<div>
<p><span style="color: #000000;"><strong>(ភ្នំពេញ)៖</strong> បើគិតរហូមកដល់ពេលនេះ រយៈពេល១ឆ្នាំហើយ ដែលតារាសម្តែងកូនកាត់ឥណ្ឌា អ្នកនាង តាំង គីមចាំង ហៅ ប៊ីរីយ៉ា បានសម្រេចចិត្តបញ្ចប់ភាពនៅលីវ រៀបការសាងគ្រួសារ ជាមួយស្វាមីជាអ្នកជំនួញ។ ក្រោយពីនាងរៀបការរួច គេសង្កេតឃើញថា តារាស្រីរូបនេះ ហាក់មានភាពឃ្លាតឆ្ងាយពីសិល្បៈ មួយរយៈពេលធំ ដោយសារតែនាង ត្រូវសម្ងំពពោះ និងថែទាំខ្លួន ក្រោយសម្រាលបានកូនស្រីមួយ ដែលមានអាយុប្រមាណជិត៤ខែ។</span></p>
<p><span style="color: #000000;">សម្រាប់ព័ត៌មានដែលថា នាង ប៊ីរីយ៉ា សម្រាលបានកូនស្រីមួយនោះ ហាក់ដូចជារឿងដែលអាថ៌កំបាំង បិទបាំងខ្លាំងណាស់ ពោលនាងនិងស្វាមី មិនដែលបានបង្ហាញពីតម្រុយ ដែលពួកគេមានកូនទាល់តែសោះ ចាប់តាំងពី ពួកគេរៀបការមួយជារឿយៗ ពួកគេតែងបង្ហាញភាពសិ្នទ្ធស្នាល ផ្អែមល្ហែមជាមួយគ្នា តែពីរនាក់មិនដែលដាច់។ ដោយឡែករឿងមានកូនចៅនេះ គូស្វាមីភរិយាមួយគូនេះ មិនបានទម្លាយប្រាប់ ដល់សាធារណជន និងអ្នកគាំទ្រឲ្យដឹងឡើយ ដោយធ្វើឲ្យទស្សនិកជនគិតថា ការដែលនាងលាក់បាំងទំនង មកពីនាងខ្លាចធ្លាក់កូដ នៅពេលមានកូន។</span></p>
<p><span style="color: #000000;">ទាក់ទងទៅនឹងចម្ងល់ទាំងអស់នេះដែរ ត្រូវបានតារាសម្តែង និងជាតារាបង្ហាញម៉ូដ រាងខ្ពស់ស្រឡះ អ្នកនាង ប៊ីរីយ៉ា នៅពេលថ្មីៗនេះ បានចេញមុខទម្លាយប្រាប់ ជាសាធារណៈថា ខ្លួននាងពេលនេះបានក្លាយ ជាម្តាយរបស់គេហើយ ដោយនាងទើបតែ ទទួលបានចំណងដៃកូនស្រីម្នាក់ ដែលពេលនេះមានអាយុជិត៤ខែ កូនស្រីរបស់នាងមានឈ្មោះថា ឡា ប៊ីណា និងមានសុខភាពរឹងមាំល្អ។</span></p>
<p><span style="color: #000000;">តួឯកស្រីក្នុងរឿង «ឋានសួគ៌ស្នេហ៍» រូបនេះ បានប្រាប់ពីទំហំចិត្តរបស់ខ្លួន ពេលក្លាយជាម្តាយរបស់គេថា <strong>«នៅ ពេលដែលក្លាយខ្លួន ជាម្តាយរបស់គេ ទើបដឹងថា ទំហំចិត្តខ្ញុំពេលនេះ ស្រលាញ់កូនខ្លាំង ហើយរឿងដែលខ្ញុំខ្លាចបំផុត គឺខ្លាចកូនឈឺ ខ្ញុំតែងតែចំណាយពេលថែរក្សាគាត់ បានយ៉ាងដិតដល់»</strong>។</span></p>
<p><span style="color: #000000;">បើទោះជាពេលនេះ តារាស្រីរូបនេះមានកូនស្រីមួយ ជាចំណងអាពាហ៍ពិពាហ៍ ហើយក៏ដោយតែនាងបានអះអាងថា នាងមិនទាន់ចង់គិតរឿងយកកូនបន្តទេ ដោយនាងបានប្រាប់បន្ថែមទៀតថា រហូតមកដល់ពេលនេះ នាងនៅមិនទាន់គិតថា យកកូនទី២ ក្នុងពេលឆាប់ៗខាងមុខនេះទេ ព្រោះថានាងចង់ទុកពេល មើលថែទាំកូនទី១ឲ្យល្អ និងទុកពេលសម្រាប់ការងារសិល្បៈ ឲ្យបានច្រើនរឹងមាំជាមុនសិន ទើបចាប់ផ្តើមគិតរឿងយកកូនបន្ត៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xta1/v/t1.0-9/12341441_1531084553872577_5223790894688055416_n.jpg?oh=679944a066a0e675501e6d9a9253e4b5&oe=56DFDE00" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xft1/v/t1.0-9/12316297_1531084560539243_1218284449125978184_n.jpg?oh=ff4adb7d098ca089515222eac2f0bf69&oe=56E291A4" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12347873_1531084557205910_6383701013373614213_n.jpg?oh=fcb1efc35f0849205a3a060f808fb538&oe=56E04B3F" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xft1/v/t1.0-9/12347607_1531084593872573_8088794673558386845_n.jpg?oh=fbf1195e7b3770349dc6a42628a559c2&oe=571B049B&__gda__=1458452730_453ac3ea0c952eec390aa69611a0df52" alt="" width="730" /></span></p>
</div>
<p><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>