀនស្លាប់នៅនឹងកន្លែងតែម្តង។ បន្ទាប់ពីកើតហេតុ អ្នកបើករថយន្តបង្ក បាន<br />ចុះរត់គេចខ្លួនបាត់ ដោយទុករថយន្តចោលនៅ នឹងកន្លែងកើតហេតុ។</p>
<p>សមត្ថកិច្ចបានបញ្ជាក់ថា ម៉ូតូជនរងគ្រោះ និងរថយន្តបង្កហេតុ ត្រូវបានសមត្ថកិច្ចធ្វើការ វាស់វែងអូស<br />យកទៅរក្សា ទុកនៅអធិការដ្ឋាននគរបាលស្រុកកៀនស្វាយ រង់ចាំដោះស្រាយតាមផ្លូវច្បាប់។ ចំណែក<br />សពត្រូវបានប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី ៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0352.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0353.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0354.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0355.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>