<p><strong>ភ្នំពេញ៖</strong> ក្រុមហ៊ុនចំនួន ៣ ក្នុងនោះមានទូរទស្សន៍ CTN ក្រុមហ៊ុន Media Corp និងផលិតកម្មខ្មែរមេគង្គ (KMF) បាននឹងកំពុងផលិត ខ្សែភាពយន្តខ្នាតធំ ប្រចាំឆ្នាំ២០១៤ មានចំណងជើងថា “ដំរីមរកត” ជាប្រភេទរឿង ពោរពេញទៅដោយ ឈុតឆាកប្លែកអស្ចារ្យ ជាពិសេសមនោសញ្ចេតនា ស្នេហាឆ្លងប្រទេស។</p>
<p>យោងតាមសេចក្តីប្រកាសព័ត៌មាន របស់ស្ថានីយទូរទស្សន៍ CTN ដែលផ្តល់ជូនអ្នកសារព័ត៌មាន នៅល្ងាចថ្ងៃទី២៦ ខែឧសភា ឆ្នាំ២០១៤ បានឲ្យដឹងថា ខ្សែភាពយន្តនេះ និយាយអំពីរឿងរ៉ាវស្នេហា និងមហិច្ឆតា ដែលមានតារាសម្តែង មកពីប្រទេសសិង្ហបុរី និងកម្ពុជា ជាច្រើនរូបចូលរួមសម្ដែង ជាមួយគ្នា។ រឿង “ដំរីមរកត” បាននឹងកំពុងថត នៅខេត្តសៀមរាប រាជធានីភ្នំពេញ និងនៅប្រទេសសិង្ហបុរី និងខេត្តកំពង់ធំ។</p>
<p>ថ្លែងក្នុងសន្និសីទកាសែត នៅក្នុងបរិវេណស្ថានីយ ទូរទស្សន៍ CTN លោក Bernard Anthory អគ្គនាយកក្រុមហ៊ុន CBS បានឲ្យដឹងថា ជារៀងរាល់ឆ្នាំ កម្ពុជាតែងតែ នាំមកនូវកម្មវិធីកម្សាន្តថ្មីៗប្លែកៗ និងដ៏សម្បូរបែប មកជូនទូរទស្សនិកជន របស់ខ្លួន ហើយថា ទូរទស្សន៍ស៊ីធីអិន បានសហការជាមួយផលិតកម្ម ខ្មែរមេគង្គ KMF និង Media Corp ដែលជាការសហការផលិត ដោយផលិតកម្មរបស់កម្ពុជា និងសិង្ហបុរី មិនធ្លាប់មានពីមុនមក នៅក្នុងប្រវត្តិសាស្ត្រ ទូរទស្សន៍កម្ពុជា។</p>
<p>លោក បានបន្តថា “គោលគំនិត នៅពីក្រោយខ្សែភាពយន្ត រឿង "ដំរីមរកត" នេះ គឺដើម្បីភ្ជាប់ទំនាក់ទំនង ជាមួយដៃគូផលិតកម្មល្បីឈ្មោះមកពីតំបន់ ដើម្បីនាំមកនូវជូនទូរទស្សនិកជន នូវខ្សែភាពយន្តថ្មី ហើយប្លែកដែលពួកគាត់ មិនដែលធ្លាប់ទស្សនា ពីមុនមក”។</p>
<p>ខ្សែភាពយន្តខ្នាតធំ ប្លែក និងអស្ចារ្យនេះ បាននឹងកំពុងសកម្មភាពថត ហើយមានចំនួនប្រាំភាគ សម្រាប់ជូនអតិថិជនទស្សនា ហើយនឹងត្រូវចាក់បញ្ចាំង នៅលើកញ្ចក់ ទូរទស្សន៍ CTN នៅត្រីមាសទី៣ ឆ្នាំ២០១៤ខាងមុខនេះ ។ ខ្លឹមសារនៃសាច់រឿងនេះ នឹងធ្វើឲ្យទស្សនិកជន ជក់ចិត្តដិតអារម្មណ៍ខ្លាំង ពីព្រោះថា តួឯកសុទ្ធតែល្បីល្បាញ នៅប្រទេសកម្ពុជា និង សិង្ហបូរី នាពេលបច្ចុប្បន្ននេះ។</p>
<p>តួឯកស្រីវ័យក្មេង កំពុងតែល្បីល្បាញ នៅប្រទេសកម្ពុជា គឺកញ្ញា ឌុច លីដា ត្រូវបានគេដឹងថា នាងសម្ដែងជាតួឈ្មោះ នាង "ម៉ាលី" ក្នុងខ្សែភាពយន្តនេះ ហើយបានបញ្ជាក់ ពីអារម្មណ៍ថា នាងពិតជាសប្បាយរីករាយខ្លាំង ពេលបានសម្ដែងជាមួយតួឯកប្រុស លោក Elvin Ng ដែលកំពុងតែល្បីឈ្មោះ ក្នុងប្រទេសសិង្ហបុរី ។ នាងបន្តថា "ខ្ញុំធ្លាប់តែឃើញលោក Elvin Ng តាមរយៈកញ្ជក់ទូរទស្សន៍ ប៉ុន្តែពេលនេះ មិនត្រឹមតែបានឃើញមុខផ្ទាល់ប៉ុណ្ណោះទេ គឺខ្ញុំបានសម្ដែងជាមួយគាត់ទៀត ខ្ញុំពិតជារំភើបខ្លាំងមែនទែន ។ ខ្ញុំនឹងខិតខំសម្ដែង ឲ្យអស់ពីសមត្ថភាព ដើម្បីឲ្យភាពយន្តនេះ ស្របទៅតាមស្ដង់ដារ ខ្នាតអន្តរជាតិ និងមិនឲ្យមហាជន ជាអ្នកទស្សនា ខកបំណងឡើយ.."។</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0369.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0364.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0365.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0366.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0367.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/May/id-098/S_0368.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/30757--elvin-ng-.html" target="_blank">ផ្តល់សិទ្ធដោយ ៖ ដើមអម្ពិល</a></p>